Read Aramaic Peshita Psalms 124 Bible Online

Psalms 124 - Aramaic Peshita bible

Psalms 124

¹ܐܲܝܠܹܝܢ ܕܲܡܣܲܒ̇ܪܝܼܢ ܒܡܵܪܝܵܐ ܒܛܘܼܪܵܐ ܕܨܸܗܝܘܿܢ.

²ܠܵܐ ܢܙܘܼܥܘܼܢ ܐܸܠܵܐ ܠܥܵܠܲܡ ܢܸܬ̇ܒ̣ܘܼܢ.

³ܐܘܿܪܸܫܠܸܡ ܛܘܼܪܹ̈ܐ ܟܪܝܼܟ̣ܝܼܢ ܠܵܗ̇.

⁴ܘܡܵܪܝܵܐ ܟܪܝܼܟ݂ ܠܥܲܡܹܗ.

⁵ܡܸܟܹ̇ܝܠ ܘܲܥܕܲܡܵܐ ܠܥܵܠܲܡ.

⁶ܡܸܛܠ ܕܠܵܐ ܢܸܬ̇ܬ̇ܢܝܼܚ ܫܲܒ̣ܛܵܐ ܕܥܲܘܵܠܹ̈ܐ ܒܲܡܢܵܬ̣ܵܐ ܕܙܲܕ̇ܝܼܩܹ̈ܐ.

⁷ܘܠܵܐ ܢܲܘܫܛܘܼܢ ܙܲܕ̇ܝܼܩܹ̈ܐ ܐܝܼܕܲܝ̈ܗܘܿܢ ܒܥܲܘܠܵܐ.

⁸ܐܲܛܐܸܒ̣ ܡܵܪܝܵܐ ܠܛܵܒܹ̈ܐ.

⁹ܘܠܲܐܝܠܹܝܢ ܕܲܬ̣ܪܝܼܨܝܼܢ ܒܠܸܒ̇ܗܘܿܢ.

¹⁰ܘܐܲܝܠܹܝܢ ܕܲܡܥܲܩܡܝܼܢ ܫܒ̣ܝܼ̈ܠܲܝܗܘܿܢ.

¹¹ܢܕܲܒܲܪ ܐܸܢܘܿܢ ܡܵܪܝܵܐ ܥܲܡ ܥܵܒ̣ܕܲܝ̈ ܥܲܘܠܵܐ.

¹²ܘܲܫܠܵܡܵܐ ܥܲܠ ܝܑܼܣܪܵܝܹܠ.