Read Aramaic Peshita Psalms 22 Bible Online

Psalms 22 - Aramaic Peshita bible

Psalms 22

¹ܐܲܠܵܗܝ ܐܲܠܵܗܝ ܠܡܵܢܵܐ ܫܒܲܩܬܵܢܝ.

²ܘܐܲܪܚܸܩܬ̇ ܡܹܢܝ ܦܘܼܪܩܵܢܝ ܒܡܸܠܹ̈ܐ ܕܣܲܟ̣̈ܠ̱ܘܵܬ̣ܝ.

³ܐܲܠܵܗܝ ܐܸܩܪܹܝܟ݂ ܒܐܝܼܡܵܡܵܐ ܘܠܵܐ ܬܸܥܢܹܝܢܝ.

⁴ܘܲܒ̣ܠܸܠܝܵܐ ܘܠܵܐ ܬܟܲܬܲܪ ܠܝܼ.

⁵ܐܲܢ̄ܬ ܩܲܕܝܼܫ ܘܝܵܬܹܒ̣ ܒܫܘܼܒ̣ܚܵܟ݂ ܝܑܼܣܪܵܝܹܠ.

⁶ܒܵܟ݂ ܣܲܒܲܪܘ ܐܲܒ̣ܵܗܲܝ̈.

⁷ܣܲܒܲܪܘ ܒܵܟ݂ ܘܦܲܨܝܼܬ̇ ܐܹܢܘܿܢ.

⁸ܠܘܵܬ̣ܵܟ݂ ܓܥܵܘ ܘܐܸܬ̣ܦܲܨܝܼܘ.

⁹ܒܵܟ݂ ܣܲܒܲܪܘ ܘܠܵܐ ܒܗܸܬ̣ܘ.

¹⁰ܐܸܢܵܐ ܬܲܘܠ̱ܥܵܐ ܐ̄ܢܵܐ ܘܠܵܐ ܒܲܪܢܵܫܵܐ.

¹¹ܚܸܣܕܵܐ ܕܲܒ̣ܢܲܝ̈ܢܵܫܵܐ ܘܣܘܼܠܐܵܢܹܗ ܕܥܲܡܵܐ.

¹²ܟܠ ܕܲܚܙܵܐܘܼܢܝ ܡܲܝܸܩܘ ܒܝܼ.

¹³ܐܲܦܛܲܪܘ ܒܣܸܦ̈ܘܵܬ̣ܗܘܿܢ ܘܐܲܢܝܼܕ݂ܘ ܒܪܹ̈ܫܲܝܗܘܿܢ.

¹⁴ܐܸܬ̇ܬ̇ܟܸܠ ܥܲܠ ܡܵܪܝܵܐ ܢܦܲܨܹܝܘܗܝ.

¹⁵ܘܲܢܦܲܠܛܝܼܘܗܝ ܐܸܢ ܨܵܒܹܐ ܒܹܗ.

¹⁶ܡܸܛܠ ܕܐܲܢܬ̇ܘܼ ܬܘܼܟ̣ܠܵܢܝ ܡ̣ܢ ܡܲܪܒ̇ܥܵܐ.

¹⁷ܘܣܲܒ̣ܪ̱ܝܼ ܡ̣ܢ ܬܕܹܝ̈ܗ̇ ܕܐܹܡܝ.

¹⁸ܥܠܲܝܟ ܐܸܫܬ̇ܕ̇ܝܼܬ̣ ܡ̣ܢ ܡܲܪܒܥܵܐ.

¹⁹ܘܡ̣ܢ ܟܲܪܣܵܗ̇ ܕܐܹܡܝ ܐܲܠܵܗܝ ܐܲܢ̄ܬ ܠܵܐ ܬܲܪܚܸܩ ܡܹܢܝ.

²⁰ܡܸܛܠ ܕܐܘܼܠܨܵܢܵܐ ܩܪܸܒ̣ ܘܠܲܝܬ̇ ܕܲܡܥܲܕܲܪ.

²¹ܐܸܬ̣ܟܲܪܟܘܼܢܝ ܬܲܘܪܹ̈ܐ ܣܲܓܝܼ̈ܐܹܐ.

²²ܘܐܲܪ̈ܘܵܢܹܐ ܕܒܲܝܫܵܢ ܚܲܕ݂ܪܘܼܢܝ.

²³ܘܲܦܬܲܚ݂ܘ ܥܠܲܝ ܦܘܼܡܗܘܿܢ.

