Read Aramaic Peshita Psalms 36 Bible Online

Psalms 36 - Aramaic Peshita bible

Psalms 36

¹ܡܸܬ̣ܚܲܫܲܒ̣ ܥܲܘܵܠܵܐ ܪܘܼܫܥܵܐ ܒܠܸܒܹܗ.

²ܡܸܛܠ ܕܠܲܝܬ̇ ܕܸܚܠܬܹܗ ܕܐܲܠܵܗܵܐ ܠܘܼܩܒܲܠ ܥܲܝܢܵܘ̈ܗܝ.

³ܡܸܛܠ ܕܣܲܢܝܵܐ ܗ̄ܝ̣ ܒܥܲܝܢܵܘ̈ܗܝ ܕܢܸܫܒ̇ܘܿܩ ܚܛܵܗܵܘ̈ܗܝ ܘܢܸܣܢܸܐ ܐܸܢܘܿܢ.

⁴ܦܸܬ̣ܓ̣ܵܡܵܐ ܕܦܘܼܡܹܗ ܟܹܐܒ̣ܵܐ ܘܢܸܟ̣ܠܵܐ.

⁵ܘܠܵܐ ܨܵܒܹ݁ܐ ܠܡܸܥܒܲܕ݂ ܛܵܒ̣ܬ̣ܵܐ.

⁶ܟܹܐܒ̣ܵܐ ܡܸܬ̣ܚܲܫܲܒ̣ ܥܲܠ ܡܲܫܟ̇ܒܹܗ.

⁷ܘܲܡܗܲܠܸܟ ܒܐܘܼܪܚܵܐ ܐܲܝܕܵܐ ܕܠܵܐ ܫܲܦܝܼܪܵܐ ܕܢܲܒ̣ܐܸܫ.

⁸ܡܵܪܝܵܐ ܒܲܫܡܲܝܵܐ ܪ̈ܲܚܡܲܝܟ.

⁹ܘܗܲܝܡܵܢܘܼܬ̣ܵܟ݂ ܥܕܲܡܵܐ ܠܲܫܡܲܝ̈ ܫܡܲܝܵܐ.

¹⁰ܘܙܲܕܝܼܩܘܼܬ̣ܵܟ݂ ܐܲܝܟ݂ ܛܘܼܪܹܗ ܕܐܲܠܵܗܵܐ.

¹¹ܘܕ݂ܝ̈ܢܲܝܟ ܐܲܝܟ݂ ܬܗܘܿܡܵܐ ܪܲܒܵܐ.

¹²ܒܢܲܝ̈ܢܵܫܵܐ ܘܲܒ̣ܥܝܼܪܵܐ ܦܵܪܹܩ ܐܲܢ̄ܬ̇ ܡܵܪܝܵܐ.

¹³ܡܵܐ ܣܲܓܝܼܐܝܼܢ ܪ̈ܲܚܡܲܝܟ ܐܲܠܵܗܵܐ.

¹⁴ܘܲܒ̣ܢܲܝ̈ܢܵܫܵܐ ܒܛܸܠܵܠܵܐ ܕܟܸܢܦܲܝ̈ܟ ܢܸܬ̣ܟܲܣܘܿܢ.

¹⁵ܘܢܸܪܘܘܿܢ ܡ̣ܢ ܫܘܼܡܢܹܗ ܕܒܲܝܬܵܟ݂.

¹⁶ܘܡ̣ܢ ܢܲܚܠܵܟ݂ ܒܲܣܝܼܡܵܐ ܬܲܫܩܸܐ ܐܸܢܘܿܢ.

¹⁷ܡܸܛܠ ܕܡܲܒ̇ܘܼܥܵܐ ܕܚܲܝܹ̈ܐ ܥܲܡܵܟ݂ ܗ̄ܘ̣.

¹⁸ܘܲܒ̣ܢܘܼܗܪܵܟ݂ ܗ̄ܘ̣ ܚܵܙܹܝ݁ܢܲܢ ܢܘܼܗܪܵܐ.

¹⁹ܛܲܪ ܪ̈ܲܚܡܲܝܟ ܠܩܲܪ̈ܝܼܒܲܝܟ.

²⁰ܘܙܲܕܝܼܩܘܼܬ̣ܵܟ݂ ܠܲܬ̣ܪ̈ܝܼܨܲܝ ܠܸܒܵܐ.

²¹ܠܵܐ ܬܲܝܬܸ̇ܐ ܥܠܲܝܢ ܪܸܓ̣ܠܵܐ ܥܲܫܝܼܢܬܵܐ.

²²ܘܐܝܼܕ݂ܗܘܿܢ ܕܪ̈ܲܫܝܼܥܹܐ ܠܵܐ ܬܙܝܼܥܲܢ.

²³ܡܸܛܠ ܕܬܲܡܵܢ ܢܵܦܠܝܼܢ ܟܠ ܥܵܒ̣̈ܕܲܝ̈ ܫܘܼܩܪܵܐ.

²⁴ܘܡܸܣܬܲܚܦܝܼܢ ܘܠܵܐ ܡܸܫܟ̇ܚܝܼܢ ܠܲܡܩܵܡ.