Read Aramaic Peshita Psalms 111 Bible Online

Psalms 111 - Aramaic Peshita bible

Psalms 111

¹ܐܲܘܕܸ̇ܐ ܠܡܵܪܝܵܐ ܡ̣ܢ ܟܠܹܗ ܠܹܒ̇ܝ.

²ܒܡܸܠܟܵܐ ܕܲܬ̣ܪ̈ܝܼܨܹܐ ܒܥܹܕ̄ܬܵܐ.

³ܪܲܘܪ̱ܒ̣ܝܼܢ ܥܒ̣ܵܕ݂ܵܘ̈ܗܝ ܕܡܵܪܝܵܐ.

⁴ܘܡܸܬ̣ܒ̇ܥܹܝܢ ܠܟ̣ܠ ܕܨܵܒܹܝ݁ܢ ܒܗܘܿܢ.

⁵ܡܫܲܒ̇ܚܝܼܢ ܘܪܵܘܪ̱ܒ̣ܝܼܢ ܥܒ̣ܵܕ݂ܵܘ̈ܗܝ.

⁶ܘܙܲܕ̇ܝܼܩܘܼܬܹܗ ܩܲܝܵܡܵܐ ܠܥܵܠܲܡ.

⁷ܥܘܼܗܕܵܢܵܐ ܝܲܗ̄ܒ̣ ܠܬܸܕ݂ܡܪ̈ܵܬܹܗ.

⁸ܡܪܲܚܡܵܢ ܗ̄ܘ̣ ܘܲܡܪܲܚܦܵܢ ܡܵܪܝܵܐ.

⁹ܡܹܐܟ̣ܘܼܠܬܵܐ ܝܲܗ̄ܒ̣ ܠܕ݂ܵܚܠܵܘ̈ܗܝ.

¹⁰ܘܡܸܬ̇ܕ̇ܟܲܪ ܠܥܵܠܲܡ ܩܝܵܡܹܗ.

¹¹ܚܲܝܠܵܐ ܕܒܲܥܒ̣ܵܕ݂ܵܘ̈ܗܝ ܚܲܘܝܼ ܠܥܲܡܹܗ.

¹²ܕܢܸܬܸ̇ܠ ܠܗܘܿܢ ܝܵܪܬ̇ܘܼܬ̣ܵܐ ܕܥܲܡܡܹ̈ܐ.

¹³ܥܒ̣ܵܕ݂ ܐܝܼܕ݂ܵܘ̈ܗܝ ܩܘܼܫܬܵܐ ܘܕ݂ܝܼܢܵܐ.

¹⁴ܩܲܝܵܡܝܼܢ ܠܥܵܠܲܡ ܥܵܠܡܝܼܢ.

¹⁵ܘܲܡܫܲܪܪܝܼܢ ܟܠܗܘܿܢ ܦܘܼܩܕܵܢܵܘ̈ܗܝ.

¹⁶ܥܒ̣ܝܼܕ݂ܝܼܢ ܒܙܲܕ̇ܝܼܩܘܼܬ̣ܵܐ ܘܲܒ̣ܩܘܼܫܬܵܐ.

¹⁷ܦܘܼܪܩܵܢܵܐ ܫܲܕܲܪ ܠܥܲܡܹܗ.

¹⁸ܘܡܸܬ̇ܕ̇ܟܲܪ ܠܥܵܠܲܡ ܩܝܵܡܹܗ.

¹⁹ܩܲܕ̇ܝܼܫܘܼ ܘܲܕ݂ܚܝܼܠ ܫܡܹܗ.

²⁰ܪܹܫ ܚܸܟ̣ܡܬ̣ܵܐ ܕܚܸܠܬܹܗ ܕܡܵܪܝܵܐ.

²¹ܘܣܘܼܟܵܠܵܐ ܛܵܒ̣ܵܐ ܠܥܵܒ̣ܘܿܕܹܝ̈ܗ̇.

²²ܘܬܸܫܒ̇ܘܿܚܬܹܗ ܩܲܝܵܡܵܐ ܠܥܵܠܲܡ.