Read Aramaic Peshita Psalms 117 Bible Online

Psalms 117 - Aramaic Peshita bible

Psalms 117

¹ܐܲܘܕܵܘ ܠܡܵܪܝܵܐ ܕܛܵܒ̣ܘܼ ܘܲܠܥܵܠܲܡ ܪ̈ܲܚܡܵܘܗܝ.

²ܢܹܐܡܲܪ ܝܑܼܣܪܵܝܹܠ ܕܲܠܥܵܠܲܡ ܪ̈ܲܚܡܵܘܗܝ.

³ܢܹܐܡܪܘܼܢ ܕܒܹܝܬ̣ ܐܲܗܪܘܿܢ ܕܲܠܥܵܠܲܡ ܪ̈ܲܚܡܵܘܗܝ.

⁴ܢܹܐܡܪܘܼܢ ܕܲܚܠܵܘ̈ܗܝ ܕܡܵܪܝܵܐ ܕܲܠܥܵܠܲܡ ܪ̈ܲܚܡܵܘܗܝ.

⁵ܡ̣ܢ ܐܘܼܠܨܵܢܵܐ ܩܪܹܝܬ̣ ܠܡܵܪܝܵܐ.

⁶ܘܲܥܢܵܢܝ ܡܵܪܝܵܐ ܒܲܪܘܲܚܬ̣ܵܐ.

⁷ܡܵܪܝܵܐ ܡܥܲܕ̇ܪܵܢܝ ܠܵܐ ܐܸܕ݂ܚܲܠ.

⁸ܡܵܢܵܐ ܥܵܒܹ̇ܕ݂ ܠܝܼ ܒܲܪܢܵܫܵܐ.

⁹ܡܵܪܝܵܐ ܡܥܲܕ̇ܪܵܢܝ ܘܐܸܢܵܐ ܐܸܚܙܸܐ ܒܣܵܢܐܲܝ̈.

¹⁰ܛܵܒ̣ ܠܡܸܬ̇ܬ̇ܟ̣ܵܠܘܼ ܥܲܠ ܡܵܪܝܵܐ.

¹¹ܛܵܒ̣ ܡ̣ܢ ܕܲܠܡܸܬ̇ܬ̇ܟ̣ܵܠܘܼ ܥܲܠ ܒܲܪܢܵܫܵܐ.

¹²ܛܵܒ̣ ܠܡܸܬ̇ܬ̇ܟ̣ܵܠܘܼ ܥܲܠ ܡܵܪܝܵܐ.

¹³ܛܵܒ̣ ܡ̣ܢ ܕܲܠܡܸܬ̇ܬ̇ܟ̣ܵܠܘܼ ܥܲܠ ܫܲܠܝܼܛܵܐ.

¹⁴ܟܠܗܘܿܢ ܥܲܡܡܹ̈ܐ ܚܲܕ݂ܪܘܼܢܝ.

¹⁵ܘܒܲܫܡܹܗ ܕܡܵܪܝܵܐ ܐܲܣܝܼܦܹ̇ܬ̣ ܐܸܢܘܿܢ.

¹⁶ܐܸܬ̣ܟܲܪܟ̇ܘܼܢܝ ܘܚܲܕ݂ܪܘܼܢܝ.

¹⁷ܘܒܲܫܡܹܗ ܕܡܵܪܝܵܐ ܐܲܣܝܼܦܹ̇ܬ̣ ܐܸܢܘܿܢ.

¹⁸ܚܲܕ݂ܪܘܼܢܝ ܐܲܝܟ݂ ܕܸܒ̇ܘܿܪܹ̈ܐ ܘܲܕ݂ܥܸܟ̣ܘ ܐܲܝܟ݂ ܢܘܼܪܵܐ ܕܓܸܠܹ̈ܐ.

²⁰ܘܒܲܫܡܹܗ ܕܡܵܪܝܵܐ ܐܲܣܝܼܦܹ̇ܬ̣ ܐܸܢܘܿܢ.

²¹ܐܸܬ̇ܕ̇ܚܝܼܬ̣ ܕܐܸܣܬ̇ܚܸܦ ܘܐܸܦܸܠ ܘܡܵܪܝܵܐ ܥܲܕ̇ܪܲܢܝ.

²²ܚܲܝܠܝ ܘܫܘܼܒ̣ܚܝ ܡܵܪܝܵܐ ܗ̄ܘ̣ ܘܗܘ݀ ܗܘ݀ܵܐ ܠܝܼ ܦܵܪܘܿܩܵܐ.

²³ܩܵܠܵܐ ܕܫܘܼܒ̣ܚܵܐ ܘܲܕ݂ܦܘܼܪܩܵܢܵܐ ܒܡܲܫܟ̇ܢܵܐ ܕܙܲܕ̇ܝܼܩܹ̈ܐ.

