Read Aramaic Peshita Psalms 141 Bible Online

Psalms 141 - Aramaic Peshita bible

Psalms 141

¹ܒܩܵܠܝ ܠܡܵܪܝܵܐ ܩܪܹܝܬ̣ ܒܩܵܠܝ ܠܡܵܪܝܵܐ ܐܸܬ̣ܟܲܫܦܹ̇ܬ̣.

²ܘܐܲܪܡܝܼܬ̣ ܩܕ݂ܵܡܵܘܗܝ ܬܲܟ̣ܫܲܦ̮ܬ̇ܝ.

³ܘܐܘܼܠܨܵܢܝ ܩܕ݂ܵܡܵܘܗܝ ܚܲܘܝܼ݁ܬ̣.

⁴ܟܲܕ݂ ܐܸܬ̇ܛܲܪܦܲܬ݀ ܪܘܼܚܝ ܐܲܢ̄ܬ̇ ܝܵܕܲܥ ܐܲܢ̄ܬ̇ ܫܒ̣ܝܼ̈ܠܲܝ.

⁵ܒܐܘܼܪܚܵܐ ܕܗܲܠ̈ܟ̣ܵܬ̣ܝ ܛܡܲܪ݂ܘ ܠܝܼ ܦܲܚܹ̈ܐ.

⁶ܚܵܪܹܬ̣ ܠܝܲܡܝܼܢܵܐ ܘܲܚܙܹ̇ܝܬ̣ ܘܠܲܝܬ̇ ܕܚܵܟܹܡ̇ ܠܝܼ.

⁷ܐܸܒܲܕ݂ ܡ̣ܢܝ ܒܹܝܬ̣ ܡܲܥܪ̱ܩܵܐ ܘܠܲܝܬ̇ ܬܵܒ̣ܘܿܥܵܐ ܠܢܲܦ̮ܫܝ.

⁸ܘܲܓ̣ܥܹܝ݁ܬ̣ ܠܘܵܬ̣ܵܟ݂ ܡܵܪܝܵܐ ܘܐܸܡ̇ܪܹܬ̣.

⁹ܕܐܲܢ̄ܬ̇ܘܼ ܣܲܒ̣ܪܝ ܘܲܡܢܵܬ̣ܝ ܒܐܲܪܥܵܐ ܕܚܲܝܹ̈ܐ.

¹⁰ܨܘܼܬ̣ ܠܒ̣ܵܥܘܼܬ̣ܝ ܡܸܛܠ ܕܐܸܬ̣ܡܲܟ̇ܟܹܬ̣ ܛܵܒ̣.

¹¹ܦܲܨܵܢܝ ܡ̣ܢ ܪܵܕ݂ܘܿܦܲܝ̈ ܡܸܛܠ ܕܲܥܫ݂ܸܢܘ ܡܹܢܝ.

¹²ܐܲܦܸܩ ܢܲܦ̮ܫܝ ܡ̣ܢ ܒܹܝܬ̣ ܚܒ̣ܘܼܫܝܵܐ ܕܐܲܘܕܸ̇ܐ ܠܲܫܡܵܟ݂.

¹³ܠܝܼ ܢܣܲܟ̇ܘܿܢ ܙܲܕ̇ܝܼܩܲܝ̈ܟ ܟܲܕ݂ ܬܸܦܪ̱ܥܲܢܝ.