Read Aramaic Peshita Psalms 145 Bible Online

Psalms 145 - Aramaic Peshita bible

Psalms 145

¹ܫܲܒܲܚܝ ܢܲܦ̮ܫܝ ܠܡܵܪܝܵܐ.

²ܐܹܫܲܒܲܚ ܠܡܵܪܝܵܐ ܒܚܲܝܲܝ̈.

³ܘܐܸܙܡܲܪ ܠܐܲܠܵܗܝ ܥܲܕ݂ ܩܲܝܵܡ ܐ̄ܢܵܐ.

⁴ܠܵܐ ܬܸܬܲܟ̣ܠܘܼܢ ܥܲܠ ܫܲܠܝܼܛܵܐ ܘܥܲܠ ܒܲܪܢܵܫܵܐ.

⁵ܕܠܲܝܬ̇ ܒܐܝܼܕܹܗ ܦܘܼܪܩܵܢܵܐ.

⁶ܕܢܵܦ݁ܩܵܐ ܪܘܼܚܹܗ ܘܗܵܦܹ̇ܟ݂ ܠܐܲܪܥܹܗ.

⁷ܘܲܒ̣ܗܵܘ̇ ܝܲܘܡܵܐ ܐܵܒ݂̈ܕܵܢ ܟܠܗܹܝܢ ܡܲܚܫ̈ܒ̣ܵܬܹܗ.

⁸ܛܘܼܒ̣ܵܘܗܝ ܠܡܲܢ ܕܐܲܠܵܗܹܗ ܕܝܲܥܩܘܿܒ̣ ܒܥܸܕ݂ܪܹܗ.

⁹ܘܣܲܒ̣ܪܹܗ ܥܲܠ ܡܵܪܝܵܐ ܐܲܠܵܗܵܐ.

¹⁰ܕܲܥܒܲܕ݂ ܫܡܲܝܵܐ ܘܐܲܪܥܵܐ.

¹¹ܘܝܲܡܡܹ̈ܐ ܘܟ̣ܠ ܕܐܝܼܬ̣ ܒܗܘܿܢ.

¹²ܢܵܛܲܪ ܩܘܼܫܬܵܐ ܠܥܵܠܲܡ.

¹³ܥܵܒܹ̇ܕ݂ ܕܝܼܢܵܐ ܠܲܛܠܝܼܡܹ̈ܐ.

¹⁴ܝܵܗܹ̇ܒ̣ ܠܲܚܡܵܐ ܠܟܲܦܢܹ̈ܐ ܡܵܪܝܵܐ.

¹⁵ܫܵܪܹܐ ܐܲܣܝܼܪܹ̈ܐ ܡܵܪܝܵܐ.

¹⁶ܦܵܬܲܚ ܥܘܝܼܪܹ̈ܐ ܡܵܪܝܵܐ.

¹⁷ܬܵܪܹܨ ܟܦܝܼܦܹ̈ܐ ܡܵܪܝܵܐ.

¹⁸ܪܵܚܹ̇ܡ ܙܲܕ̇ܝܼܩܹ̈ܐ ܡܵܪܝܵܐ.

¹⁹ܘܲܡܢܲܛܲܪ ܠܡܸܣܟܹܢܹ̈ܐ.

²⁰ܡܬܲܪܣܸܐ ܠܝܲܬ̣ܡܹ̈ܐ ܘܠܲܐܪ̈ܡ̱ܠܵܬ̣ܵܐ.

²¹ܘܐܘܼܪܚܵܐ ܕܥܲܘܵܠܹ̈ܐ ܡܛܲܒܲܥ.

²²ܐܲܡܠܸܟ݂ ܡܵܪܝܵܐ ܠܥܵܠܲܡ.

²³ܘܐܲܠܵܗܹܟ̣ܝ ܨܸܗܝܘܿܢ ܠܕ݂ܵܪܕܵܪ̈ܝܼܢ.