Read Aramaic Peshita Psalms 20 Bible Online

Psalms 20 - Aramaic Peshita bible

Psalms 20

¹ܢܸܥܢܹܝܟ݂ ܡܵܪܝܵܐ ܒܝܲܘܡܵܐ ܕܐܘܼܠܨܵܢܵܐ.

²ܘܲܢܥܲܕ̇ܪܵܟ݂ ܫܡܹܗ ܕܐܲܠܵܗܹܗ ܕܝܲܥܩܘܿܒ̣.

³ܢܫܲܕܲܪ ܠܵܟ݂ ܥܘܼܕ݂ܪܵܢܵܐ ܡ̣ܢ ܡܲܩܕܫܹܗ.

⁴ܘܡ̣ܢ ܨܸܗܝܘܿܢ ܢܣܲܝܥܵܟ݂.

⁵ܢܸܬ̇ܕ̇ܟܲܪ ܠܵܟ݂ ܡܵܪܝܵܐ ܟܠܗܘܿܢ ܩܘܼܪ̈ܒܵܢܲܝܟ.

⁶ܘܝܲܩܕܲܝ̈ܟ ܗܘ̤ ܢܲܕ݂ܗܸܢ.

⁷ܢܸܬܸܠ ܠܵܟ݂ ܡܵܪܝܵܐ ܐܲܝܟ݂ ܠܸܒܵܟ݂.

⁸ܘܐܲܝܟ݂ ܟܠܵܗ̇ ܬܲܪܥܝܼܬ̣ܵܟ݂ ܢܫܲܡܠܸܐ.

⁹ܘܲܢܫܲܒܲܚ ܒܦܘܼܪܩܵܢܵܟ݂.

¹⁰ܘܒܲܫܡܹܗ ܕܐܲܠܵܗܲܢ ܢܸܬ̇ܬ̇ܪܝܼܡ.

¹¹ܢܸܥܒܸ̇ܕ݂ ܡܵܪܝܵܐ ܟܠܹܗ ܨܸܒ̣ܝܵܢܵܟ݂.

¹²ܡܸܟܹܝܠ ܝܑܼܕ݂ܝܼܥܵܐ ܗ̄ܝ̣ ܕܲܦܪܲܩ ܐܲܠܵܗܵܐ ܠܲܡܫܝܼܚܹܗ.

¹³ܘܲܥܢܵܝܗܝ ܡ̣ܢ ܫܡܲܝܵܐ ܕܩܘܼܕ݂ܫܹܗ.

¹⁴ܒܚܲܝܠܵܐ ܕܦܘܼܪܩܵܢܵܐ ܕܝܲܡܝܼܢܹܗ.

¹⁵ܗܵܠܹܝܢ ܒܡܲܪ̈ܟܒ̣ܵܬ̣ܵܐ ܘܗܵܠܹܝܢ ܒܪ̈ܲܟ̣ܫܵܐ.

¹⁶ܘܲܚܢܲܢ ܒܲܫܡܹܗ ܕܡܵܪܝܵܐ ܐܲܠܵܗܲܢ ܢܸܥܫܲܢ.

¹⁷ܗܸܢܘܿܢ ܒܪܲܟ̣ܘ ܘܲܢܦ݂ܲܠܘ.

¹⁸ܘܲܚܢܲܢ ܩܵܡ̄ܢ ܘܐܸܬ̇ܛܲܝܲܒ̣ܢ.

¹⁹ܡܵܪܝܵܐ ܢܸܦܪܩܲܢ ܘܡܲܠܟܲܢ.

²⁰ܢܸܥܢܹܝܢ ܒܝܲܘܡܵܐ ܕܢܸܩܪܹܝܘܗܝ.