Read Aramaic Peshita Psalms 18 Bible Online

Psalms 18 - Aramaic Peshita bible

Psalms 18

¹ܐܸܪܚ̄ܡܵܟ݂ ܡܵܪܝܵܐ ܚܲܝܠ̱ܝ ܘܬ̣ܘܼܟ̣ܠܵܢܝ.

²ܒܹܝܬ̣ ܓܲܘܣܝ ܘܲܡܦܲܨܝܵܢܝ.

³ܐܲܠܵܗܵܐ ܬܲܩܝܼܦܵܐ ܕܲܬ̣ܟ̣ܝܼܠ ܐ̄ܢܵܐ ܥܠܵܘܗܝ.

⁴ܡܣܲܝܥܵܢܝ ܘܩܲܪܢܵܐ ܕܦܘܼܪܩܵܢܝ.

⁵ܘܒܹܝܬ̣ ܓܲܘܣܝ ܡܫܲܒ̇ܚܵܐ.

⁶ܐܸܩܪܸܐ ܠܡܵܪܝܵܐ ܘܡ̣ܢ ܒܥܸܠܕܒ̣ܵܒܲܝ̈ ܐܸܬ̣ܦܪܸܩ.

⁷ܡܸܛܠ ܕܚܲܕ݂ܪܘܼܢܝ ܚܸܒ̣ܠܹ̈ܐ ܕܡܲܘܬܵܐ.

⁸ܘܪܼ̈ܓ̣ܠܵܬ̣ܵܐ ܕܥܲܘܵܠܹ̈ܐ ܕܲܠܚܵܢ̈ܝ.

⁹ܚܸܒ̣ܠܹ̈ܐ ܕܲܫܝܘܿܠ ܟܲܪܟ̣ܘܼܢܝ.

¹⁰ܘܩܲܕ݂ܡܘܼܢܝ ܦܲܚܵܘ̈ܗܝ ܕܡܲܘܬܵܐ.

¹¹ܒܐܘܼܠܨܵܢܝ ܩܪܹܝܬ̣ ܠܡܵܪܝܵܐ ܘܠܲܐܠܵܗܵܐ ܩܪܹܝܬ̣.

¹²ܘܲܫ̣ܡܲܥ ܡ̣ܢ ܗܲܝܟܠܹܗ ܒܩܵܠܝ.

¹³ܘܲܓ̣ܥܵܬ̣ܝ ܩܕ݂ܵܡܵܘܗܝ ܥܸܠܲܬ̤ ܒܐܸܕ݂ܢܵܘ̈ܗܝ.

¹⁴ܐܸܬ̇ܕܲܠܚܲܬ̤ ܘܙܵܥܲܬ̤ ܐܲܪܥܵܐ.

¹⁵ܘܫܲܬ̣ܐܸܣܹ̈ܐ ܕܛܘܼܪܹ̈ܐ ܙܵܥ ܘܐܸܬ̇ܬܲܠܲܚ.

¹⁶ܡܸܛܠ ܕܐܸܬ̣ܚܲܡܲܬ̣ ܥܠܲܝܗܘܿܢ.

¹⁷ܣܠܸܩ ܬܸܢܵܢܵܐ ܒܪܘܼܓ̣ܙܹܗ.

¹⁸ܘܢܘܼܪܵܐ ܡ̣ܢ ܦܲܪܨܘܿܦܹܗ ܐܸܬ̣ܓܲܘܙܠܲܬ̤.

¹⁹ܘܓ̣ܘܼܡܪܹ̈ܐ ܚܲܒܸ̇ܢ ܡܸܢܹܗ.

²⁰ܐܲܪܟܸܢ ܫܡܲܝܵܐ ܘܲܢܚܸܬ̣.

²¹ܘܥܲܪܦܸܠܵܐ ܬܚܘܿܬ̣ ܪܸ̈ܓ̣ܠܵܘܗܝ.

²²ܪܟܸܒ̣ ܥܲܠ ܟܪ̈ܘܿܒܹܐ ܘܲܦܪܲܚ.

