Read Aramaic Peshita Psalms 17 Bible Online

Psalms 17 - Aramaic Peshita bible

Psalms 17

¹ܫ̣ܡܲܥ ܡܵܪܝܵܐ ܩܲܕܝܼܫܵܐ ܘܚܘܼܪ ܒܒ̣ܵܥܘܼܬ̣ܝ.

²ܘܨܘܼܬ̣ ܨܠܘܿܬ̣ܝ ܕܠܵܐ ܡ̣ܢ ܣܸܦ̈ܘܵܬ̣ܵܐ ܢܲܟ̇ܘܼܠܬ̣ܵܢ̈ܝܵܬ̣ܵܐ.

³ܡ̣ܢ ܩܕ݂ܵܡܲܝܟ ܕܝܼܢܝ ܢܸܦܘܿܩ.

⁴ܘܥܲܝܢܲܝ̈ܟ ܢܸܚܙ̈ܝܵܢ ܬܪܝܼܨܘܼܬ̣ܵܐ.

⁵ܒܚܲܪܬ̇ ܠܹܒܝ ܘܲܣܥܲܪܬܵܢܝ ܒܠܸܠܝܵܐ.

⁶ܘܲܒ̣ܩܲܝܬܵܢܝ ܘܠܵܐ ܐܹܫܟܲܚܬ̇ ܒܝܼ ܥܲܘܠܵܐ.

⁷ܘܠܵܐ ܥܒܲܪܘ ܥܲܠ ܦܘܼܡܝ ܥܒ̣ܵܕܹ̈ܐ ܕܲܒ̣ܢܲܝ̈ܢܵܫܵܐ.

⁸ܒܡܲܡܠܠܵܐ ܕܣܸܦ̈ܘܵܬ̣ܵܐ.

⁹ܐܸܠܵܐ ܢܲܛܲܪܬܵܢܝ ܡ̣ܢ ܐܘܼܪ̈ܚܵܬ̣ܵܐ ܒܝܼ̈ܫܵܬ̣ܵܐ.

¹⁰ܣܲܡܸܟ̣ܬ̇ ܗܲܠ̈ܟ̣ܵܬ̣ܝ ܒܲܫܒ̣ܝ̈ܠܲܝܟ ܕܠܵܐ ܢܙܘܼ̈ܥܵܢ ܦܣܵܥܵܬ̣̈ܝ.

¹¹ܐܸܢܵܐ ܩܪܹܝܬ̣ܵܟ݂ ܡܸܛܠ ܕܲܥܢܲܝܬܵܢܝ.

¹²ܐܲܠܵܗܵܐ ܨܠܝܼ ܠܘܵܬ̣ܝ ܐܸܕ݂ܢܵܟ݂ ܘܲܫܡܲܥ ܡܸܠܲܝ̈.

¹³ܥܒܸܕܲܝܗܝ ܬܸܕ݂ܡܘܼܪܬܵܐ ܠܚܲܣܝܵܟ݂.

¹⁴ܘܦܵܪܘܿܩܵܐ ܠܐܲܝܠܹܝܢ ܕܲܡܣܲܒ̇ܪܝܼܢ.

¹⁵ܡ̣ܢ ܐܲܝܠܹܝܢ ܕܩܵܝܡܝܼܢ ܠܘܼܩܒܲܠ ܝܲܡܝܼܢܵܟ݂.

¹⁶ܢܲܛܪܲܝܢܝ ܐܲܝܟ݂ ܒܵܒ̣ܬ̣ܵܐ ܕܥܲܝܢܵܐ.

¹⁷ܘܲܒ̣ܛܸܠܵܠܵܐ ܕܟܸܢܦܲܝ̈ـܟ ܣܲܬܲܪܲܝܢܝ.

¹⁸ܡ̣ܢ ܩܕ݂ܵܡ ܚܲܛܵܝܹ̈ܐ ܗܵܠܹܝܢ ܕܒܲܙܘܼܢܝ.

¹⁹ܘܲܒ̣ܥܸܠܕܒ̣ܵܒܹ̈ܝܗ̇ ܕܢܲܦ̮ܫܝ ܕܣܵܡܘ ܥܠܲܝ.

²⁰ܣܟ̣ܘܿܪ ܦܘܼܡܗܘܿܢ ܕܡܲܠܸܠܘ ܫܲܒ̣ܗܪܵܢܘܼܬ̣ܵܐ.

²¹ܫܲܒ̇ܚܘܼܢܝ ܘܗܵܫܵܐ ܟܲܪܟ̣ܘܼܢܝ.

²²ܣܵܡ݂ܘ ܥܲܝܼܢܲܝ̈ܗܘܿܢ ܕܢܲܪܡܘܿܢܵܢܝ ܒܐܲܪܥܵܐ.

²³ܕܵܡܹܝܢ ܠܐܲܪܝܵܐ ܕܒ̣ܵܥܹܐ ܠܡܸܬ̣ܒܲܪ.

²⁴ܘܐܲܝܟ݂ ܓܘܼܪܝܵܐ ܕܐܲܪܝܵܐ ܕܝܵܬܹܒ̣ ܒܛܘܼܫܝܵܐ.

²⁵ܩܘܼܡ ܡܵܪܝܵܐ ܩܕ݂ܵܡ ܐܲܦܲܝ̈ܗܘܿܢ ܘܐܲܒ̣ܪܸܟ݂ ܐܸܢܘܿܢ.

²⁶ܘܦܲܨܵܗ̇ ܠܢܲܦ̮ܫܝ ܡ̣ܢ ܪ̈ܲܫܝܼܥܹܐ ܘܡ̣ܢ ܚܲܪܒܵܐ.

²⁷ܘܡ̣ܢ ܡܝܼ̈ܬܹܐ ܕܡܵܝܬ̇ܝܼܢ ܡ̣ܢ ܐܝܼ̈ܕܲܝܟ ܡܵܪܝܵܐ.

²⁸ܘܡ̣ܢ ܡܝܼ̈ܬܹܐ ܕܚܸܦܪܵܐ.

²⁹ܬܦܲܠܸܓ̣ ܐܸܢܘܿܢ ܒܚܲܝܹ̈ܐ.

³⁰ܘܣܝܼ̈ܡܵܬ̣ܵܟ݂ ܡܠܝܼ ܟܲܪܣܗܘܿܢ.

³¹ܢܸܣܒ̇ܥܘܼܢ ܒܢܲܝـ̈ܵܐ ܘܢܸܫܒ̇ܩܘܼܢ ܫܲܪܟܵܐ ܠܲܒ̣ܢܲܝ̈ܗܘܿܢ.

³²ܐܸܢܵܐ ܕܹܝܢ ܒܙܲܕܝܼܩܘܼܬ̣ܵܐ ܐܸܚܙܸܐ ܐܲܦܲܝ̈ܟ.

³³ܘܐܸܣܒܲܥ ܡܵܐ ܕܐܸܬ̇ܬ̇ܥܝܼܪܲܬ̤ ܗܲܝܡܵܢܘܼܬ̣ܵܟ݂.