Read Aramaic Peshita Psalms 139 Bible Online

Psalms 139 - Aramaic Peshita bible

Psalms 139

¹ܦܲܨܵܢܝ ܡܵܪܝܵܐ ܡ̣ܢ ܒܲܪܢܵܫܵܐ ܒܝܼܫܵܐ.

²ܘܡ̣ܢ ܓܲܒ̣ܪܹ̈ܐ ܥܲܘܵܠܹ̈ܐ ܢܲܛܲܪܲܝܢܝ.

³ܕܐܸܬ̣ܚܲܫܲܒ̣ܘ ܒܝܼܫܬܵܐ ܒܠܸܒ̇ܗܘܿܢ.

⁴ܘܟ̣ܠܹܗ ܝܲܘܡܵܐ ܓܲܪܸܓ̣ܘ ܗܸܪܬ̣ܵܐ.

⁵ܕܲܠܛ݂ܲܫܘ ܠܸܫܵܢܗܘܿܢ ܐܲܝܟ݂ ܕܚܸܘܝܵܐ.

⁶ܘܚܸܡܬ̣ܵܐ ܕܐܸܣܦܸܣ ܬܚܘܿܬ̣ ܣܸܦ̈ܘܵܬ̣ܗܘܿܢ.

⁷ܢܲܛܲܪܲܝܢܝ ܡܵܪܝܵܐ ܡ̣ܢ ܐܝܼܕ݂ܵܐ ܕܥܲܘܵܠܹ̈ܐ.

⁸ܘܡ̣ܢ ܓܲܒ̣ܪܹ̈ܐ ܚܵܛܘܿܦܹ̈ܐ ܢܲܛܲܪܲܝܢܝ.

⁹ܕܐܸܬ̣ܚܲܫܲܒ̣ܘ ܠܡܸܕ݂ܚܵܐ ܗܲܠ̈ܟ̣ܵܬ̣ܝ.

¹⁰ܘܲܛܡ݂ܲܪܘ ܠܝܼ ܫܲܒ̣ܗܪ̈ܵܢܹܐ ܦܲܚܹ̈ܐ.

¹¹ܘܚܲܒ̣ܠܹ̈ܐ ܕܲܡܨܝܼ̈ܕ݂ܵܬ̣ܗܘܿܢ ܦܪ݂ܲܣܘ ܥܲܠ ܫܒ̣ܝܼ̈ܠܲܝ.

¹²ܘܲܡܨܝܼܕ̇ܬܵܐ ܫ̣ܕ݂ܵܘ ܥܠܲܝ.

¹³ܐܸܡܪܹܬ̣ ܠܡܵܪܝܵܐ ܕܐܲܠܵܗܝ ܐܲܢ̄ܬ̇.

¹⁴ܨܘܼܬ̣ ܠܩܵܠܵܐ ܕܒ̣ܵܥܘܼܬ̣ܝ ܡܵܪܝܵܐ ܦܵܪܘܿܩܝ ܥܲܫܝܼܢܵܐ.

¹⁵ܡܲܛܠܠܹܗ ܕܪܹܫܝ ܒܝܲܘܡܵܐ ܕܲܩܪܵܒ̣ܵܐ.

¹⁶ܠܵܐ ܬܸܬܸ̇ܠ ܡܵܪܝܵܐ ܪܸܓ̇ܬܹܗ ܠܥܲܘܵܠܵܐ.

¹⁷ܘܬܲܪܥܝܼܬܹܗ ܠܵܐ ܬܸܣܲܩ ܠܪܹܫܝ.

¹⁸ܢܟܲܣܸܐ ܐܸܢܘܿܢ ܥܲܘܠܵܐ ܕܣܸܦ̈ܘܵܬ̣ܗܘܿܢ.

¹⁹ܘܢܸܚ̈ܬ̣ܵܢ ܥܠܲܝܗܘܿܢ ܓܘܼܡܪܹ̈ܐ.

²⁰ܘܢܸܦܠܘܿܢ ܒܢܘܼܪܵܐ ܘܠܵܐ ܢܸܫܟ̇ܚܘܼܢ ܠܲܡܩܵܡ.

²¹ܒܲܪܢܵܫܵܐ ܠܸܫܵܢܵܢܵܐ ܠܵܐ ܢܸܬ̣ܩܲܝܲܡ ܒܐܲܪܥܵܐ.

²²ܘܓܲܒ̣ܪܵܐ ܥܲܘܵܠܵܐ ܒܝܼܫܬܵܐ ܬܨܘܼܕ݂ܝܼܘܗܝ ܠܐܲܒ̣ܕܵܢܵܐ.

²³ܝܸܕ݂ܥܹܬ̣ ܕܥܵܒܸ݁ܕ݂ ܡܵܪܝܵܐ ܕܝܼܢܵܐ ܕܡܸܣܟܹ̇ܢܹ̈ܐ ܘܕ݂ܝܼܢܵܐ ܕܒ̣ܵܝܫܹ̈ܐ.

²⁴ܒܪܲܡ ܙܲܕ̇ܝܼܩܹ̈ܐ ܢܲܘܕ̇ܘܿܢ ܠܲܫܡܵܟ݂.

²⁵ܘܢܸܬ̇ܒ̣ܘܼܢ ܬܪ̈ܝܼܨܹܐ ܩܕ݂ܵܡ ܐܲܦܲܝ̈ܟ.