Read Aramaic Peshita Psalms 148 Bible Online

Psalms 148 - Aramaic Peshita bible

Psalms 148

¹ܫܲܒܲܚܘ ܠܡܵܪܝܵܐ ܡ̣ܢ ܫܡܲܝܵܐ.

²ܫܲܒ̇ܚܘܼܗܝ ܒܲܡܪ̈ܲܘܡܹܐ.

³ܫܲܒ̇ܚܘܼܗܝ ܟܠܗܘܿܢ ܡܲܠܲܐܟ̣ܵܘ̈ܗܝ.

⁴ܫܲܒ̇ܚܘܼܗܝ ܟܠܗܘܿܢ ܚܲܝ̈ܠܵܘܵܬܹܗ.

⁵ܫܲܒ̇ܚܘܼܗܝ ܫܸܡܫܵܐ ܘܣܲܗܪܵܐ.

⁶ܫܲܒ̇ܚܘܼܗܝ ܟܠ ܟܲܘܟ̇ܒܹ̈ܐ ܘܢܘܼܗܪܵܐ.

⁷ܫܲܒ̇ܚܘܼܗܝ ܫܡܲܝ̈ ܫܡܲܝܵܐ.

⁸ܡܲܝ̈ܵܐ ܕܲܠܥܸܠ ܡ̣ܢ ܫܡܲܝ̈ܵܐ ܢܫܲܒ̇ܚܘܼܢ ܠܲܫܡܹܗ ܕܡܵܪܝܵܐ.

⁹ܡܸܛܠ ܕܗܘ݀ ܐܸܡܲܪ ܘܲܗܘ݀ܵܘ ܘܗܘ݀ ܦܩܲܕ݂ ܘܐܸܬ̣ܒ̇ܪܝܼܘ.

¹⁰ܘܐܲܩܝܼܡ ܐܸܢܘܿܢ ܠܥܵܠܲܡ ܥܵܠܡܝܼܢ.

¹¹ܢܵܡܘܿܣܵܐ ܝܲܗ̄ܒ̣ ܘܠܵܐ ܥܵܒܲܪ.

¹²ܫܲܒܲܚܘ ܠܡܵܪܝܵܐ ܡ̣ܢ ܐܲܪܥܵܐ.

¹³ܬܲܢܝܼܢܹ̈ܐ ܘܟ̣ܠܗܘܿܢ ܬܗܘܿܡܹ̈ܐ.

¹⁴ܢܘܼܪܵܐ ܘܒܲܪܕ݂ܵܐ ܘܬܲܠܓܵܐ ܘܲܓ̣ܠܝܼܕ݂ܵܐ.

¹⁵ܪ̈ܘܼܚܹܐ ܘܥܲܠܥܵܠܹ̈ܐ ܥܒ݂ܵܕ݂ܵܐ ܕܡܸܠܬܹܗ.

¹⁶ܛܘܼܪܹ̈ܐ ܘܟ̣ܠܗܹܝܢ ܪ̈ܵܡܵܬ̣ܵܐ.

¹⁷ܐܝܼܠܵܢܹ̈ܐ ܕܦܹܐܪܹ̈ܐ ܘܟ̣ܠܗܘܿܢ ܐܲܪ̈ܙܹܐ.

¹⁸ܚܲܝܘ̱ܬ̣ܵܐ ܘܟ̣ܠܵܗ̇ ܒܥܝܼܪܵܐ.

¹⁹ܪ̈ܲܚܫܵܐ ܘܛܲܝܪܵܐ ܘܦܵܪܲܚܬ̣ܵܐ.

²⁰ܡܲܠ̈ܟܹ̇ܐ ܕܐܲܪܥܵܐ ܘܟ̣ܠܗܹܝܢ ܐܸܡ̈ܘܵܬ̣ܵܐ.

²¹ܪܲܘ̱ܪ̈ܒ̣ܵܢܹܐ ܘܟ̣ܠܗܘܿܢ ܕܲܝܵܢܹ̈ܐ ܕܐܲܪܥܵܐ.

²²ܓܲܕ̇ܘܼܕܹ̈ܐ ܘܲܒ̣ܬ̣ܘܼ̈ܠܵܬ̣ܵܐ.

²³ܣܵܒܹ̈ܐ ܘܲܥܠܲܝܡܹ̈ܐ ܢܫܲܒ̇ܚܘܼܢ ܠܲܫܡܹܗ ܕܡܵܪܝܵܐ.

²⁴ܡܸܛܠ ܕܪܲܒ̇ܘܼ ܫܡܹܗ ܒܲܠܚܘܿܕ݂ܵܘܗܝ.

²⁵ܘܫܘܼܒ̣ܚܹܗ ܒܐܲܪܥܵܐ ܘܒܲܫܡܲܝܵܐ.

²⁶ܡܪܝܼܡ ܩܲܪܢܵܐ ܕܥܲܡܹܗ ܘܬܸܫܒ̇ܘܿܚܬܵܐ ܕܟ̣ܠܗܘܿܢ ܙܲܕ̇ܝܼ̈ܩܵܘܗܝ.

²⁷ܠܲܒ̣ܢܲܝ̈ ܝܑܼܣܪܵܝܹܠ ܥܲܡܵܐ ܕܩܲܪܝܼܒ̣ ܠܹܗ.