Read Aramaic Peshita Psalms 137 Bible Online

Psalms 137 - Aramaic Peshita bible

Psalms 137

¹ܐܲܘܕܸ̇ܐ ܠܵܟ݂ ܡܵܪܝܵܐ ܡ̣ܢ ܟܠܹܗ ܠܹܒ̇ܝ.

²ܘܲܩܕ݂ܵܡ ܡܲܠ̈ܟܹ̇ܐ ܐܹܙܲܡܲܪ ܠܵܟ݂.

³ܐܸܣܓ̇ܘܿܕ݂ ܒܗܲܝܟ̇ܠܵܐ ܕܩܘܼܕ݂ܫܵܟ݂ ܘܐܲܘܕܸ̇ܐ ܠܲܫܡܵܟ݂.

⁴ܥܲܠ ܛܲܝܒ̇ܘܼܬ̣ܵܟ݂ ܘܥܲܠ ܩܘܼܫܬܵܟ݂.

⁵ܡܸܛܠ ܕܐܲܘܪܸܒ̣ܬ̇ ܥܲܠ ܟܠ ܫܸܡ ܡܹܐܡܪܵܟ݂.

⁶ܒܝܲܘܡܵܐ ܕܲܩܪܹܝܬ̣ܵܟ݂ ܥܢܲܝܬܵܢܝ.

⁷ܘܐܲܣܓ̇ܝܼܬ̇ ܥܘܼܫܢܵܗ̇ ܕܢܲܦ̮ܫܝ.

⁸ܢܲܘܕ̇ܘܼܢ ܠܵܟ݂ ܡܵܪܝܵܐ ܟܠܗܘܿܢ ܡܲܠ̈ܟܹ̇ܐ ܕܐܲܪܥܵܐ.

⁹ܡܸܛܠ ܕܲܫܡ݂ܲܥܘ ܡܹܐܡܪܹ̈ܐ ܕܦܘܼܡܵܟ݂.

¹⁰ܘܲܢܫܲܒ̇ܚܘܼܢ ܐܘܼܪ̈ܚܵܬܹܗ ܕܡܵܪܝܵܐ.

¹¹ܡܸܛܠ ܕܪܲܒ̇ܘܼ ܐܝܼܩܵܪܹܗ ܕܡܵܪܝܵܐ.

¹²ܘܪܵܡ ܗ̄ܘ̣ ܡܵܪܝܵܐ ܕܲܒ̣ܥܘܼܡܩܵܐ ܚܵܙܹ̇ܐ.

¹³ܘܐܲܝܢܵܐ ܕܡܸܬ̇ܬ̇ܪܝܼܡ ܡ̣ܢ ܪܘܼܚܩܵܐ ܝܵܕܲܥ̇.

¹⁴ܐܸܢ ܐܹܗܲܠܸܟ݂ ܒܐܘܼܠܨܵܢܵܐ ܬܲܚܹܝܢܝ.

¹⁵ܒܪܘܼܓ̣ܙܵܐ ܕܲܒ̣ܥܸܠܕ̇ܒ̣ܵܒܲܝ̈.

¹⁶ܬܲܘܫܸܛ ܐܝܼܕ݂ܵܟ݂ ܘܬܸܦܪ̱ܩܲܢܝ.

¹⁷ܝܲܡܝܼܢܵܟ݂ ܡܵܪܝܵܐ ܐܲܓܸ̇ܢ ܥܠܲܝ.

¹⁸ܡܵܪܝܵܐ ܪ̈ܲܚܡܲܝܟ ܠܥܵܠܲܡ.

¹⁹ܘܲܥܒ̣ܵܕ݂ ܐܝܼܕܲܝ̈ܟ ܠܵܐ ܬܲܪܦܸܐ.