²⁴ܝܲܡܝܼܢܹܗ ܕܡܵܪܝܵܐ ܥܸܒ̣ܕܲܬ݀ ܚܲܝܠܵܐ.

²⁵ܝܲܡܝܼܢܹܗ ܕܡܵܪܝܵܐ ܐܲܪܝܼܡܬܲܢܝ.

²⁶ܝܲܡܝܼܢܹܗ ܕܡܵܪܝܵܐ ܥܸܒ̣ܕܲܬ݀ ܚܲܝܠܵܐ ܘܠܵܐ ܐܹܡܘܼܬ̣.

²⁷ܐܸܠܵܐ ܐܸܚܸܐ ܘܐܸܫܬܲܥܸܐ ܥܒ̣ܵܕ݂ܵܘ̈ܗܝ ܕܡܵܪܝܵܐ.

²⁸ܡܸܪܕܵܐ ܪܕ݂ܵܢܝ ܡܵܪܝܵܐ ܘܲܠܡܲܘܬܵܐ ܠܵܐ ܐܲܫܠ̱ܡܲܢܝ.

²⁹ܦܬܲܚܠܝܼ ܬܲܪ̈ܥܹܐ ܕܙܲܕ̇ܝܼܩܘܼܬ̣ܵܐ.

³⁰ܕܐܸܥܘܿܠ ܒܗܘܿܢ ܘܐܲܘܕܸ̇ܐ ܠܡܵܪܝܵܐ.

³¹ܗܵܢܵܘ ܬܲܪܥܹܗ ܕܡܵܪܝܵܐ ܕܙܲܕ̇ܝܼܩܹ̈ܐ ܥܵܐܠ݁ܝܼܢ ܒܹܗ.

³²ܐܲܘܕܸ̇ܐ ܠܵܟ݂ ܕܲܥܢܲܝܬܵܢܝ ܘܲܗ݀ܘܲܝܬ̇ ܠܝܼ ܦܵܪܘܿܩܵܐ.

³³ܟܹܐܦܵܐ ܕܐܲܣܠܝܼܘ ܒܲܢܵܝܹ̈ܐ.

³⁴ܗܝ݀ ܗܘ݀ܵܬ̣ ܠܪܹܫܹܗ ܕܒܸܢܝܵܢܵܐ.

³⁵ܡ̣ܢ ܩܕ݂ܵܡ ܡܵܪܝܵܐ ܗܘ݀ܵܬ̣ ܗܵܕܹܐ ܘܬܸܕ݂ܡܘܼܪܬܵܐ ܗ̄ܝ̣ ܒܥܲܝܢܲܝ̈ܢ.

³⁶ܗܵܢܵܘ ܝܲܘܡܵܐ ܕܲܥܒܲܕ݂ ܡܵܪܝܵܐ.

³⁷ܬܵܘ ܢܕ݂ܘܼܨ ܘܢܸܚܕܸ̇ܐ ܒܹܗ.

³⁸ܐܘܿ ܡܵܪܝܵܐ ܦܪܘܿܩܲܝܢܝ ܐܘܿ ܡܵܪܝܵܐ ܦܲܨܵܢܝ.

³⁹ܒܪܝܼܟ̣ܘܼ ܕܐܵܬܹܐ݁ ܒܲܫܡܹܗ ܕܡܵܪܝܵܐ.

⁴⁰ܒܲܪܸܟ̣ܢܵܟ̣ܘܿܢ ܡ̣ܢ ܒܲܝܬܹ̇ܗ ܕܡܵܪܝܵܐ.

⁴¹ܡܵܪܝܵܐ ܐܲܠܵܗܲܢ ܐܲܢܗܲܪ ܠܲܢ.

⁴²ܘܐܲܣܘܿܪ ܥܲܕ݂ܥܹܕܲܝ̈ܢ ܒܫܸܫ̈ܠܵܬ̣ܵܐ.

⁴³ܥܕܲܡܵܐ ܠܩܲܪ̈ܢܵܬܹܗ ܕܡܲܕ݂ܒ̇ܚܵܐ.

⁴⁴ܐܲܠܵܗܝ ܐܲܢ̄ܬ̇ ܐܲܘܕܸ̇ܐ ܠܵܟ݂ ܐܲܠܵܗܝ ܐܲܢ̄ܬ̇ ܐܹܫܲܒ̇ܚܵܟ݂.

⁴⁵ܐܲܘܕܵܘ ܠܡܵܪܝܵܐ ܕܛܵܒ̣ܘܼ ܘܲܠܥܵܠܲܡ ܛܲܝܒ̇ܘܼܬܹܗ.