Read Aramaic Peshita Psalms 30 Bible Online

Psalms 30 - Aramaic Peshita bible

Psalms 30

¹ܐܹܪܲܡܪ̱ܡܵܟ݂ ܡܵܪܝܵܐ ܕܐܲܪܝܼܡܬܵܢܝ.

²ܘܠܵܐ ܚܲܕ̇ܝܼܬ̇ ܒܝܼ ܠܲܒ̣ܥܸܠܕܒ̣ܵܒܲܝ̈.

³ܡܵܪܝܵܐ ܐܲܠܵܗܝ ܒܥܹܝܬ̣ ܡܸܢܵܟ݂ ܘܐܲܣܝܼܬܵܢܝ.

⁴ܘܐܲܣܸܩܬ̇ ܡ̣ܢ ܫܝܘܿܠ ܠܢܲܦ̮ܫܝ.

⁵ܘܐܲܚܝܼܬܵܢܝ ܡ̣ܢ ܢܵܚܬܲܝ̈ ܓܘܼܒܵܐ.

⁶ܙܡܲܪܘ ܠܡܵܪܝܵܐ ܓܒ̣ܵܘ̈ܗܝ ܘܐܲܘܕܵܘ ܠܕ݂ܘܼܟ̣ܪܵܢܵܐ ܕܩܘܼܕ݂ܫܹܗ.

⁷ܡܸܛܠ ܕܲܟ̣ܐܵܬ̣ܵܐ ܒܪܘܼܓ̣ܙܹܗ ܘܚܲܝܹ̈ܐ ܒܨܸܒ̣ܝܵܢܹܗ.

⁸ܒܪܲܡܫܵܐ ܬܒ̣ܘܼܬ̣ ܒܟ̣ܵܬ̣ܵܐ ܘܲܒ̣ܨܲܦܪܵܐ ܚܲܕ݂ܘܼܬ̣ܵܐ.

⁹ܐܸܢܵܐ ܐܸܡܪܹܬ̣ ܒܫܲܠܝܘܼܬ̣ܝ ܕܠܵܐ ܐܹܙܘܼܥ ܠܥܵܠܲܡ.

¹⁰ܐܲܠܵܗܵܐ ܒܨܸܒ̣ܝܵܢܵܟ݂ ܐܲܩܝܼܡܬ̇ ܥܲܠ ܫܘܼܒ̣ܚܝ ܚܲܝܠܵܐ.

¹¹ܘܐܲܗܦܸܟ̣ܬ̇ ܐܲܦܲܝ̈ܟ ܘܙܵܥܹ̇ܬ̣.

¹²ܩܪܹܝܬ̣ܵܟ݂ ܡܵܪܝܵܐ ܘܡܸܢܵܟ݂ ܡܵܪܝ ܒܥܹܝ݁ܬ̣.

¹³ܡܵܢܵܐ ܝܘܼܬ̣ܪܵܢܵܐ ܐܝܼܬ̣ ܒܕܹܡܝ ܕܐܸܚܘܿܬ̣ ܠܲܚܒ̣ܵܠܵܐ.

¹⁴ܠܵܐ ܡܲܘܕܸܐ ܠܵܟ݂ ܥܲܦܪܵܐ ܘܠܵܐ ܡܚܲܘܸܐ ܗܲܝܡܵܢܘܼܬ̣ܵܟ݂.

¹⁵ܫܡܲܥ ܐܲܠܵܗܵܐ ܘܪܲܚܸܡܥܠܲܝ.

¹⁶ܡܵܪܝܵܐ ܗܘ̤ܝܼ ܠܝܼ ܥܵܕ݂ܘܿܪܵܐ.

¹⁷ܕܐܲܗܦܸܟ̣ܬ̇ ܡܲܪ̈ܩܕ݂ܵܬ̣ܝ ܠܚܲܕ݂ܘܼܬ̣ܵܐ.

¹⁸ܫܪܲܝܬ̇ ܣܲܩܝ ܘܐܲܟ̣ܒܸܢܬܵܢܝ ܚܲܕ݂ܘܼܬ̣ܵܐ.

¹⁹ܡܸܛܠ ܗܵܢܵܐ ܐܸܙܡܲܪ ܠܵܟ݂ ܫܘܼܒ̣ܚܵܐ ܘܠܵܐ ܐܸܫܬ̇ܘܿܩ.

²⁰ܡܵܪܝܵܐ ܐܲܠܵܗܝ ܠܥܵܠܲܡ ܐܲܘܕܸܐ ܠܵܟ݂.