Read Aramaic Peshita Psalms 146 Bible Online

Psalms 146 - Aramaic Peshita bible

Psalms 146

¹ܛܵܒ̣ ܠܡܸܙܡܲܪ ܠܐܲܠܵܗܲܢ ܘܒܲܣܝܼܡ.

²ܘܠܹܗ ܗܘ݀ ܝܵܐ̇ܝܵܐ ܬܸܫܒ̇ܘܿܚܬܵܐ.

³ܒܵܢܹ̈ܐ ܠܐܘܿܪܸܫܠܸܡ ܡܵܪܝܵܐ.

⁴ܘܠܲܡܒܲܕ̇ܪܹ̈ܐ ܕܝܼܣܪܵܝܹܠ ܡܟܲܢܸܫ.

⁵ܡܲܐܣܸܐ ܠܲܬ̣ܒ̣ܝܼܪ̈ܲܝ ܠܸܒܵܐ ܘܥܵܨܹ̇ܒ̣ ܟܹܐܒܲܝ̈ܗܘܿܢ.

⁶ܡܢ݂ܵܐ ܡܸܢܝܵܢܵܐ ܠܟܲܘܟ̇ܒܹ̈ܐ.

⁷ܘܲܠܟ̣ܠܗܘܿܢ ܩܪ݂ܵܐ ܫܡܵܗܹ̈ܐ.

⁸ܪܲܒ̇ܘܼ ܡܵܪܲܢ ܘܥܲܫܝܼܢ ܚܲܝܠܹܗ.

⁹ܘܠܲܝܬ̇ ܣܵܟ̣ܵܐ ܠܣܘܼܟܵܠܹܗ.

¹⁰ܡܪܝܼܡ ܡܵܪܝܵܐ ܠܡܸܣܟܹ̇ܢܹ̈ܐ.

¹¹ܘܲܡܡܲܟܸ̇ܟ݂ ܠܥܲܘܵܠܹ̈ܐ ܥܕܲܡܵܐ ܠܐܲܪܥܵܐ.

¹²ܫܲܒܲܚܘ ܠܡܵܪܝܵܐ ܒܫܘܼܒ̣ܚܵܐ.

¹³ܙܡܲܪܘ ܠܡܵܪܝܵܐ ܒܟܸܢܵܪܹ̈ܐ.

¹⁴ܕܲܡܟܲܣܸܐ ܫܡܲܝܵܐ ܒܲܥܢܵܢܹ̈ܐ.

¹⁵ܘܝܵܗܸ݁ܒ̣ ܡܸܛܪܵܐ ܥܲܠ ܐܲܪܥܵܐ.

¹⁶ܡܲܘܥܸܐ ܥܡܝܼܪܵܐ ܥܲܠ ܛܘܼܪܹ̈ܐ.

¹⁷ܝܵܗܹ̇ܒ̣ ܠܲܒ̣ܥܝܼܪܵܐ ܡܹܐܟ̣ܘܼܠܬܵܐ.

¹⁸ܘܠܲܒ̣ܢܲܝ̈ ܢܲܥܒ̣ܵܐ ܕܩܵܪܹܝܢ.

¹⁹ܠܵܐ ܨܵܒܹ̇ܐ ܡܵܪܝܵܐ ܒܚܲܝܠܹܗ ܕܣܘܼܣܝܵܐ.

²⁰ܐܵܦܠܵܐ ܒܫܵܩܵܘ̈ܗܝ ܕܓܲܢ̄ܒܵܪܵܐ ܨܵܒܹ̇ܐ.

²¹ܐܸܠܵܐ ܨܵܒܹ̇ܐ ܡܵܪܝܵܐ ܒܕ݂ܵܚܠܵܘ̈ܗܝ.

²²ܘܒܲܐܝܠܹܝܢ ܕܲܡܣܲܟܹ̇ܝܢ ܠܛܲܝܒ̇ܘܼܬܹܗ.