²⁴ܐܲܝܟ݂ ܐܲܪܝܵܐ ܕܢܵܗܹ݁ܡ ܘܚܵܛܹ݁ܦ.

²⁵ܘܐܲܝܟ݂ ܡܲܝ̈ܵܐ ܐܸܬ̣ܐܲܫܕܹ̇ܬ̣.

²⁶ܘܐܸܬ̣ܒܲܕܲܪܘ ܟܠܗܘܿܢ ܓܲܪ̈ܡܲܝ.

²⁷ܘܲܗ̤ܘܵܐ ܠܹܒ̇ܝ ܐܲܝܟ݂ ܫܥܘܿܬ̣ܵܐ.

²⁸ܘܐܸܬ̣ܡܣܝܼܘ ܒܓ̣ܵܘܝ ܡܥܲܝ̈.

²⁹ܘܝܼܒܸܫ ܐܲܝܟ݂ ܚܸܨܦܵܐ ܕܦܲܚܵܪܵܐ ܚܲܝܠ̱ܝ.

³⁰ܘܠܸܫܵܢܝ ܕܒܸܩ ܠܲܫܡܲܝ̈ ܚܹܟ̇ܝ.

³¹ܘܥܲܠ ܥܲܦܪܵܐ ܕܡܲܘܬܵܐ ܫܕܲܝܬܵܢܝ.

³²ܡܸܛܠ ܕܚܲܕ݂ܪܘܼܢܝ ܟܲܠ̈ܒܹ̇ܐ.

³³ܘܲܟ̣ܢܘܼܫܝܵܐ ܕܒ̣ܝܼܫܹ̈ܐ ܟܲܪܟ̣ܘܼܢܝ.

³⁴ܒܲܙܲܥ݂ܘ ܐܝܼ̈ܕܲܝ ܘܪܸ̈ܓ̣ܠܲܝ.

³⁵ܘܐܲܝܠܸܠ̣ܘ ܟܠܗܘܿܢ ܓܲܪ̈ܡܲܝ.

³⁶ܗܸܢܘܿܢ ܚܵܪ݂ܘ ܘܲܚ݂ܙܵܘ ܒܝܼ.

³⁷ܘܦܲܠܸܓ̣ܘ ܢܲܚ̈ܬܲܝ ܒܲܝܢܵܬ̣ܗܘܿܢ.

³⁸ܘܥܲܠ ܠܒ̣ܘܼܫܝ ܐܲܪܡ݂ܝܼܘ ܦܸܣܵܐ.

³⁹ܘܐܲܢ̄ܬ ܡܵܪܝܵܐ ܠܵܐ ܬܲܪܚܸܩ ܡܹܢܝ.ܦܵܣܘܿܩܵܐ.

⁴⁰(1) ܐܹܝܠ ܐܹܝܠ ܠܥܘܼܕ݂ܪܵܢܝ ܟܲܬܲܪ.

⁴¹(2) ܘܦܲܨܵܗ̇ ܡ̣ܢ ܚܲܪܒܵܐ ܠܢܲܦ̮ܫܝ.

⁴²(3) ܘܡ̣ܢ ܐܝܼܕ݂ܵܐ ܕܟܲܠ̈ܒܹܐ ܝܑܼܚܝܼܕ݂ܘܼܬ̣ܝ.

⁴³(4) ܦܪܘܿܩܲܝܢܝ ܡ̣ܢ ܦܘܼܡܹܗ ܕܐܲܪܝܵܐ.

⁴⁴(5) ܘܡ̣ܢ ܩܲܪܢܵܐ ܪܵܡܬ̣ܵܐ ܡܘܼܟܵܟ̣ܝ.

⁴⁵(6) ܕܐܹܣܲܒܲܪ ܫܡܵܟ݂ ܠܐܲܚܲܝ̈.

⁴⁶(7) ܘܲܒ̣ܓ̣ܵܘ ܟܢܘܼܫܬܵܐ ܐܹܫܲܒܚܵܟ݂.

⁴⁷(8) ܕܵܚܠܵܘ̈ܗܝ ܕܡܵܪܝܵܐ ܫܲܒ̇ܚܘܼܗܝ.

⁴⁸(9) ܘܟ̣ܠܹܗ ܙܲܪܥܹܗ ܕܝܲܥܩܘܿܒ̣ ܐܲܘܩܪܘܼܗܝ.