²³ܘܛܵܣ ܥܲܠ ܟܸܢܦܹ̈ܐ ܕܪܘܼܚܵܐ.

²⁴ܣܵܡ ܚܸܫܘܿܟ̣ܵܐ ܠܓܸܢܝܹܗ ܘܟܲܪܟܹܗ ܡܲܛܠܠܹܗ.

²⁵ܚܸܫܘܿܟ̣ܵܐ ܕܡܲـ̈ܝܵܐ ܒܲܥܢܵܢܹ̈ܐ ܕܐܵܐܲܪ.

²⁶ܡ̣ܢ ܙܲܗܪܵܐ ܕܡܲܛܠ̄ܠܹܗ.

²⁷ܥܢܵܢܵܘ̈ܗܝ ܥܒܲܕ݂ ܒܲܪܕ݂ܵܐ ܘܓ̣ܘܼܡܪܹ̈ܐ ܕܢܘܼܪܵܐ.

²⁸ܘܲܪܥܸܡ ܒܲܫܡܲܝܵܐ ܡܵܪܝܵܐ.

²⁹ܘܥܸܠܵܝܵܐ ܝܲܗ̄ܒ̣ ܩܵܠܹܗ.

³⁰ܒܲܪܕ݂ܵܐ ܘܓ̣ܘܼܡܪܹ̈ܐ ܕܢܘܼܪܵܐ.

³¹ܫܲܕܲܪ ܓܹܐܪ̈ܵܘܗܝ ܘܒܲܕܲܪ ܐܸܢܘܿܢ.

³²ܘܒܲܪ̈ܩܵܘܗܝ ܐܲܣܓܝܼ ܘܕܲܠܲܚ ܐܸܢܘܿܢ.

³³ܘܐܸܬ̣ܚܙܝܼܘ ܡܲܒ̇ܘܼܥܹ̈ܐ ܕܡܲـ̈ܝܵܐ.

³⁴ܘܐܸܬ̣ܓܠܝܼ ܫܲܬ̣ܐܸܣܹ̈ܐ ܕܬܹܒܹܝܠ.

³⁵ܡ̣ܢ ܟܐܵܬ̣ܵܟ݂ ܡܵܪܝܵܐ.

³⁶ܘܡ̣ܢ ܢܫܲܡܬ̣ܵܐ ܕܪܘܼܚܵܐ ܕܪܘܼܓ̣ܙܵܟ݂.

³⁷ܫܲܕܲܪ ܡ̣ܢ ܡܪܲܘܡܵܐ ܘܲܫܠܵܢܝ.

³⁸ܘܩܲܒ̇ܠܲܢܝ ܡ̣ܢ ܡܲـ̈ܝܵܐ ܣܲܓܝܼܐܹ̈ܐ.

³⁹ܘܦܲܨܝܲܢܝ ܡ̣ܢ ܒܥܸܠܕܒ̣ܵܒܲܝ̈ ܥܲܫܝܼܢܹ̈ܐ.

⁴⁰ܘܡ̣ܢ ܣܵܢܐܲܝ̈ ܕܲܥܫܸܢܘ ܡܹܢܝ.

⁴¹ܘܩܲܕ݂ܡܘܼܢܝ ܒܝܲܘܡܵܐ ܕܥܵܩܵܬ̣̈ܝ.

⁴²ܘܲܗ̤ܘܵܐ ܠܝܼ ܡܵܪܝܵܐ ܦܵܪܘܿܩܵܐ.

⁴³ܘܐܲܦܩܲܢܝ ܠܲܪܘܲܚܬ̣ܵܐ.

⁴⁴ܘܦܲܨܝܲܢܝ ܡܸܛܠ ܕܲܨܒ̣ܵܐ ܒܝܼ.

⁴⁵ܦܲܪܥܲܢܝ ܡܵܪܝܵܐ ܐܲܝܟ݂ ܙܲܕܝܼܩܘܼܬ̣ܝ.

