Read Aramaic Peshita Psalms 11 Bible Online

Psalms 11 - Aramaic Peshita bible

Psalms 11

¹ܒܡܵܪܝܵܐ ܣܲܒ̇ܪܹܬ̣ ܐܲܝܟ݂ܢ ܐܵܡ̇ܪܝܼܬܘܿܢ ܠܢܲܦ̮ܫܝ.

²ܢܘܼܕܝܼ ܘܲܫܟܲܢܝ ܥܲܠ ܛܘܼܪܹ̈ܐ ܐܲܝܟ݂ ܨܸܦܪܵܐ.

³ܡܸܛܠ ܕܗܵܐ ܚܲܛܵܝܹ̈ܐ ܡܠܵܘ ܩܸܫܬܵܐ.

⁴ܘܐܲܬ̣ܩܸܢܘ ܓܹܐܪ̈ܝܗܘܿܢ ܥܲܠ ܝܲܬ̣ܪܵܐ.

⁵ܠܡܸܫܕܵܐ ܒܥܲܡܛܵܢܵܐ ܒܲܬ̣ܪ̈ܝܼܨܲܝ ܠܸܒܵܐ.

⁶ܡܸܛܠ ܕܡܸܕܸܡ ܕܥܲܬܸܕ̇ܬ̇ ܣܚܲܦܘ.

⁷ܙܲܕܝܼܩܵܐ ܕܹܝܢ ܡܵܢܵܐ ܥܵܒܹܕ݂ ܡܵܪܝܵܐ ܒܗܲܝܟܠܵܐ ܕܩܘܼܕ݂ܫܹܗ.

⁸ܡܵܪܝܵܐ ܒܲܫܡܲܝܵܐ ܟܘܼܪܣܝܹܗ.

⁹ܥܲܝܢܵܘ̈ܗܝ ܚܵܙ̈ܝܵܢ ܘܬܸܡܪ̈ܵܘܗܝ ܒܵܚ̇ܪܝܼܢ ܠܲܒ̣ܢܲܝ̈ܢܵܫܵܐ.

¹⁰ܡܵܪܝܵܐ ܒܵܚܲܪ ܠܙܲܕܝܼܩܹ̈ܐ ܘܲܠܥܲܘܵܠܹ̈ܐ.

¹¹ܘܲܠܪ̈ܵܚܡܲܝ ܥܲܘܠܵܐ ܣܢܵܬ̤ ܢܲܦ̮ܫܹܗ.

¹²ܢܚܸܬ̣ܘ ܥܲܠ ܪ̈ܲܫܝܼܥܹܐ ܦܲܚܹ̈ܐ ܐܲܝܟ݂ ܡܸܛܪܵܐ.

¹³ܢܘܼܪܵܐ ܘܟܸܒ̣ܪܝܼܬ̣ܵܐ.

¹⁴ܘܪܘܼܚܵܐ ܕܲܡܚܘܿܬ̣ܵܐ ܡܢܵܬ̣ܵܐ ܕܟ̣ܵܣܗܘܿܢ.

¹⁵ܡܸܛܠ ܕܙܲܕܝܼܩ ܗ̄ܘ̣ ܡܵܪܝܵܐ ܘܙܲܕܝܼܩܘܼܬ̣ܵܐ ܪܵܚܹܡ.

¹⁶ܘܲܬ̣ܪܝܼܨܘܼܬ̣ܵܐ ܚܵܙ̈ܝܵܢ ܐܲܦܵܘ̈ܗܝ.