⁴⁹(10) ܘܲܕ݂ܚܲܠܘ ܡܸܢܹܗ ܟܠܹܗ ܙܲܪܥܹܗ ܕܝܼܣܪܵܝܹܠ.

⁵⁰(11) ܡܸܛܠ ܕܠܵܐ ܫܵܛ݂ ܘܠܵܐ ܐܲܣܠ݂ܝܼ ܓܥܵܬܹܗ ܕܡܸܣܟܹܢܵܐ.

⁵¹(12) ܘܠܵܐ ܐܲܗܦܸܟ݂ ܐܲܦܵܘ̈ܗܝ ܡܸܢܹܗ.

⁵²(13) ܟܲܕ݂ ܓܥ݂ܵܐ ܠܘܵܬܹܗ ܫܲܡܥܹܗ.

⁵³(14) ܡ̣ܢ ܩܕ݂ܵܡܲܝܟ ܗ̄ܝ̣ ܬܸܫܒ̇ܘܿܚܬ̇ܝ ܒܥܹܕ̄ܬܵܐ ܪܲܒ̇ܬ̣ܵܐ.

⁵⁴(15) ܢܸܕ݂ܪ̈ܲܝ ܐܹܫܲܠܸܡ ܩܕ݂ܵܡ ܕܵܚܠܵܘ̈ܗܝ.

⁵⁵(16) ܢܹܐܟ̣ܠܘܼܢ ܡܸܣܟܹܢܹ̈ܐ ܘܢܸܣܒ̇ܥܘܼܢ.

⁵⁶(17) ܘܲܢܫܲܒܚܘܼܢ ܠܡܵܪܝܵܐ ܐܲܝܠܹܝܢ ܕܒ̣ܵܥܹܝܢ ܠܹܗ.

⁵⁷(18) ܘܢܸܚܸܐ ܠܸܒ̇ܗܘܿܢ ܠܥܵܠܡܝܼܢ.

⁵⁸(19) ܢܸܬ̇ܕܲܟ̣ܪܘܼܢ ܘܢܸܬ̣ܦܢܘܿܢ ܠܘܵܬ̣ ܡܵܪܝܵܐ ܟܠܗܘܿܢ ܥܸܒ̣ܪܹ̈ܝܗ ܕܐܲܪܥܵܐ.

⁵⁹(20) ܘܲܩܕ݂ܵܡܵܘܗܝ ܢܸܣ̈ܓܕ݂ܵܢ ܟܠܗܹܝܢ ܫܲܪ̈ܒ̣ܵܬ̣ܵܐ ܕܥܲܡܡܹ̈ܐ.

⁶⁰(21) ܡܸܛܠ ܕܲܕ݂ܡܵܪܝܵܐ ܗ̄ܝ̣ ܡܲܠܟܘܼܬ̣ܵܐ.

⁶¹(22) ܘܗܘ̤ܝܘܼ ܫܲܠܝܼܛ ܥܲܠ ܥܲܡܡܹ̈ܐ.

⁶²(23) ܢܹܐܟ̣ܠܘܼܢ ܘܢܸܣܓ̇ܕ݂ܘܼܢ ܩܕ݂ܵܡ ܡܵܪܝܵܐ ܟܠܗܘܿܢ ܟܲܦܢܹ̈ܝܗ̇ ܕܐܲܪܥܵܐ.

⁶³(24) ܘܲܩܕ݂ܵܡܵܘܗܝ ܢܸܒ̣ܪܟ̣ܘܼܢ ܟܠ ܢܵܚܬܲܝ̈ ܥܲܦܪܵܐ.

⁶⁴(25) ܢܲܦ̮ܫܝ ܠܹܗܘ̣ ܚܲܝܵܐ.

⁶⁵(26) ܙܲܪܥܵܐ ܕܢܸܦܠ̱ܚܝܼܘܗܝ ܢܣܲܒܲܪ ܕܵܪܹܗ ܠܡܵܪܝܵܐ.

⁶⁶(27) ܢܹܐܬ̣ܘܿܢ ܘܲܢܚܵܘܘܿܢ ܙܲܕܝܼܩܘܼܬܹܗ.

⁶⁷(28) ܠܥܲܡܵܐ ܕܡܸܬ̣ܝܼܠܸܕ݂ ܕܥܵܒܹܕ݂ ܡܵܪܝܵܐ.