Read Aramaic Peshita Psalms 32 Bible Online

Psalms 32 - Aramaic Peshita bible

Psalms 32

¹ܛܘܼܒ̣ܵܘܗܝ ܠܡܲܢ ܕܐܸܫܬ̇ܒܸܩ ܠܹܗ ܥܲܘܠܹܗ.

²ܘܐܸܬ̣ܟܲܣܝܼܘ ܠܹܗ ܚܛܵܗܵܘ̈ܗܝ.

³ܛܘܼܒ̣ܵܘܗܝ ܠܒܲܪܢܵܫܵܐ ܕܠܵܐ ܢܸܚܫܘܿܒ̣ ܠܹܗ ܡܵܪܝܵܐ ܚܛܝܼܬܹܗ.

⁴ܘܠܲܝܬ̇ ܢܸܟ̣ܠܵܐ ܒܠܸܒܹܗ.

⁵ܡܸܛܠ ܕܫܸܬ̣ܩܹ݁ܬ̣ ܒܠܝܼܘ ܓܲܪ̈ܡܲܝ.

⁶ܟܲܕ݂ ܢܵܗܹܡ ܗ̄ܘܹܝܬ̣ ܝܲܘܡܵܐ ܟܠܹܗ.

⁷ܡܸܛܠ ܕܠܸܠܝܵܐ ܘܐܝܼܡܵܡܵܐ ܝܸܩܪܲܬ̤ ܥܠܲܝ ܐܝܼܕ݂ܵܟ݂.

⁸ܘܐܸܬ̣ܗܦܸܟ݂ ܒܚܲܕ݂ܝܝ ܟܹܐܒ̣ܵܐ ܠܡܸܩܛܠܲܢܝ.

⁹ܚܛܵܗܲܝ̈ ܐܲܘܕܲܥܬܵܟ݂ ܘܣܲܟ̣̈ܠܘܵܬ̣ܝ ܠܵܐ ܟܲܣܝܼ݁ܬ̣ ܡܸܢܵܟ݂.

¹⁰ܐܸܡ݁ܪܹܬ̣ ܕܐܲܘܕܸܐ ܠܡܵܪܝܵܐ ܥܲܠ ܣܲܟ̣̈ܠ̱ܘܵܬ̣ܝ.

¹¹ܘܐܲܢ̄ܬ̇ ܫܵܒܹܩ ܐܲܢ̄ܬ̇ ܠܝܼ ܟܠܗܘܿܢ ܚܛܵܗܲܝ̈.

¹²ܡܸܛܠ ܗܵܢܵܐ ܢܨܲܠܸܐ ܠܵܟ݂ ܟܠܡܲܢ ܕܲܓ̣ܒܸܐ ܠܵܟ݂ ܒܙܲܒ̣ܢܵܐ ܡܩܲܒ̇ܠܵܐ.

¹³ܚܹܐܦܵܐ ܕܹܝܢ ܕܡܲܝ̈ܵܐ ܣܲܓܝܼ̈ܐܹܐ.

¹⁴ܠܘܵܬܹܗ ܠܵܐ ܢܸܬ̣ܩܲܪܒ̣ܘܼܢ.

¹⁵ܐܲܢ̄ܬ̇ ܣܲܬܲܪܲܝܢܝ ܘܡ̣ܢ ܒܥܸܠܕܒ̣ܵܒܲܝ̈ ܢܲܛܲܪܲܝܢܝ.

¹⁶ܫܘܼܒ̣ܚܵܐ ܘܦܘܼܪܩܵܢܵܐ ܐܲܟ̣ܪܸܟܲܝܢܝ ܕܐܸܣܬܲܟ̇ܠܵܟ݂.

¹⁷ܘܐܲܘܕ̇ܥܵܟ݂ ܐܘܼܪܚܵܐ ܕܬܹܐܙܲܠ ܒܵܗ̇ ܘܐܹܣܝܼܡ ܥܲܝܢ̱ܝ ܥܠܲܝܟ.

¹⁸ܠܵܐ ܬܸܗܘܘܿܢ ܐܲܝܟ݂ ܣܘܼܣܝܵܐ ܘܐܲܝܟ݂ ܟܘܼܕܲܢܝܵܐ ܕܠܵܐ ܚܲܟ̇ܝܼܡܝܼܢ.

¹⁹ܕܒܲܦܓ̣ܘܼܕ̇ܬܵܐ ܡܟܲܒ̇ܫܝܼܢ ܠܗܘܿܢ ܡ̣ܢ ܛܲܠܝܘܼܬ̣ܗܘܿܢ.

²⁰ܘܠܵܐ ܩܵܪܒ̇ܝܼܢ ܠܘܵܬܹܗ.

²¹ܣܲܓ̇ܝܼܐܝܼܢ ܟܹܐܒ̣ܵܘ̈ܗܝ ܕܥܲܘܵܠܵܐ.

²²ܘܐܲܝܢܵܐ ܕܲܡܣܲܒܲܪ ܒܡܵܪܝܵܐ ܛܲܝܒ̇ܘܼܬ̣ܵܐ ܬܸܚܕ̇ܪܝܼܘܗܝ.

²³ܚܕ݂ܵܘ ܙܲܕܝܼܩܹ̈ܐ ܘܐܸܬ̣ܒܲܣܲܡܘ ܒܡܵܪܝܵܐ.

²⁴ܘܫܲܒ̇ܚܘܼܗܝ ܟܠ ܬܪ̈ܝܼܨܲܝ ܠܸܒܵܐ.