Read Aramaic Peshita Psalms 131 Bible Online

Psalms 131 - Aramaic Peshita bible

Psalms 131

¹ܐܸܬ̇ܕܲܟ̣ܪ ܡܵܪܝܵܐ ܠܕ݂ܵܘܝܼܕ݂ ܘܲܠܟ̣ܠܹܗ ܡܘܼܟܵܟܹܗ.

²ܕܝܼܡܵܐ ܠܡܵܪܝܵܐ ܘܲܢܕܲܪ ܠܐܲܠܵܗܹܗ ܕܝܲܥܩܘܿܒ̣.

³ܕܠܵܐ ܐܸܥܘܿܠ ܠܡܲܛܠܠܹܗ ܕܒܲܝܬ̇ܝ.

⁴ܘܠܵܐ ܐܸܣܲܩ ܠܬܸܫܘܝܼܬ̣ܵܗ̇ ܕܥܲܪܣܝ.

⁵ܘܠܵܐ ܐܸܬܸ̇ܠ ܫܸܢܬ̣ܵܐ ܠܥܲܝܢܲܝ̈.

⁶ܘܐܵܦܠܵܐ ܢܲܘܡܬ̣ܵܐ ܠܲܓ̣ܒ̣ܝܼ̈ܢܲܝ.

⁷ܥܕܲܡܵܐ ܕܐܸܫܟܲܚ ܐܲܬ̣ܪܵܐ ܠܡܵܪܝܵܐ.

⁸ܘܡܲܫܟ̇ܢܵܐ ܠܐܲܠܵܗܹܗ ܕܝܲܥܩܘܿܒ̣.

⁹ܗܵܐ ܫܡܲܥܢܵܗ̇ ܒܐܵܦܲܪܬ̣ܵܐ ܘܐܸܫܟܲܚܢܵܗ̇ ܒܚܲܩ̈ܠܵܬ̣ܵܐ.

¹⁰ܢܸܥܘܿܠ ܠܡܲܫܟ̇ܢܹܗ ܘܢܸܣܓ̇ܘܿܕ݂ ܠܟ̣ܘܼܒ̣ܫܵܐ ܕܪܸ̈ܓ̣ܠܵܘܗܝ.

¹¹ܩܘܼܡ ܡܵܪܝܵܐ ܠܲܢܝܵܚܬܵܟ݂.

¹²ܐܲܢ̄ܬ̇ ܘܩܹܒ̣ܘܼܬ̣ܵܐ ܕܥܘܼܫܢܵܟ݂.

¹³ܟܵܗܢܲܝ̈ܟ ܢܸܠܒ̇ܫܘܼܢ ܙܲܕ̇ܝܼܩܘܼܬ̣ܵܐ ܘܙܲܕ̇ܝܼ̈ܩܲܝܟ ܫܘܼܒ̣ܚܵܐ.

¹⁴ܡܸܛܠ ܕܵܘܝܼܕ݂ ܥܲܒ̣ܕܵܟ݂ ܠܵܐ ܬܲܗܦܸܟ݂ ܐܲܦܵܘ̈ܗܝ ܕܲܡܫܝܼܚܵܟ݂.

¹⁵ܝܑܼܡܵܐ ܡܵܪܝܵܐ ܠܕ݂ܵܘܝܼܕ݂ ܒܲܫܪܵܪܵܐ ܘܠܵܐ ܢܸܗܦܘܿܟ݂ ܡܸܢܹܗ.

¹⁶ܕܡ̣ܢ ܦܹܐܪ̈ܲܝ ܟܲܪܣܵܟ݂ ܐܲܘܬܸ̇ܒ̣ ܥܲܠ ܟܘܼܪܣܝܵܟ݂.

¹⁷ܐܸܢ ܢܸܛܪܘܼܢ ܒܢܲܝ̈ܟ ܩܝܵܡܝ.

¹⁸ܣܵܗܕ̇ܘܼܬ̣ܵܐ ܗܵܕܹܐ ܕܡܲܠܸܦ ܐ̄ܢܵܐ ܠܗܘܿܢ.

¹⁹ܘܐܵܦ ܡ̣ܢ ܒܢܲܝ̈ܗܘܿܢ ܢܸܬ̇ܒ̣ܘܼܢ ܠܥܵܠܲܡ ܥܵܠܡܝܼܢ ܥܲܠ ܟܘܼܪܣܝܵܟ݂.

²⁰ܡܸܛܠ ܕܲܨܒ̣ܵܐ ܡܵܪܝܵܐ ܒܨܸܗܝܘܿܢ.

²¹ܘܲܓ̣ܒ̣ܵܗ̇ ܠܹܗ ܠܒܹܝܬ̣ ܡܲܥܡܪܵܐ.

²²ܗܵܕܲܐ ܗ̄ܝ̣ ܢܝܵܚܬ̇ܝ ܠܥܵܠܲܡ ܥܵܠܡܝܼܢ.

²³ܗܵܪܟܵܐ ܐܸܬܸ̇ܒ̣ ܡܸܛܠ ܕܪܲܓ̣ܬܵܗ̇.

²⁴ܘܲܠܨܲܝܵܕܹܝ̈ܗ̇ ܐܹܒܲܪܸܟ݂.

²⁵ܘܲܠܡܸܣܟܹ̇ܢܹ̈ܝܗ̇ ܐܹܣܲܒܲܥ ܠܲܚܡܵܐ.

²⁶ܠܟ̣ܘܼܡܪܹ̈ܝܗ̇ ܐܲܠܒܸ̇ܫ ܦܘܼܪܩܵܢܵܐ ܘܲܠܙܲܕ̇ܝܼܩܹ̈ܝܗ̇ ܫܘܼܒ̣ܚܵܐ.

²⁷ܬܲܡܵܢ ܐܲܕ݂ܢܲܚ ܩܲܪܢܵܐ ܠܕ݂ܵܘܝܼܕ݂.

²⁸ܘܐܲܢܗܲܪ ܫܪܵܓ̣ܵܐ ܠܲܡܫܝܼܚܹܗ.

²⁹ܘܠܲܒ̣ܥܸܠܕ̇ܒ̣ܵܒ̣ܵܘ̈ܗܝ ܐܲܠܒܸ̇ܫ ܒܸܗܬ̇ܬ̣ܵܐ.

³⁰ܘܲܥܠܵܘܗܝ ܢܸܥܦܸܐ ܩܘܼܕ݂ܫܝ.