Read Aramaic Peshita Psalms 21 Bible Online

Psalms 21 - Aramaic Peshita bible

Psalms 21

¹ܡܵܪܝܵܐ ܒܚܲܝܠܵܟ݂ ܢܸܚܕܸ̇ܐ ܡܲܠܟܵܐ.

²ܘܲܒ̣ܦܘܼܪܩܵܢܵܟ݂ ܢܕ݂ܘܼܨ ܪܲܘܪܒ̣ܵܐܝܼܬ̣.

³ܪܸܓ̇ܬ̣ܵܐ ܕܠܸܒܹܗ ܝܲܗ̄ܒ̣ܬ̇ ܠܹܗ.

⁴ܘܛܘܼܝܵܒ̣ܵܐ ܕܣܸܦ̈ܘܵܬܹܗ ܠܵܐ ܟܠܲܝܬܵܝܗܝ.

⁵ܡܸܛܠ ܕܩܲܕܸܡܬܵܝܗܝ ܒܘܼܪܟܬ̣ܵܐ ܛܵܒ̣ܬ̣ܵܐ.

⁶ܘܣܵܡܬ̇ ܒܪܸܫܹܗ ܟܠܝܼܠܵܐ ܡܫܲܒܚܵܐ.

⁷ܚܲܝܹ̈ܐ ܫܲܐܠܵܟ݂ ܘܝܲܗ̄ܒ̣ܬ̇ ܠܹܗ.

⁸ܢܘܼܓ̣ܪܵܐ ܕܝܲܘ̈ܡܵܬ̣ܵܐ ܠܥܵܠܲܡ ܥܵܠܡܝܼܢ.

⁹ܝܑܼܪܸܒ̣ ܫܘܼܒ̣ܚܹܗ ܒܦܘܼܪܩܵܢܵܟ݂.

¹⁰ܫܘܼܒ̣ܚܵܐ ܘܙܝܼܘܵܐ ܣܵܡܬ̇ ܥܠܵܘܗܝ.

¹¹ܡܸܛܠ ܕܲܥܒܲܕ̇ܬܵܝܗܝ ܒܘܼܪܟܬ̣ܵܐ ܠܥܵܠܲܡ ܥܵܠܡܝܼܢ.

¹²ܘܚܲܕ̇ܝܼܬܵܝܗܝ ܒܚܲܕ݂ܘܼܬܹܗ ܕܦܲܪܨܘܿܦܵܟ݂.

¹³ܡܸܛܠ ܕܡܲܠܟܵܐ ܡܣܲܒܲܪ ܒܡܵܪܝܵܐ.

¹⁴ܒܛܲܝܒܘܼܬܹܗ ܕܲܡܪܲܝܡܵܐ ܠܵܐ ܢܸܬ̇ܬ̇ܙܝܼܥ.

¹⁵ܬܸܫܟܲܚ ܐܝܼܕ݂ܵܟ݂ ܠܟ̣ܠܗܘܿܢ ܒܥܸܠܕܒ̣ܵܒܲܝ̈ܟ.

¹⁶ܘܝܲܡܝܼܢܵܟ݂ ܬܸܫܟܲܚ ܠܣܵܢܐܲܝ̈ܟ.

¹⁷ܬܸܥܒܲܕ݂ ܐܸܢܘܿܢ ܐܲܝܟ݂ ܬܲܢܘܼܪܵܐ ܕܢܘܼܪܵܐ ܠܙܲܒ̣ܢܵܐ ܕܪܘܼܓ̣ܙܵܐ.

¹⁸ܡܵܪܝܵܐ ܒܪܘܼܓ̣ܙܹܗ ܢܲܘܩܸܕ݂ ܐܸܢܘܿܢ.

¹⁹ܘܬܹܐܟ̣ܘܿܠ ܐܸܢܘܿܢ ܢܘܼܪܵܐ.

²⁰ܘܦܹܐܪ̈ܲܝܗܘܿܢ ܡ̣ܢ ܐܲܪܥܵܐ ܬܲܘܒܸ̇ܕ݂

²¹ܘܙܲܪܥ̱ܗܘܿܢ ܡ̣ܢ ܒܢܲܝ̈ܢܵܫܵܐ.

²²ܡܸܛܠ ܕܲܨܠܵܘ ܥܠܲܝܟ ܒܝܼܫܬܵܐ.

²³ܐܸܬ̣ܚܲܫܲܒ̣ܘ ܬܲܪܥܝܼܬ̣ܵܐ ܘܠܵܐ ܐܸܬ̣ܡܨܝܼܘ ܚܲܝܠܵܐ.

²⁴ܬܣܝܼܡ ܒܗܘܿܢ ܟܘܼܬ̣ܡܵܐ.

²⁵ܘܛܘܼܝܵܒ̣ܵܟ݂ ܬܲܬ̣ܩܸܢ ܥܲܠ ܦܲܪ̈ܨܘܿܦܲܝܗܘܿܢ.

²⁶ܐܸܬ̇ܬ̇ܪܝܼܡ ܡܵܪܝܵܐ ܒܥܘܼܫܢܵܟ݂.

²⁷ܢܸܙܡܲܪ ܘܲܢܫܲܒܲܚ ܓܲܢ̄ܒܵܪܘܼܬ̣ܵܟ݂.