Read Aramaic Peshita Psalms 144 Bible Online

Psalms 144 - Aramaic Peshita bible

Psalms 144

¹ܐܹܪܲܡܪ̱ܡܵܟ݂ ܡܵܪܝ ܡܲܠܟܵܐ.

²ܘܐܹܒܲܪܸܟ݂ ܫܡܵܟ݂ ܠܥܵܠܲܡ ܥܵܠܡܝܼܢ.

³ܒܟ̣ܠܝܘܿܡ ܐܹܒܲܪܟ̣ܵܟ݂ ܘܐܹܫܲܒܲܚ ܫܡܵܟ݂ ܠܥܵܠܲܡ.

⁴ܪܲܒ̇ܘܼ ܡܵܪܲܢ ܘܲܡܫܲܒܲܚ ܛܵܒ̣.

⁵ܘܠܲܝܬ̇ ܣܵܟ̣ܵܐ ܠܪܲܒ̇ܘܼܬܹܗ.

⁶ܕܵܪܵܐ ܠܕ݂ܵܪܵܐ ܢܸܫܬܲܥܘܿܢ ܥܒ̣ܵܕܲܝ̈ܟ.

⁷ܘܓܲܢ̄ܒܵܪܘܼܬ̣ܵܟ݂ ܢܚܲܘܘܿܢ.

⁸ܘܥܘܼܫܢܵܐ ܕܲܕ݂ܚܝܼܠܘܼܬ̣ܵܟ݂ ܢܹܐܡܪܘܼܢ.

⁹ܘܪܲܘ̱ܪ̈ܒ̣ܵܬ̣ܵܟ݂ ܢܸܫܬܲܥܘܿܢ.

¹⁰ܘܲܕ݂ܚܝܼܠܘܼܬ̣ ܥܘܼܫܢܵܟ݂ ܢܹܐܡܪܘܼܢ.

¹¹ܘܪܲܒ̇ܘܼܬ̣ܵܟ݂ ܐܸܫܬܲܥܸܐ.

¹²ܕܘܼܟ̣ܪܵܢܵܐ ܕܛܲܝ̈ܒ̇ܘܵܬ̣ܵܟ݂ ܣܲܓ̇ܝܼ̈ܐܵܬ̣ܵܐ.

¹³ܢܸܒ̣ܥܘܿܢ ܙܲܕ݂ܝܼ̈ܩܲܝܟ ܘܢܸܫܟ̇ܚܘܼܢ.

¹⁴ܡܪܲܚܡܵܢ ܗ̄ܘ̣ ܡܵܪܝܵܐ ܘܲܡܪܲܚܦܵܢ.

¹⁵ܢܲܓ̇ܝܼܪܵܐ ܪܘܼܚܹܗ ܘܣܲܓ̇ܝܼܐܵܐ ܛܲܝܒ̇ܘܼܬܹܗ.

¹⁶ܛܵܒ̣ܘܼ ܡܵܪܝܵܐ ܘܪ̈ܲܚܡܵܘܗܝ ܥܲܠ ܟܠܗܘܿܢ ܥܲܒ̣ܕܵܘ̈ܗܝ.

¹⁷ܢܲܘܕ̇ܘܿܢ ܠܵܟ݂ ܡܵܪܝܵܐ ܥܲܒ̣ܕܲܝ̈ܟ.

¹⁸ܘܙܲܕ̇ܝܼܩܲܝ̈ܟ ܢܫܲܒ̇ܚܘܼܢܵܟ݂.

¹⁹ܘܫܘܼܒ̣ܚܵܐ ܕܡܲܠܟ̇ܘܼܬ̣ܵܟ݂ ܢܹܐܡܪܘܼܢ.

²⁰ܘܲܒ̣ܥܘܼܫܢܵܟ݂ ܢܡܲܠܠܘܼܢ.

²¹ܕܲܢܚܲܘܘܿܢ ܠܲܒ̣ܢܲܝ̈ܢܵܫܵܐ ܓܲܢ̄ܒܵܪܘܼܬ̣ܵܟ݂ ܘܫܘܼܒ̣ܚܵܐ ܕܡܲܠܟ̇ܘܼܬ̣ܵܟ݂.

