Read Aramaic Peshita Psalms 35 Bible Online

Psalms 35 - Aramaic Peshita bible

Psalms 35

¹ܕܘܼܢ ܡܵܪܝܵܐ ܕܝܼܢܝ ܘܐܸܬ̣ܟܲܬܲܫ ܥܲܡ ܐܲܝܠܹܝܢ ܕܡܸܬ̣ܟܲܬ̇ܫܝܼܢ ܥܲܡܝ.

²ܐܲܚܘܿܕ݂ ܙܲܝܢܵܐ ܘܣܲܟ̇ܪܵܐ ܘܩܘܼܡ ܒܥܘܼܕ݂ܪܵܢܝ.

³ܫܡܘܿܛ ܣܲܦ̮ܣܹܪܵܐ ܘܐܲܒ̣ܪܸܩ ܠܘܼܩܒܲܠ ܪ̈ܵܕ݂ܘܿܦܲܝ.

⁴ܘܐܸܡܲܪ ܠܢܲܦ̮ܫܝ ܕܐܸܢܵܐ ܗ̄ܘ̣ ܦܵܪܘܿܩܹܟ̣ܝ.

⁵ܢܸܒ̣ܗ̱ܬ̣ܘܼܢ ܘܢܸܚܦܪܘܼܢ ܐܲܝܠܹܝܢ ܕܒ̣ܵܥܹܝܢ ܠܢܲܦ̮ܫܝ.

⁶ܢܸܗܦܟ̣ܘܼܢ ܠܒܸܣܬܲܪܗܘܿܢ ܘܢܸܚܦܪܘܼܢ.

⁷ܐܲܝܠܹܝܢ ܕܐܸܬ̣ܚܲܫܲܒ̣ܘ ܥܠܲܝ ܒܝܼܫܬܵܐ.

⁸ܢܸܗܘܘܿܢ ܐܲܝܟ݂ ܕܲܚܝܼܚܵܐ ܩܕ݂ܵܡ ܪܘܼܚܵܐ.

⁹ܘܡܲܠܲܐܟܹܗ ܕܡܵܪܝܵܐ ܢܸܪܕ̇ܘܿܦ ܐܸܢܘܿܢ.

¹⁰ܬܸܚܫܲܟ݂ ܐܘܼܪܚܗܘܿܢ ܘܢܸܗ̱ܘ̈ܝܵܢ ܒܵܗ̇ ܡܲܫܪ̈ܘܿܥܝܵܬ̣ܵܐ.

¹¹ܘܡܲܠܲܐܟܹܗ ܕܐܲܠܵܗܵܐ ܢܸܪܕ̇ܘܿܦ ܐܸܢܘܿܢ.

¹²ܥܲܠ ܕܲܛܡܲܪܘ ܠܝܼ ܦܲܚܹ̈ܐ.

¹³ܘܲܡܨܝܼܕ̇ܬܵܐ ܦܪܲܣܘ ܠܢܲܦ̮ܫܝ.

¹⁴ܬܹܐܬܸܐ ܥܠܲܝܗܘܿܢ ܒܝܼܫܬܵܐ ܡ̣ܢ ܫܸܠܝܵܐ.

¹⁵ܘܲܡܨܝܼܕ̇ܬܵܐ ܕܲܛܡܲܪܘ ܬܹܐܚܘܿܕ݂ ܐܸܢܘܿܢ.

¹⁶ܘܓ̣ܘܼܡܵܨܵܐ ܕܲܚܦܲܪܘ ܢܸܦܠܘܼܢ ܒܹܗ.

¹⁷ܢܲܦ̮ܫܝ ܕܹܝܢ ܬܸܪܘܲܙ ܒܐܲܠܵܗܵܐ.

¹⁸ܘܬܸܬ̣ܒܲܣܲܡ ܒܦܘܼܪܩܵܢܹܗ.

¹⁹ܘܟ̣ܠܗܘܿܢ ܓܲܪ̈ܡܲܝ ܢܹܐܡܪܘܼܢ.

²⁰ܡܵܪܝܵܐ ܡܲܢ̣ܘܼ ܐܲܟ̣ܘܵܬ̣ܵܟ݂.

