Read Aramaic Peshita Psalms 136 Bible Online

Psalms 136 - Aramaic Peshita bible

Psalms 136

¹ܥܲܠ ܢܲܗܪ̈ܵܘܵܬ̣ܵܐ ܕܒ̣ܵܒܹܠ.

²ܬܲܡܵܢ ܝܑܼܬܸܒ̣ܢ ܘܲܒ̣ܟܲܝܢ.

³ܟܲܕ݂ ܐܸܬ̇ܕ̇ܟܲܪܢܵܗ̇ ܠܨܸܗܝܘܿܢ.

⁴ܥܲܠ ܥܲܪ̈ܒܹܐ ܕܲܒ̣ܓ̣ܵܘܵܗ̇ ܬܠܲܝܢ ܟܸܢܵܪ̈ܲܝܢ.

⁵ܡܸܛܠ ܕܬܲܡܵܢ ܫܲܐܠܘܼܢ ܫܵܒܲܝ̈ܢ.

⁶ܡܸܠܹ̈ܐ ܕܬܸܫ̈ܒ̇ܚܵܬ̣ܵܐ.

⁷ܘܕ݂ܵܒ̣ܘܿܪ̈ܲܝܢ ܐܸܡܲܪ݂ܘ ܠܲܢ.

⁸ܫܲܒܲܚܘ ܠܲܢ ܡ̣ܢ ܬܸܫ̈ܒ̇ܚܵܬ̣ܵܗ̇ ܕܨܸܗܝܘܿܢ.

⁹ܐܲܝܟ݂ܢ ܢܫܲܒܲܚ ܠܟ̣ܘܿܢ ܬܸܫ̈ܒ̇ܚܵܬܹܗ ܕܡܵܪܝܵܐ ܒܐܲܪܥܵܐ ܢܘܼܟ̣ܪܵܝܬܵܐ.

¹⁰ܐܸܢ ܐܸܛܥܹܝܟ̣ܝ ܐܘܿܪܸܫܠܸܡ ܬܸܛܥܹܝܢܝ ܝܲܡܝܼܢܝ.

¹¹ܢܸܕ݂ܒܲܩ ܠܸܫܵܢܝ ܠܲܫܡܲܝ̈ ܚܹܟ̇ܝ ܐܸܢ ܠܵܐ ܐܸܬ̇ܕܲܟ̣ܪܹܟ̣ܝ.

¹²ܐܸܠܵܐ ܐܲܣܩܝܼܗ̇ ܠܐܘܿܪܸܫܠܸܡ ܒܪܹܫ ܚܲܕ݂ܘܵܬܼ̈ܝ.

¹³ܐܸܬ̇ܕܲܟ̣ܪ ܡܵܪܝܵܐ ܠܲܒ̣ܢܲܝ̈ ܐܲܕ݂ܘܿܡ ܒܝܲܘܡܵܗ̇ ܕܐܘܿܪܸܫܠܸܡ.

¹⁴ܕܐܵܡ݁ܪܝܼܢ ܓܲܠܵܘ ܓܲܠܵܘ ܥܕܲܡܵܐ ܠܫܲܬ̣ܐܸܣܹ̈ܝܗ̇.

¹⁵ܒܲܪ̄ܬ̣ ܒܵܒܹܠ ܒܵܙܘܿܙܬܵܐ.

¹⁶ܛܘܼܒ̣ܵܘܗܝ ܠܡܲܢ ܕܢܸܦܪ̱ܥܹܟ̣ܝ ܦܘܼܪܥܵܢܵܐ ܕܲܦܪܲܥܬ̇ܝܼܘܗܝ.

¹⁷ܛܘܼܒ̣ܵܘܗܝ ܠܡܲܢ ܕܢܹܐܚܘܿܕ݂ ܝܲܠܘܼܕܲܝ̈ܟ̇ܝ ܘܲܢܫܲܩܸܦ ܠܟܹܐܦܵܐ.