Read Aramaic Peshita Psalms 2 Bible Online

Psalms 2 - Aramaic Peshita bible

Psalms 2

¹ܠܡܵܢܵܐ ܪܓܲܫ̣ܘ ܥܲܡܡܹ̈ܐ.

²ܘܐܸܡ̈ܘܵܬ̣ܵܐ ܖ̈ܢܲܝ ܣܪܝܼܩܘܼܬ̣ܵܐ.

³ܩܵܡ݂ܘ ܡܲܠ̈ܟܹ̇ܐ ܕܐܲܪܥܵܐ ܘܫܲܠܝܼܛܵܢܹ̈ܐ.

⁴ܘܐܸܬ̣ܡܲܠܲܟ̣ܘ ܐܲܟ̣ܚ̄ܕ݂ܵܐ.

⁵ܥܲܠ ܡܵܪܝܵܐ ܘܥܲܠ ܡܫܝܼܚܹܗ.

⁶ܕܲܢܦܲܣܸܩ ܚܢܵܩܲܝ̈ܗܘܿܢ.

⁷ܘܢܸܫܕܸ̇ܐ ܡܸܢܲܢ ܢܝܼܪܗܘܿܢ.

⁸ܕܝܵܬܹ݁ܒ̣ ܒܲܫܡܲܝܵܐ ܢܸܓ̣ܚܲܟ݂.

⁹ܘܡܵܪܝܵܐ ܢܡܲܝܸܩ ܒܗܘܿܢ.

¹⁰ܗܵܝܕܹ̇ܝܢ ܢܡܲܠܸܠ ܥܠܲܝܗܘܿܢ ܒܪܘܼܓ݂ܙܹܗ.

¹¹ܘܲܒ̣ܚܸܡܬܹܗ ܢܕܲܠܲܚ ܐܸܢܘܿܢ.

¹²ܐܸܢܵܐ ܐܲܩܝܼܡܹ݁ܬ̣ ܡܲܠܟ̇ܝ ܥܲܠ ܨܸܗܝܘܿܢ ܛܘܼܪܵܐ ܕܩܘܼܕ݂ܫܝ.

¹³ܕܢܸܫܬܲܥܸܐ ܥܲܠ ܩܝܵܡܝ.

¹⁴ܡܵܪܝܵܐ ܐܸܡܲܪ݂ ܠܝܼ ܕܒܹܪܝ ܐܲܢ̄ܬ̇.

¹⁵ܘܐܸܢܵܐ ܝܲܘܡܵܢܵܐ ܝܼܠܸܕ̇ܬܵܟ݂.

¹⁶ܫܐܲܠ ܡܹܢܝ ܘܐܸܬܸ̇ܠ ܠܵܟ݂.

¹⁷ܥܲܡܡܹ̈ܐ ܠܝܵܪܬ̇ܘܼܬ̣ܵܟ݂.

¹⁸ܘܐܘܼܚܕܵܢܲܝ̈ܟ ܥܸܒ̣ܪܹܝܗ̇ ܕܐܲܪܥܵܐ.

¹⁹ܬܸܪܥܹܐ ܐܸܢܘܿܢ ܒܫܲܒ̣ܛܵܐ ܕܦܲܪܙܠܵܐ.

²⁰ܘܐܲܝܟ݂ ܡܵܐܢܲܝ̈ ܦܲܚܵܪܵܐ ܬܢܲܦܸܨ ܐܸܢܘܿܢ.

²¹ܗܵܫܵܐ ܡܲܠ̈ܟܹ̇ܐ ܐܸܣܬܲܟܲܠܘ.

²²ܘܐܸܬ̣ܪ̱ܕ݂ܵܘ ܕܲܝܵܢܹ̈ܐ ܕܐܲܪܥܵܐ.

²³ܦܠܘܿܚܘ ܠܡܵܪܝܵܐ ܒܕܸܚܠ̱ܬ̣ܵܐ.

²⁴ܘܐܘܼܚܕ̇ܘܼܢܵܝܗܝ ܒܲܪܬܹܝܬ̣ܵܐ.

²⁵ܢܲܫܸܩܘ ܒܪܵܐ ܕܠܵܐ ܢܸܪܓܲܙ.

²⁶ܘܬܹܐܒ̣ܕ̇ܘܼܢ ܡ̣ܢ ܐܘܼܪܚܹܗ.

²⁷ܡܸܛܠ ܕܥܲܕ݂ ܩܲܠܝܼܠ ܝܵܩܹ̇ܕ݂ ܪܘܼܓ̣ܙܹܗ.

²⁸ܘܛܘܼܒܲܝܗܘܿܢ ܠܟ̣ܠ ܕܲܬ̣ܟ̣ܝܼܠܝܼܢ ܥܠܵܘܗܝ܀