Read Aramaic Peshita Psalms 24 Bible Online

Psalms 24 - Aramaic Peshita bible

Psalms 24

¹ܕܡܵܪܝܵܐ ܗ̄ܝ̣ ܐܲܪܥܵܐ ܒܲܡܠܹܐܵܗ̇.

²ܬܹܒܹܝܠ ܘܟ̣ܠܗܘܿܢ ܥܵܡܘܿܪܹ̈ܝܗ̇.

³ܡܸܛܠ ܕܗܘ̤ ܒܝܲܡܵܐ ܣܵܡ ܫܲܬ̣ܐܸܣܹ̈ܝܗ̇.

⁴ܘܲܒ̣ܢܲܗܪ̈ܵܘܵܬ̣ܵܐ ܐܲܬ̣ܩܢܵܗ̇.

⁵ܡܲܢ̣ܘܼ ܢܸܣܲܩ ܠܛܘܼܪܹܗ ܕܡܵܪܝܵܐ.

⁶ܘܡܲܢ̣ܘܼ ܢܩܘܼܡ ܒܛܘܼܪܹܗ ܩܲܕܝܼܫܵܐ.

⁷ܐܲܝܢܵܐ ܕܕܲܟ̣̈ܝܵܢ ܐܝܼܕ݂ܵܘ̈ܗܝ ܘܲܓ̣ܒܸܐ ܒܠܸܒܹܗ.

⁸ܘܠܵܐ ܝܵܡܹܐ ܒܢܲܦ̮ܫܹܗ ܒܕܲܓܵܠܘܼܬ̣ܵܐ ܘܠܵܐ ܝܵܡܹܐ ܒܢܸܟ̣ܠܵܐ.

⁹ܗܵܢܵܐ ܢܩܲܒܸ̇ܠ ܒܘܼܪܟܬ̣ܵܐ ܡ̣ܢ ܡܵܪܝܵܐ.

¹⁰ܘܙܲܕܝܼܩܘܼܬ̣ܵܐ ܡ̣ܢ ܐܲܠܵܗܵܐ ܦܵܪܘܩܲܢ.

¹¹ܗܵܢܵܘ ܕܵܪܵܐ ܕܒ̣ܵܥܹܐ ܘܲܡܣܲܒܲܪ.

¹²ܠܦܲܪܨܘܿܦܵܐ ܕܐܲܦܲܝ̈ܟ ܐܲܠܵܗܹܗ ܕܝܲܥܩܘܿܒ̣.

¹³ܐܲܪܝܼܡܘ ܬܲܪ̈ܥܹܐ ܪܹ̈ܫܲܝܟܘܿܢ.

¹⁴ܐܸܬ̇ܬ̇ܪܝܼܡܘ ܬܲܪ̈ܥܹܐ ܕܡ̣ܢ ܥܵܠܲܡ.

¹⁵ܕܢܸܥܘܿܠ ܡܲܠܟܵܐ ܕܐܝܼܩܵܪܹ̈ܐ.

¹⁶ܡܲܢ̣ܘܼ ܗܵܢܵܐ ܡܲܠܟܵܐ ܕܐܝܼܩܵܪܹ̈ܐ.

¹⁷ܡܵܪܝܵܐ ܥܲܫܝܼܢܵܐ ܘܓܲܢ̄ܒܵܪܵܐ.

¹⁸ܡܵܪܝܵܐ ܓܲܢ̄ܒܵܪܵܐ ܘܲܩܪܲܒ̣ܬ̣ܵܢܵܐ.

¹⁹ܐܲܪܝܼܡܘ ܬܲܪ̈ܥܹܐ ܪܹ̈ܫܲܝܟ̇ܘܿܢ.

²⁰ܐܸܬ̇ܬ̇ܪܝܼܡܘ ܬܲܪ̈ܥܹܐ ܕܡ̣ܢ ܥܵܠܲܡ.

²¹ܕܢܸܥܘܿܠ ܡܲܠܟܵܐ ܕܐܝܼܩܵܪܹ̈ܐ.

²²ܡܲܢ̣ܘܼ ܗܵܢܵܐ ܡܲܠܟܵܐ ܕܐܝܼܩܵܪܹ̈ܐ.

²³ܡܵܪܝܵܐ ܚܲܝܠ̱ܬ̣ܵܢܵܐ.

²⁴ܗܘ̤ܝܘܼ ܡܲܠܟܵܐ ܡܝܲܩܪܵܐ ܠܥܵܠܲܡ.