⁴⁶ܘܐܲܝܟ݂ ܕܲܟ̣ܝܘܼܬ̣ܵܐ ܕܐܝܼ̈ܕܲܝ ܫܲܠܡܲܢܝ.

⁴⁷ܡܸܛܠ ܕܢܸܛܪܹܬ̣ ܐܘܼܪ̈ܚܵܬܹܗ ܕܡܵܪܝܵܐ.

⁴⁸ܘܠܵܐ ܐܸܬ̣ܡܲܪܕܹ̇ܬ̣ ܡ̣ܢ ܐܲܠܵܗܝ.

⁴⁹ܡܸܛܠ ܕܟ̣ܠܗܘܿܢ ܕܝܼܢܵܘ̈ܗܝ ܠܘܼܩܒܲܠܝ.

⁵⁰ܘܢܵܡܘܿܣܵܘ̈ܗܝ ܠܵܐ ܐܲܥܒ̇ܪܹܬ̣ ܡܹܢܝ.

⁵¹ܘܲܗ̤ܘܹܝ݁ܬ̣ ܕܠܵܐ ܡܘܼܡ ܥܲܡܹܗ.

⁵²ܘܐܸܙܕܲܗ̇ܪܹܬ̣ ܡ̣ܢ ܚܛܵܗܲܝ̈.

⁵³ܦܲܪܥܲܢܝ ܡܵܪܝܵܐ ܐܲܝܟ݂ ܙܲܕܝܼܩܘܼܬ̣ܝ.

⁵⁴ܘܐܲܝܟ݂ ܕܲܟ̣ܝܘܼܬ̣ܵܐ ܕܐܝܼ̈ܕܲܝ ܩܕ݂ܵܡ ܥܲܝܢܵܘ̈ܗܝ.

⁵⁵ܦܵܣܘܿܩܵܐ.

⁵⁶(1) ܥܲܡ ܚܲܣܝܵܐ ܚܲܣܝܵܐ ܬܸܗܘܸܐ.

⁵⁷(2) ܘܥܲܡ ܬܲܡܝܼܡܵܐ ܬܸܬܲܡܲܡ.

⁵⁸(3) ܘܥܲܡ ܓܲܒ̣ܝܵܐ ܬܸܬ̣ܓܒܸܐ.

⁵⁹(4) ܘܥܲܡ ܥܩܝܼܡܵܐ ܬܸܬ̣ܦܲܬܲܠ.

⁶⁰(5) ܡܸܛܠ ܕܐܲܢ̄ܬ̇ ܥܲܡܵܐ ܡܸܣܟܹܢܵܐ ܬܸܦܪܘܿܩ.

⁶¹(6) ܘܥܲܝܢܹ̈ܐ ܪ̈ܵܡܵܬ̣ܵܐ ܬܡܲܟܸܟ݂.

⁶²(7) ܐܲܢ̄ܬ̇ ܬܲܢܗܲܪ ܫܪܵܓ̣ܝ.

⁶³(8) ܡܵܪܝܵܐ ܐܲܠܵܗܝ ܢܲܢܗܲܪ ܚܸܫܘܿܟ̣ܝ.

⁶⁴(9) ܡܸܛܠ ܕܒ̣ܵܟ݂ ܐܸܪܗܲܛ ܥܲܠ ܓܲܝܣܵܐ.

⁶⁵(10) ܘܒܲܐܠܵܗܝ ܐܸܫܘܲܪ ܫܘܼܪܵܐ.

⁶⁶(11) ܐܲܠܵܗܝ ܕܲܕ݂ܠܵܐ ܡܘܼܡ ܐܘܼܪܚܹܗ.

⁶⁷(12) ܡܹܐܡܪܹܗ ܕܡܵܪܝܵܐ ܒܩܸܐ.

⁶⁸(13) ܘܲܡܥܲܕܲܪ ܠܟ̣ܠ ܕܲܬ̣ܟ̣ܝܼܠܝܼܢ ܥܠܵܘܗܝ.

⁶⁹(14) ܡܸܛܠ ܕܠܲܝܬ̇ ܐܲܠܵܗܵܐ ܠܒܲܪ ܡ̣ܢ ܡܵܪܝܵܐ.