²¹ܕܲܡܦܲܨܸܐ ܐܲܢ̄ܬ̇ ܠܒ̣ܵܝܫܵܐ ܡ̣ܢ ܒܥܸܠܕܒ̣ܵܒܹܗ.

²²ܘܲܠܡܸܣܟܹܢܵܐ ܘܲܠܒ̣ܝܼܫܵܐ ܡ̣ܢ ܡܲܢ ܕܚܵܛܹܦ ܠܹܗ ܒܲܩܛܝܼܪܵܐ.

²³ܩܵܡ݂ܘ ܣܵܗ̈ܕܹܐ ܕܥܲܘܠܵܐ.

²⁴ܘܡܸܕܸ̇ܡ ܕܠܵܐ ܝܵܕܲܥ ܗ̄ܘܹ̇ܝܬ̣ ܫܲܐܠܘܼܢܝ.

²⁵ܦܲܪܥܘܼܢܝ ܒܝܼܫܬܵܐ ܚܠܵܦ ܛܵܒ̣ܬ̣ܵܐ.

²⁶ܘܐܲܘܒܸܕ݂ܘ ܢܲܦ̮ܫܝ ܡ̣ܢ ܒܢܲܝ̈ܢܵܫܵܐ.

²⁷ܘܐܸܢܵܐ ܒܲܟ̣ܪܝܼܗܘܿܬ̣ܗܘܿܢ ܠܸܒ̣ܫܹ̇ܬ̣ ܣܲܩܵܐ.

²⁸ܘܡܲܟ̇ܟܹܬ̣ ܢܲܦ̮ܫܝ ܒܨܲܘܡܵܐ.

²⁹ܘܲܨܠܘܿܬ̣ܝ ܠܥܘܼܒ̇ܝ ܗܸܦܟܲܬ̤.

³⁰ܐܲܝܟ݂ ܪܵܚܡܵܐ ܘܐܲܝܟ݂ ܐܲܚܵܐ ܡܗܲܠܸܟ݂ ܗ̄ܘܹ̇ܝܬ̣.

³¹ܘܐܲܝܟ݂ ܗܵܘ̇ ܕܝܵܬܹܒ̣ ܒܐܸܒ̣ܠܵܐ ܐܸܬܕ̇ܘܝܼܬ̣.

³²ܒܚܲܫܝ ܐܸܬ̣ܟܲܢܲܫܘ ܘܲܚܕ݂ܝܼܘ ܠܝܼ.

³³ܐܸܬ̣ܟܲܢܲܫܘ ܥܠܲܝ ܢܘܼܓ̣ܪܵܐ ܘܠܵܐ ܝܸܕ݂ܥܹ̇ܬ̣.

³⁴ܒܫܘܼܒ̣ܗܵܪܗܘܿܢ ܘܲܒ̣ܒ̣ܘܼܙܵܚܗܘܿܢ ܚܲܪܸܩܘ ܥܠܲܝ ܫܸܢܲܝ̈ܗܘܿܢ.ܦܵܣܘܿܩܵܐ.

³⁵(1) ܡܵܪܝ ܟܲܕ̇ܘܼ ܚܙܹܝ݁ܬ̣.

³⁶(2) ܐܲܗܦܸܟ݂ ܢܲܦ̮ܫܝ ܡ̣ܢ ܫܓ̣ܘܼܫܝܼܗܘܿܢ.

³⁷(3) ܘܡ̣ܢ ܐܲܪ̈ܝܵܘܵܬ̣ܵܐ ܝܑܼܚܝܼܕ݂ܘܼܬ̣ܝ.

³⁸(4) ܐܲܘܕܸ̇ܐ ܠܵܟ݂ ܒܥܹܕ̄ܬܵܐ ܪܲܒ̇ܬ̣ܵܐ.

³⁹(5) ܘܲܒ̣ܥܲܡܡܹ̈ܐ ܣܲܓܝܼ̈ܐܹܐ ܐܹܙܲܡܲܪ ܠܵܟ݂.

