Read Aramaic Peshita Psalms 3 Bible Online

Psalms 3 - Aramaic Peshita bible

Psalms 3

¹ܡܵܪܝܵܐ ܡܵܐ ܣ̣ܓ̣ܝܼܘ ܐܵܠܘܿܨܲܝ̈.

²ܣܲܓ̇ܝܼ̈ܐܹܐ ܕܩܵܡ̣ܘ ܥܠܲܝ.

³ܘܣܲܓ̇ܝܼ̈ܐܹܐ ܕܐܵܡ̇ܪܝܼܢ ܠܵܗ̇ ܠܢܲܦ̮ܫܝ.

⁴ܠܲܝܬ̇ ܠܹܟ̣ܝ ܦܘܼܪܩܵܢܵܐ ܒܐܲܠܵܗܹܟ̣ܝ.

⁵ܘܐܲܢ̄ܬ̇ ܡܵܪܝܵܐ ܡܣܲܝܥܵܢܝ ܘܐܝܼܩܵܪܝ.

⁶ܘܲܡܪܲܡܪܡܵܢܹܗ ܕܪܹܫܝ.

⁷ܒܩܵܠܝ ܠܡܵܪܝܵܐ ܩ݁ܪܹܝܬ̣.

⁸ܘܲܥܢܵܢܝ ܡ̣ܢ ܛܘܼܪܹܗ ܩܲܕ̇ܝܼܫܵܐ.

⁹ܐܸܢܵܐ ܫܸܟ̣݁ܒܹ̇ܬ̣ ܘܕܸܡ̇ܟܹ̇ܬ̣ ܘܐܸܬ̇ܬ̇ܥܝܼܪܹܬ̣.

¹⁰ܡܸܛܠ ܕܡܵܪܝܵܐ ܣܲܡܟܲܢܝ.

¹¹ܠܵܐ ܐܸܕ݂ܚܲܠ ܡ̣ܢ ܪܸ̈ܒ̇ܘܵܬܹܗ ܕܥܲܡܵܐ.

¹²ܕܚܲܕ݂ܪܘܼܢܝ ܘܣܵܡ̣ܘ ܥܠܲܝ.

¹³ܩܘܼܡ ܡܵܪܝܵܐ ܐܲܠܵܗܝ ܘܲܦܪܘܿܩܲܝܢܝ.

¹⁴ܡܸܛܠ ܕܐܲܢ̄ܬ̇ ܡ̣ܚܲܝܬ̇ ܠܟ̣ܠܗܘܿܢ ܒܥܸܠܕ̇ܒ̣ܵܒܲܝ̈ ܥܲܠ ܦܲܟܲܝ̈ܗܘܿܢ.

¹⁵ܘܫܸܢܹ̈ܐ ܕܪ̈ܲܫܝܼܥܹܐ ܬܲܒܲܪܬ̇.

¹⁶ܕܡܵܪܝܵܐ ܗ̄ܘ̣ ܦܘܼܪܩܵܢܵܐ.

¹⁷ܘܥܲܠ ܥܲܡܵܟ݂ ܒܘܼܪܟ̇ܬ̣ܵܟ݂ ܠܥܵܠܲܡ܀