⁷⁰(15) ܘܠܲܝܬ̇ ܕܬܲܩܝܼܦ ܐܲܝܟ݂ ܐܲܠܵܗܲܢ.

⁷¹(16) ܐܲܠܵܗܵܐ ܕܚܲܙܩܲܢܝ ܚܲܝܠܵܐ.

⁷²(17) ܘܝܲܗ̄ܒ̣ ܕܠܵܐ ܡܘܼܡ ܐܘܼܪܚܝ.

⁷³(18) ܥܒܲܕ݂ ܪܸ̈ܓ̣ܠܲܝ ܐܲܝܟ݂ ܕܐܲܝܠܵܐ ܘܥܲܠ ܪܲܘܡܵܐ ܐܲܩܝܼܡܲܢܝ.

⁷⁴(19) ܐܲܠܸܦ ܐܝܼܕܲܝ̈ ܠܲܩܪܵܒ̣ܵܐ.

⁷⁵(20) ܘܫܲܪܲܪ ܐܲܝܟ݂ ܩܸܫܬܵܐ ܕܲܢܚܵܫܵܐ ܕܪ̈ܵܥܲܝ.

⁷⁶(21) ܝܲܗ̄ܒ̣ܬ̇ ܠܝܼ ܣܲܟ̇ܪܵܐ ܕܦܘܼܪܩܵܢܵܐ.

⁷⁷(22) ܝܲܡܝܼܢܵܟ݂ ܬܣܲܝܥܲܢܝ ܘܡܲܪܕܘܼܬ̣ܵܟ݂ ܬܪܲܒܹܝܢܝ.

⁷⁸(23) ܐܲܪܘܲܚܬ̇ ܦܣܵܥܵܬ̣̈ܝ ܕܠܵܐ ܢܙܘܼܥܘܼܢ ܩܘܼܪ̈ܨܠܲܝ.

⁷⁹(24) ܐܸܪܕ̇ܘܿܦ ܒܥܸܠܕܒ̣ܒܲܝ̈ ܘܐܲܕ݂ܪܸܟ݂ ܐܸܢܘܿܢ.

⁸⁰(25) ܘܠܵܐ ܐܸܗܦܘܿܟ݂ ܥܕܲܡܵܐ ܕܐܹܓܲܡܲܪ ܐܸܢܘܿܢ.

⁸¹(26) ܐܸܡܚܸܐ ܐܹܢܘܿܢ ܘܠܵܐ ܢܸܫܟܚܘܿܢ ܠܲܡܩܵܡ.

⁸²(27) ܘܢܸܦܠܘܿܢ ܬܚܘܿܬ̣ ܪܸ̈ܓ̣ܠܲܝ.

⁸³(28) ܬܚܲܙܩܲܢܝ ܚܲܝܠܵܐ ܒܲܩܪܵܒ̣ܵܐ.

⁸⁴(29) ܘܬܲܒ̣ܪܸܟ݂ ܠܲܕ݂ܩܵܝܡܝܼܢ ܥܠܲܝ ܬܚܘܿܬܲܝ.

⁸⁵(30) ܘܠܲܒ̣ܥܸܠܕܒ̣ܵܒܲܝ̈ ܬܸܬ̣ܒܲܪ ܩܕ݂ܵܡܲܝ.

⁸⁶(31) ܘܲܠܣܵܢܐܲܝ̈ ܐܹܫܲܬܸܩ ܐܹܢܘܿܢ.

⁸⁷(32) ܢܸܓ̣ܥܘܿܢ ܘܠܵܐ ܢܸܗܘܸܐ ܠܗܘܿܢ ܦܵܪܘܿܩܵܐ.

⁸⁸(33) ܢܸܒ̣ܥܘܿܢ ܡ̣ܢ ܡܵܪܝܵܐ ܘܠܵܐ ܢܸܥܢܸܐ ܐܹܢܘܿܢ.

