Read Aramaic Peshita Psalms 112 Bible Online

Psalms 112 - Aramaic Peshita bible

Psalms 112

¹ܛܘܼܒ̣ܵܘܗܝ ܠܓܲܒ̣ܪܵܐ ܕܕ݂ܵܚܹܠ ܡ̣ܢ ܡܵܪܝܵܐ.

²ܘܲܙܗܝܼܪ ܒܦܘܼܩܕܵܢܵܘ̈ܗܝ.

³ܢܸܗܘܸܐ ܚܲܝܠ̱ܬ̣ܵܢ ܙܲܪܥܹܗ ܒܐܲܪܥܵܐ.

⁴ܘܢܸܬ̣ܒܲܪܲܟ݂ ܒܕ݂ܵܪܵܐ ܕܙܲܕ̇ܝܼܩܹ̈ܐ.

⁵ܩܸܢܝܵܢܵܐ ܘܥܘܼܬ̣ܪܵܐ ܢܸܣܓܸ̇ܐ ܒܒܲܝܬܹܗ.

⁶ܘܙܲܕ̇ܝܼܩܘܼܬܹܗ ܬܩܘܼܡ ܠܥܵܠܲܡ.

⁷ܕܢܲܚ̣ ܢܘܼܗܪܵܐ ܒܚܸܫܘܿܟ̣ܵܐ ܠܲܬ̣ܪ̈ܝܼܨܹܐ.

⁸ܘܲܡܪܲܚܸܡ ܥܲܠ ܙܲܕ̇ܝܼܩܹ̈ܐ.

⁹ܛܵܒ̣ܘܼ ܓܲܒ̣ܪܵܐ ܕܲܡܪܲܚܸܡ ܘܡܲܘܙܸܦ.

¹⁰ܘܲܡܣܲܝܒܲܪ ܡܸܠܵܘ̈ܗܝ ܒܕ݂ܝܼܢܵܐ.

¹¹ܠܥܵܠܲܡ ܠܵܐ ܢܙܘܼܥ.

¹²ܕܘܼܟ̣ܪܵܢܵܐ ܠܥܵܠܲܡ ܢܸܗܘܸܐ ܠܙܲܕ̇ܝܼܩܵܐ.

¹³ܘܡ̣ܢ ܛܸܒܵܐ ܒܝܼܫܵܐ ܠܵܐ ܢܸܕ݂ܚܲܠ.

¹⁴ܕܡܲܬ̣ܩܲܢ ܠܸܒܹ̇ܗ ܬܟ̣ܝܼܠ ܥܲܠ ܐܲܠܵܗܵܐ.

¹⁵ܘܲܡܫܲܪܲܪ ܠܸܒܹ̇ܗ ܘܠܵܐ ܕܵܚܹ̇ܠ.

¹⁶ܥܕܲܡܵܐ ܕܚܵܙܹ̇ܐ ܒܲܒ̣ܥܸܠܕ̇ܒ̣ܵܒ̣ܵܘ̈ܗܝ.

¹⁷ܒܲܕܲܪ ܘܝܲܗ̄ܒ̣ ܠܒ̣ܵܝܫܹ̈ܐ.

¹⁸ܘܙܲܕ̇ܝܼܩܘܼܬܹܗ ܩܲܝܵܡܵܐ ܠܥܵܠܲܡ ܥܵܠܡܝܼܢ.

¹⁹ܘܩܲܪܢܹܗ ܬܸܬ̇ܪܝܼܡ ܒܫܘܼܒ̣ܚܵܐ.

²⁰ܥܲܘܵܠܵܐ ܢܸܚܙܸܐ ܘܢܸܪܓܲܙ.

²¹ܘܫܸܢܵܘ̈ܗܝ ܢܚܲܪܸܩ ܘܢܸܬ̇ܕܲܠܲܚ.

²²ܘܪܸܓ̇ܬ̣ܵܐ ܕܪ̈ܲܫܝܼܥܹܐ ܬܹܐܒܲܕ݂.