Read Aramaic Peshita Psalms 26 Bible Online

Psalms 26 - Aramaic Peshita bible

Psalms 26

¹ܕܘܼܢ ܠܝܼ ܡܵܪܝܵܐ ܡܸܛܠ ܕܐܸܢܵܐ ܒܬܲܡܝܼܡܘܼܬ̣ܝ ܗܲܠܟܹܬ̣.

²ܒܡܵܪܝܵܐ ܣܲܒ̇ܪܹܬ̣ ܠܵܐ ܐܹܙܘܼܥ.

³ܒܚܘܿܪܲܝܢܝ ܡܵܪܝܵܐ ܘܢܲܣܵܢܝ.

⁴ܘܲܒ̣ܩܝܼ ܟܘܿܠ̈ܝܵܬ̣ܝ ܘܠܹܒ̇ܝ.

⁵ܡܸܛܠ ܕܪ̈ܲܚܡܲܝܟ ܠܘܼܩܒܲܠ ܥܲܝ̈ܢܲܝ.

⁶ܗܲܠܟܹܬ̣ ܒܗܲܝܡܵܢܘܼܬ̣ܵܐ.

⁷ܘܠܵܐ ܝܸܬ̣ܒܹ̇ܬ̣ ܥܲܡ ܒܝܼܫܹ̈ܐ.

⁸ܘܥܲܡ ܫܵܛܲܝ̈ܵܐ ܠܵܐ ܥܸܠܹܬ̣.

⁹ܣܢܹܝܬ̣ ܟܢܘܼܫܬܵܐ ܕܒ̣ܝܼܫܹ̈ܐ.

¹⁰ܘܥܲܡ ܪ̈ܲܫܝܼܥܹܐ ܠܵܐ ܝܸܬ̣ܒܹ̇ܬ̣.

¹¹ܐܲܫܝܼܓܹܬ̣ ܕܲܟ̣ܝܵܐܝܼܬ̣ ܐܝܼ̈ܕܲܝ.

¹²ܘܐܸܬ̣ܟܲܪܟܹ̇ܬ̣ ܠܡܲܕ݂ܒ̇ܚܵܟ݂ ܡܵܪܝܵܐ.

¹³ܕܐܲܫܡܲܥ ܩܵܠܹܗ ܕܫܘܼܒ̣ܚܵܟ݂.

¹⁴ܘܐܸܫܬܲܥܸܐ ܟܠܗܹܝܢ ܬܸܕ݂ܡܪ̈ܵܬ̣ܵܟ݂.

¹⁵ܡܵܪܝܵܐ ܪܸܚܡܹ݁ܬ̣ ܬܸܫܡܸܫܬܹܗ ܕܒܲܝܬܵܟ݂.

¹⁶ܘܐܲܬ̣ܪܵܐ ܕܡܲܫܪ̱ܝܹܗ ܕܫܘܼܒ̣ܚܵܟ݂.

¹⁷ܠܵܐ ܬܲܘܒܸ̇ܕܲܝܢܝ ܥܲܡ ܚܲܛܵܝܹ̈ܐ.

¹⁸ܘܥܲܡ ܓܲܒ̣ܪܹ̈ܐ ܕܲܕ݂ܡܵܐ ܚܲܝܲܝ̈.

¹⁹ܕܒ̣ܐܝܼܕ݂ܗܘܿܢ ܢܸܟ̣ܠܵܐ ܘܝܲܡܝܼܢܗܘܿܢ ܡܲܠܝܵܐ ܫܘܼܚܕܵܐ.

²⁰ܐܸܢܵܐ ܕܹܝܢ ܒܬܲܡܝܼܡܘܼܬ̣ܝ ܗܲܠܟܹܬ̣.

²¹ܦܪܘܿܩܲܝܢܝ ܘܪܲܚܸܡܥܠܲܝ.

²²ܪܸܓ̣ܠ̱ܝ ܩܵܡܲܬ̤ ܒܲܬ̣ܪܝܼܨܘܼܬ̣ܵܐ.

²³ܘܲܒ̣ܥܹܕ̄ܬܵܐ ܐܹܒܲܪܸܟ݂ ܠܡܵܪܝܵܐ.