Read Aramaic Peshita Psalms 25 Bible Online

Psalms 25 - Aramaic Peshita bible

Psalms 25

¹ܠܘܵܬ̣ܵܟ݂ ܡܵܪܝܵܐ ܢܲܦ̮ܫܝ ܐܲܪܝܼܡܹܬ̣.

²ܐܲܠܵܗܝ ܒܵܟ݂ ܣܲܒ̇ܪܹܬ̣ ܠܵܐ ܐܸܒ̣ܗܲܬ̣.

³ܠܵܐ ܢܸܫܬܲܒ̣ܗ̱ܪܘܼܢ ܥܠܲܝ ܒܥܸܠܕ̇ܒ̣ܵܒܲܝ̈.

⁴ܘܐܵܦ ܟܠ ܕܲܡܣܲܒ̇ܪܝܼܢ ܒܵܟ݂ ܠܵܐ ܢܸܒ̣ܗ̱ܬ̣ܘܼܢ.

⁵ܢܸܒ̣ܗ̱ܬ̣ܘܼܢ ܥܲܘܵܠܹ̈ܐ ܒܲܣܪܝܼܩܘܼܬ̣ܗܘܿܢ.

⁶ܐܘܼܪ̈ܚܵܬ̣ܵܟ݂ ܡܵܪܝܵܐ ܚܲܘܵܢܝ.

⁷ܘܲܫܒ̣ܝܼ̈ܠܲܝܟ ܐܲܘܕܲܥܲܝܢܝ.

⁸ܕܲܒܲܪܲܝܢܝ ܒܩܘܼܫܬܵܟ݂ ܘܐܲܠܸܦܲܝܢܝ.

⁹ܡܸܛܠ ܕܐܲܢ̄ܬܘܼ ܐܲܠܵܗܝ ܘܦܵܪܘܿܩܝ.

¹⁰ܘܠܵܟ݂ ܣܲܟ̇ܝܼܬ̣ ܒܟ̣ܠܝܘܿܡ.

¹¹ܐܸܬܕܲܟ̣ܪ ܡܵܪܝܵܐ ܪ̈ܲܚܡܲܝܟ ܕܡ̣ܢ ܥܵܠܲܡ ܘܛܲܝ̈ܒܘܵܬ̣ܵܟ݂.

¹²ܘܣܲܟ̣̈ܠܘܵܬ̣ܵܐ ܕܛܲܠܝܘܼܬ̣ܝ ܠܵܐ ܬܸܬ̇ܕ̇ܟܲܪ ܠܝܼ.

¹³ܐܸܠܵܐ ܐܲܝܟ݂ ܣܘܿܓ̣ܐܵܐ ܕܪ̈ܲܚܡܲܝܟ ܐܸܬ̇ܕܲܟ̣ܪܲܝܢܝ.

¹⁴ܡܸܛܠ ܛܲܝܒ̇ܘܼܬ̣ܵܟ݂ ܐܲܠܵܗܵܐ.

¹⁵ܛܵܒ̣ܘܼ ܘܲܬ̣ܪܝܼܨ ܡܵܪܝܵܐ.

¹⁶ܡܸܛܠ ܗܵܢܵܐ ܬܵܪܹܨ ܠܚܲܛܵܝܹ̈ܐ ܒܐܘܼܪܚܵܐ.

¹⁷ܘܲܡܕܲܒܲܪ ܠܡܲܟ̇ܝܼܟܹ̈ܐ ܒܕ݂ܝܼܢܵܐ.

¹⁸ܘܡܲܠܸܦ ܠܡܸܣܟܹܢܹ̈ܐ ܐܘܼܪܚܹܗ.

¹⁹ܟܠܗܹܝܢ ܐܘܼܪ̈ܚܵܬܹܗ ܕܡܵܪܝܵܐ ܛܲܝܒ̇ܘܼܬ̣ܵܐ ܘܩܘܼܫܬܵܐ.

²⁰ܠܐܲܝܠܹܝܢ ܕܢܵܛ݁ܪܝܼܢ ܩܝܵܡܹܗ ܘܣܵܗܕܘܼܬܹܗ.

²¹ܡܸܛܠ ܫܡܵܟ݂ ܡܵܪܝܵܐ ܚܲܣܵܢܝ ܡ̣ܢ ܥܲܘܠܝ ܕܪܲܒ̇ܘܼ.

²²ܡܲܢ̣ܘܼ ܓܲܒ̣ܪܵܐ ܕܕ݂ܵܚܹܠ ܡ̣ܢ ܡܵܪܝܵܐ.

²³ܘܢܲܠܦܝܼܘܗܝ ܐܘܼܪܚܵܐ ܕܲܓ̣ܒ̣ܵܐ.

²⁴ܘܢܲܦ̮ܫܹܗ ܬܒ̣ܘܼܬ̣ ܒܛܲܝܒ̇ܘܼܬ̣ܵܐ. ܘܙܲܪܥܹܗ ܢܹܐܪܲܬ̣ ܐܲܪܥܵܐ. ܬܲܪܥܝܼܬܹܗ ܕܡܵܪܝܵܐ ܥܲܠ ܕܵܚܠܵܘ̈ܗܝ. ܘܲܩܝܵܡܹܗ ܐܲܘܕܲܥ ܐܸܢܘܿܢ. ܥܲܝ̈ܢܲܝ ܒܟ̣ܠܙܒܲܢ ܠܘܵܬ̣ ܡܵܪܝܵܐ. ܡܸܛܠ ܕܗܘ̤ ܡܲܦܸܩ ܡ̣ܢ ܡܨܝܼܕ̇ܬܵܐ ܪܸ̈ܓ̣ܠܲܝ. ܐܸܬ̣ܦܲܢ ܥܠܲܝ ܘܪܲܚܸܡܥܠܲܝ.

²⁵ܡܸܛܠ ܕܝܼܚܝܼܕ݂ܵܝܵܐ ܐ̄ܢܵܐ ܘܒ̣ܵܝܫܵܐ.

²⁶ܥܵܩܵܬܹ̈ܗ ܕܠܹܒ̇ܝ ܣܓ̣ܝܼ ܘܡ̣ܢ ܥܵܩܵܬ̣̈ܝ ܐܲܦܸܩܲܝܢܝ.

²⁷ܚܙܝܼ ܫܘܼܥܒܵܕ݂ܝ ܘܥܲܡܠ̱ܝ ܘܲܫܒ̣ܘܿܩ ܠܝܼ ܟܠܵܗ̇ ܚܛܝܼܬ̣ܝ.

²⁸ܘܲܚܙܝܼ ܕܲܣܓ̣ܝܼܘ ܒܥܸܠܕܒ̣ܵܒܲܝ̈.

²⁹ܘܣܸܢܐ̱ܬ̣ܵܐ ܕܥܲܘܠܵܐ ܣܢܵܐܘܼܢܝ.

³⁰ܛܲܪ ܢܲܦ̮ܫܝ ܘܦܲܨܵܢܝ ܡܸܛܠ ܕܒ̣ܵܟ݂ ܣܲܒ̇ܪܹܬ̣.

³¹ܬܲܡܝܼܡܹ̈ܐ ܘܲܬ̣ܪ̈ܝܼܨܹܐ ܢܩܸܦܘ ܠܝܼ.

³²ܡܸܛܠ ܕܠܵܟ݂ ܣܲܟ̇ܝܼܬ̣.

³³ܦܪ݂ܲܩ ܐܲܠܵܗܵܐ ܠܝܼܣܪܵܝܹܠ ܡ̣ܢ ܟܠܗܘܿܢ ܐܵܠܘܿܨܵܘ̈ܗܝ.