⁸⁹(34) ܐܹܫܚܘܿܩ ܐܹܢܘܿܢ ܐܲܝܟ݂ ܥܲܦܪܵܐ ܥܲܠ ܐܲܦܲܝ̈ ܪܘܼܚܵܐ.

⁹⁰(35) ܘܐܲܝܟ݂ ܣܝܵܢܵܐ ܕܫܘܼܩܹ̈ܐ ܐܹܕܘܼܫ ܐܸܢܘܿܢ.

⁹¹(36) ܬܦܲܨܹܝܢܝ ܡ̣ܢ ܕܝܼܢܵܘ̈ܗܝ ܕܥܲܡܵܐ.

⁹²(37) ܘܬܸܥܒܕܲܢܝ ܪܹܫܵܐ ܠܥܲܡܡܹ̈ܐ.

⁹³(38) ܘܥܲܡܵܐ ܕܠܵܐ ܝܸܕ݂ܥܹܬ̣ ܢܸܦܠܚܘܼܢܵܢܝ.

⁹⁴(39) ܘܡܲܫܡܲܥ ܐܸܕ݂ܢܵܐ ܢܸܫܡܥܘܼܢܵܢܝ.

⁹⁵(40) ܒܢܲܝ̈ܵܐ ܢܘܼܟ̣ܪ̈ܵܝܹܐ ܢܸܫܬܲܥܒܕ݂ܘܼܢ ܠܝܼ.

⁹⁶(41) ܒܢܲـ̈ܝܵܐ ܢܘܼܟ̣ܪ̈ܵܝܹܐ ܢܸܬ̣ܟܠܘܿܢ ܘܢܸܬ̣ܚܲܓ̣ܪܘܼܢ ܡ̣ܢ ܫܒ̣ܝܼܠܲܝ̈ܗܘܿܢ.

⁹⁷(42) ܚܲܝ ܗ̄ܘ̣ ܡܵܪܝܵܐ ܘܲܒ̣ܪܝܼܟ݂ ܗ̄ܘ̣ ܡܚܲܝܠܵܢܝ.

⁹⁸(43) ܐܹܬ̇ܬ̇ܪܝܼܡ ܐܲܠܵܗܝ ܘܦܵܪܘܿܩܝ.

⁹⁹(44) ܐܲܠܵܗܵܐ ܕܝܲܗ̄ܒ̣ ܠܝܼ ܬܒܲܥܬ̣ܵܐ.

¹⁰⁰(45) ܘܫܲܥܒܸܕ݂ ܠܥܲܡܡܹ̈ܐ ܬܚܘܿܬܲܝ.

¹⁰¹(46) ܘܦܲܨܝܲܢܝ ܡ̣ܢ ܒܥܸܠܕܒ̣ܵܒܲܝ̈.

¹⁰²(47) ܘܡ̣ܢ ܐܲܝܠܹܝܢ ܕܩܵܝܡܝܼܢ ܥܠܲܝ ܐܲܪܝܼܡܲܝܢܝ.

¹⁰³(48) ܘܡ̣ܢ ܓܲܒ̣ܪܹ̈ܐ ܥܲܘܵܠܹ̈ܐ ܬܦܲܨܹܝܢܝ.

¹⁰⁴(49) ܡܸܛܠ ܗܵܢܵܐ ܐܲܘܕܸ̇ܐ ܠܵܟ݂ ܒܹܝܬ̣ ܥܲܡܡܹ̈ܐ ܡܵܪܝ.

¹⁰⁵(50) ܘܠܲܫܡܵܟ݂ ܐܹܙܲܡܲܪ ܡܲܘܪܸܒ̣ ܦܘܼܪܩܵܢܵܐ ܕܡܲܠܟܹܗ.

¹⁰⁶(51) ܘܥܵܒܹܕ݂ ܛܲܝܒ̇ܘܼܬ̣ܵܐ ܠܲܡܫܝܼܚܹܗ.

¹⁰⁷(52) ܠܕ݂ܵܘܝܼܕ݂ ܘܲܠܙܲܪܥܹܗ ܥܕܲܡܵܐ ܠܥܵܠܲܡ.