⁴⁰(6) ܠܵܐ ܢܸܚܕ̇ܘܿܢ ܠܝܼ ܒܥܸܠܕܒ̣ܵܒܲܝ̈.

⁴¹(7) ܘܫܲܩܵܪܹ̈ܐ ܕܣܵܢܹܝܢ ܠܝܼ ܡܲܓܵܢ.

⁴²(8) ܕܲܡܪܲܡܙܝܼܢ ܒܥܲܝܢܲܝ̈ܗܘܿܢ ܘܲܫܠܵܡܵܐ ܠܵܐ ܐܵܡ̇ܪܝܼܢ.

⁴³(9) ܘܥܲܠ ܡܲܟ̇ܝܼܟ̣ܵܐ ܒܐܲܪܥܵܐ ܢܸܟ̣ܠܵܐ ܡܸܬ̣ܚܲܫܒ̣ܝܼܢ.

⁴⁴(10) ܦܬܲܚܘ ܥܠܲܝ ܦܘܼܡܗܘܿܢ ܘܐܸܡܲܪܘ.

⁴⁵(11) ܐܹܗܹܐ ܐܹܗܹܐ ܚܙܵܬ̤ ܒܹܗ ܥܲܝܢܲܢ.

⁴⁶(12) ܚܙܲܝܬ̇ ܐܲܠܵܗܵܐ ܠܵܐ ܬܸܫܬ̇ܘܿܩ ܡܵܪܝ ܘܠܵܐ ܬܲܪܚܸܩ ܡܹܢܝ.

⁴⁷(13) ܐܸܬ̇ܬ̇ܥܝܼܪ ܠܕ݂ܝܼܢܝ ܐܲܠܵܗܝ ܘܡܵܪܝ ܘܲܚܙܝܼ ܥܘܼܠܒܵܢܝ.

⁴⁸(14) ܕܘܼܢ ܠܝܼ ܐܲܝܟ݂ ܙܲܕܝܼܩܘܼܬ̣ܵܟ݂ ܡܵܪܝܵܐ.

⁴⁹(15) ܕܠܵܐ ܢܸܚܕ̇ܘܿܢ ܠܝܼ ܘܠܵܐ ܢܹܐܡܪܘܼܢ ܒܠܸܒܗܘܿܢ.

⁵⁰(16) ܕܐܸܬ̇ܬ̇ܢܝܼܚܲܬ̤ ܢܲܦ̮ܫܲܢ ܘܛܲܒܲܥܢܵܝܗܝ.

⁵¹(17) ܢܸܒ̣ܗ̱ܬ̣ܘܼܢ ܘܢܸܚܦܪܘܼܢ ܐܲܟ̣ܚ̄ܕ݂ܵܐ ܐܲܝܠܹܝܢ ܕܨܵܒܹܝ݁ܢ ܠܒ̣ܝܼܫܬܝ.

⁵²(18) ܘܐܲܝܠܹܝܢ ܕܡܸܬ̣ܪܲܘܪ̱ܒ̣ܝܢ ܥܠܲܝ ܢܸܠܒ̇ܫܘܼܢ ܒܸܗܬ̇ܬ̣ܵܐ.

⁵³(19) ܢܫܲܒ̇ܚܘܼܢ ܘܢܸܚܕ̇ܘܿܢ ܐܲܝܠܹܝܢ ܕܨܵܒܹ݁ܝܢ ܠܙܵܟ̣ܘܼܬ̣ܝ.

⁵⁴(20) ܘܢܹܐܡܪܘܼܢ ܒܟ̣ܠܙܒܲܢ ܕܪܲܒ̇ܘܼ ܡܵܪܝܵܐ.

⁵⁵(21) ܕܲܨܒ̣ܵܐ ܒܲܫܠܵܡܵܐ ܕܥܲܒ̣ܕܹܗ.

⁵⁶(22) ܠܸܫܵܢܝ ܢܲܘܕܸܐ ܒܙܲܕܝܼܩܘܼܬ̣ܵܟ݂.

⁵⁷(23) ܘܟ̣ܠܹܗ ܝܲܘܡܵܐ ܒܬܸܫ̈ܒ̇ܚܵܬ̣ܵܟ݂.