Read Aramaic Peshita Psalms 135 Bible Online

Psalms 135 - Aramaic Peshita bible

Psalms 135

¹ܐܲܘܕܵܘ ܠܡܵܪܝܵܐ ܕܛܵܒ̣ܘܼ ܘܲܠܥܵܠܲܡ ܪ̈ܲܚܡܵܘܗܝ.

²ܐܲܘܕܵܘ ܠܐܲܠܵܗ ܐܲܠܵܗܝܼ̈ܢ ܕܲܠܥܵܠܲܡ ܪ̈ܲܚܡܵܘܗܝ.

³ܐܲܘܕܵܘ ܠܡܵܪܹ̈ܐ ܡܵܪ̈ܵܘܵܬ̣ܵܐ ܕܲܠܥܵܠܲܡ ܪ̈ܲܚܡܵܘܗܝ.

⁴ܠܕܲܥ݂ܒܲܕ݂ ܬܸܕ݂ܡ̱ܪ̈ܵܬ̣ܵܐ ܪܲܘ̱ܪ̈ܒ̣ܵܬ̣ܵܐ ܒܲܠܚܘܿܕ݂ܵܘܗܝ ܕܲܠܥܵܠܲܡ ܪ̈ܲܚܡܵܘܗܝ.

⁵ܠܕܲܥ݂ܒܲܕ݂ ܫܡܲܝܵܐ ܒܚܸܟ̣ܡܬܹܗ ܕܲܠܥܵܠܲܡ ܪ̈ܲܚܡܵܘܗܝ.

⁶ܠܕܲܪܩܲܥ݂ ܐܲܪܥܵܐ ܥܲܠ ܡܲܝ̈ܵܐ ܕܲܠܥܵܠܲܡ ܪ̈ܲܚܡܵܘܗܝ.

⁷ܠܕܲܥ݂ܒܲܕ݂ ܢܲܗܝܼܪܹ̈ܐ ܪܲܘ̱ܪ̈ܒܹܐ ܕܲܠܥܵܠܲܡ ܪ̈ܲܚܡܵܘܗܝ.

⁸ܫܸܡܫܵܐ ܠܫܘܼܠܛܵܢܵܐ ܕܐܝܼܡܵܡܵܐ ܕܲܠܥܵܠܲܡ ܪ̈ܲܚܡܵܘܗܝ. ܛ. ܣܲܗܪܵܐ ܘܟܲܘܟ̇ܒܹ̈ܐ ܠܫܘܼܠܛܵܢܵܐ ܕܠܸܠܝܵܐ ܕܲܠܥܵܠܲܡ ܪ̈ܲܚܡܵܘܗܝ.

¹⁰ܠܕܲܡܚ݂ܵܐ ܠܒ̣ܘܼܟ̣ܪܹ̈ܐ ܕܡܸܨܪܹܝܢ ܕܲܠܥܵܠܲܡ ܪ̈ܲܚܡܵܘܗܝ.

¹¹ܘܐܲܦܸܩ ܠܝܼܣܪܵܝܹܠ ܡ̣ܢ ܒܲܝܢܵܬ̣ܗܘܿܢ ܕܲܠܥܵܠܲܡ ܪ̈ܲܚܡܵܘܗܝ.

¹²ܒܐܝܼܕ݂ܵܐ ܥܲܫܝܼܢܬܵܐ ܘܒܲܕ݂ܪܵܥܵܐ ܪܵܡܵܐ ܕܲܠܥܵܠܲܡ ܪ̈ܲܚܡܵܘܗܝ.

¹³ܠܕܲܦܠ݂ܲܓ̣ ܝܲܡܵܐ ܕܣܘܿܦ ܕܲܠܥܵܠܲܡ ܪ̈ܲܚܡܵܘܗܝ.

¹⁴ܘܐܲܥܒܲܪ ܠܝܼܣܪܵܝܹܠ ܒܓ̣ܵܘܹܗ ܕܲܠܥܵܠܲܡ ܪ̈ܲܚܡܵܘܗܝ.

¹⁵ܠܲܕ̇ܛܲܪܸܦ ܠܦܸܪܥܘܿܢ ܘܲܠܚܲܝܠܹܗ ܒܝܲܡܵܐ ܕܣܘܿܦ ܕܲܠܥܵܠܲܡ ܪ̈ܲܚܡܵܘܗܝ.

¹⁶ܠܲܕ̇ܕܲܒܲܪ ܥܲܡܹܗ ܒܡܲܕ݂ܒ̇ܪܵܐ ܕܲܠܥܵܠܲܡ ܪ̈ܲܚܡܵܘܗܝ.

¹⁷ܠܕܲܡܚ݂ܵܐ ܠܡܲܠ̈ܟܹ̇ܐ ܪܲܘ̱ܪ̈ܒܹܐ ܕܲܠܥܵܠܲܡ ܪ̈ܲܚܡܵܘܗܝ.

¹⁸ܘܩܲܛܸܠ ܠܡܲܠ̈ܟܹ̇ܐ ܥܲܫܝܼܢܹ̈ܐ ܕܲܠܥܵܠܲܡ ܪ̈ܲܚܡܵܘܗܝ.

¹⁹ܠܣܝܼܚܘܿܢ ܡܲܠܟܵܐ ܕܐܵܡܘܿܪ̈ܵܝܹܐ ܕܲܠܥܵܠܲܡ ܪ̈ܲܚܡܵܘܗܝ.

²⁰ܘܲܠܥܘܿܓ̣ ܡܲܠܟܵܐ ܕܒܲܝܫܵܢ ܕܲܠܥܵܠܲܡ ܪ̈ܲܚܡܵܘܗܝ. ܟܐ ܘܝܲܗ̄ܒ̣ ܐܲܪܥ̱ܗܘܿܢ ܝܘܼܪܬܵܢܵܐ ܕܲܠܥܵܠܲܡ ܪ̈ܲܚܡܵܘܗܝ.

²²ܝܵܪܬ̇ܘܼܬ̣ܵܐ ܠܝܼܣܪܵܝܹܠ ܥܲܒ̣ܕܹ̇ܗ ܕܲܠܥܵܠܲܡ ܪ̈ܲܚܡܵܘܗܝ.

²³ܠܕܸܐܬ̇ܕܲܟ̣ܪܲܢ ܒܡܘܼܟܵܟܲܢ ܕܲܠܥܵܠܲܡ ܪ̈ܲܚܡܵܘܗܝ.

²⁴ܘܦܲܪܩܲܢ ܡ̣ܢ ܒܥܸܠܕ̇ܒ̣ܵܒܲܝ̈ܢ ܕܲܠܥܵܠܲܡ ܪ̈ܲܚܡܵܘܗܝ.

²⁵ܠܲܕ݂ܝܵܗܹ̇ܒ̣ ܡܹܐܟ̣ܘܼܠܬܵܐ ܠܟ̣ܠ ܒܣܲܪ ܕܲܠܥܵܠܲܡ ܪ̈ܲܚܡܵܘܗܝ.

²⁶ܐܲܘܕܵܘ ܠܐܲܠܵܗܵܐ ܕܒܲܫܡܲܝܵܐ ܕܲܠܥܵܠܲܡ ܪ̈ܲܚܡܵܘܗܝ.