Read Aramaic Peshita Psalms 147 Bible Online

Psalms 147 - Aramaic Peshita bible

Psalms 147

¹ܫܲܒܲܚܝ ܐܘܿܪܸܫܠܸܡ ܠܡܵܪܝܵܐ.

²ܫܲܒܲܚܝ ܠܐܲܠܵܗܹܟ̣ܝ ܨܸܗܝܘܿܢ.

³ܡܸܛܠ ܕܐܲܥܫܸܢ ܡܘܼܟ̣ܠܹ̈ܐ ܕܬܲܪ̈ܥܲܝܟ̇ܝ.

⁴ܘܒܲܪܸܟ݂ ܠܲܒ̣ܢܲܝ̈ܟ ܒܓ̣ܵܘܹܟ̣ܝ.

⁵ܘܣܵܡ݂ ܬܚܘܼܡܲܝ̈ܟܝ ܒܲܫܠܵܡܵܐ.

⁶ܘܲܒ̣ܫܘܼܡܢܵܐ ܕܚܸܛܹ̈ܐ ܣܲܒ̇ܥܹܟ̣ܝ.

⁷ܡܫܲܕܲܪ ܡܸܠܬܹܗ ܥܲܠ ܐܲܪܥܵܐ.

⁸ܘܒܲܥܓܲܠ ܪܵܗܹ̇ܛ ܦܸܬ̣ܓ̣ܵܡܹܗ.

⁹ܝܵܗܹ̇ܒ̣ ܬܲܠܓܵܐ ܐܲܝܟ݂ ܥܲܡܪܵܐ.

¹⁰ܘܥܲܪܦܸܠܵܐ ܐܲܝܟ݂ ܩܸܛܡܵܐ ܡܒܲܕܲܪ.

¹¹ܪܵܡܹ̇ܐ ܓܠܝܼܕ݂ܵܐ ܐܲܝܟ݂ ܦܸܬܹ̈ܐ.

¹²ܘܲܩܕ݂ܵܡ ܥܲܪܝܹܗ ܡܲܢ̣ܘܼ ܡܸܫܟܲܚ ܠܲܡܩܵܡ.

¹³ܡܫܲܕܲܪ ܡܸܠܬܹܗ ܘܲܡܦܲܫܲܪ ܠܗܘܿܢ.

¹⁴ܡܲܫܸܒ̣ ܪ̈ܘܼܚܹܐ ܘܡܲܪ̈ܕ̇ܝܵܢ ܡܲܝ̈ܵܐ.

¹⁵ܡܚܲܘܸܐ ܡܸܠܬܹܗ ܒܝܲܥܩܘܿܒ̣.

¹⁶ܘܢܵܡܘܿܣܵܘ̈ܗܝ ܘܦܘܼܩܕܵܢܵܘ̈ܗܝ ܒܝܼܣܪܵܝܹܠ.

¹⁷ܠܵܐ ܥܒܲܕ݂ ܗܵܟܲܢܵܐ ܠܟ̣ܠܗܘܿܢ ܥܲܡܡܹ̈ܐ.

¹⁸ܘܕ݂ܝܼܢܵܘ̈ܗܝ ܠܵܐ ܚܲܘܝܼ ܐܸܢܘܿܢ.