²²ܡܲܠܟ̇ܘܼܬ̣ܵܟ݂ ܡܲܠܟ̇ܘܼܬ̣ ܟܠ ܥܵܠܡܝܼܢ.

²³ܘܫܘܼܠܛܵܢܵܟ݂ ܒܟ̣ܠ ܕܵܪܕܵܪ̈ܝܼܢ.

²⁴ܡܗܲܝܡܲܢ̣ܘܼ ܡܵܪܝܵܐ ܒܡܸܠܵܘ̈ܗܝ.

²⁵ܘܙܲܕ̇ܝܼܩ ܒܟ̣ܠܗܘܿܢ ܥܒ̣ܵܕ݂ܵܘ̈ܗܝ.

²⁶ܣܵܡܹ̇ܟ݂ ܡܵܪܝܵܐ ܠܟ̣ܠ ܕܢܵܦܠ݁ܝܼܢ.

²⁷ܘܬ̣ܵܪܹܨ ܠܟ̣ܠ ܕܲܟ̣ܦܝܼܦܝܼܢ.

²⁸ܥܲܝܢܹ̈ܐ ܕܟ̣ܠܢܵܫ ܠܘܵܬ̣ܵܟ݂ ܬܲܠ̈ܝܵܢ.

²⁹ܕܝܵܗܹ̇ܒ̣ ܐܲܢ̄ܬ̇ ܠܗܘܿܢ ܡܹܐܟ̣ܘܼܠܬܵܐ ܒܙܲܒ̣ܢ̱ܗܘܿܢ.

³⁰ܦܵܬܲܚ݁ ܐܲܢ̄ܬ̇ ܐܝܼܕ݂ܵܟ݂ ܘܲܡܣܲܒܲܥ ܐܲܢ̄ܬ̇ ܨܸܒ̣ܝܵܢܵܐ ܕܟ̣ܠ ܕܚܲܝ̈.

³¹ܙܲܕ̇ܝܼܩ ܗ̄ܘ̣ ܡܵܪܝܵܐ ܒܟ̣ܠܗܹܝܢ ܐܘܼܪ̈ܚܵܬܹܗ.

³²ܘܲܡܪܲܚܡܵܢ ܒܟ̣ܠܗܘܿܢ ܥܒ̣ܵܕ݂ܵܘ̈ܗܝ.

³³ܩܲܪܝܼܒ̣ܘܼ ܡܵܪܝܵܐ ܠܐܲܝܠܹܝܢ ܕܩܵܪܹܝܢ݁ ܠܹܗ ܒܩܘܼܫܬܵܐ.

³⁴ܘܥܵܒܹ̇ܕ݂ ܨܸܒ̣ܝܵܢܵܐ ܕܕ݂ܵܚܠܵܘ̈ܗܝ.

³⁵ܫܵܡܲܥ݁ ܒܵܥܘܼܬ̣ܗܘܿܢ ܘܦܵܪܸܩ̇ ܠܗܘܿܢ.

³⁶ܢܵܛܲ݁ܪ ܡܵܪܝܵܐ ܠܟ̣ܠܗܘܿܢ ܕܵܚܠܵܘ̈ܗܝ.

³⁷ܘܲܠܟ̣ܠܗܘܿܢ ܥܲܘܵܠܹ̈ܐ ܡܲܘܒܸ̇ܕ݂.

³⁸ܬܸܫ̈ܒ̇ܚܵܬܹܗ ܕܡܵܪܝܵܐ ܐܹܡܲܠܸܠ ܒܦܘܼܡܝ.

³⁹ܘܲܢܒܲܪܟ̣ܘܼܢ ܟܠ ܒܢܲܝ̈ ܒܸܣܪܵܐ.

⁴⁰ܠܲܫܡܵܐ ܕܩܘܼܕ݂ܫܹܗ ܠܥܵܠܲܡ ܥܵܠܡܝܼܢ.