Read Aramaic Peshita Psalms 39 Bible Online

Psalms 39 - Aramaic Peshita bible

Psalms 39

¹ܐܸܡ݁ܪܹܬ̣ ܕܐܸܛܲܪ ܐܘܼܪܚܝ ܘܠܵܐ ܐܸܚܛܸܐ ܒܠܸܫܵܢܝ.

²ܐܸܛܲܪ ܦܘܼܡܝ ܡ̣ܢ ܥܲܘܠܵܐ ܡܸܛܠ ܪ̈ܲܫܝܼܥܹܐ ܕܠܘܼܩܒܲܠܝ.

³ܚܸܪܫܹ݁ܬ̣ ܘܐܸܬ̣ܟܲܡܪܹܬ̣ ܘܐܸܬ̇ܕܘܝܼܬ̣ ܡ̣ܢ ܛܵܒ̣ܬ̣ܵܐ ܘܟܹܐܒ̣ܝ ܐܸܬ̣ܚܲܕܲܬ̣.

⁴ܚܲܡ݂ ܠܹܒܝ ܒܓ̣ܵܘܝ ܘܲܒ̣ܓ̣ܘܼܫܡܝ ܐܸܚܕܲܬ̤ ܢܘܼܪܵܐ.

⁵ܪܢܹܝ݁ܬ̣ ܒܠܸܫܵܢܝ ܘܚܲܘܝܲܢܝ ܡܵܪܝܵܐ ܚܲܪܬ̣ܝ.

⁶ܘܲܡܫܘܼܚܬ̣ܵܐ ܕܝܲܘ̈ܡܲܝ ܡܵܢܲܐ ܗ̄ܝ̣.

⁷ܕܐܸܕܲܥ ܠܡܵܢܵܐ ܦܵܐܹܫ ܐܢܵܐ.

⁸ܕܗܵܐ ܒܲܡܫܘܼܚܬ̣ܵܐ ܝܲܗ̄ܒ̣ܬ̇ ܝܲܘ̈ܡܲܝ.

⁹ܘܦܲܘܫܝ ܐܲܝܟ݂ ܠܵܐ ܡܸܕܸܡ ܗ̄ܘ̣ ܩܕ݂ܵܡܲܝܟ.

¹⁰ܡܸܛܠ ܕܟ̣ܠܗܘܿܢ ܒܢܲܝ̈ܢܵܫܵܐ ܐܲܝܟ݂ ܠܲܗܓܵܐ ܐܸܢܘܿܢ ܩܵܝܡ݁ܝܼܢ.

¹¹ܡܸܛܠ ܕܲܒ̣ܨܲܠܡܵܐ ܡܗܲܠܸܟ݂ ܓܲܒ̣ܪܵܐ ܘܐܲܝܟ݂ ܠܲܗܓܵܐ ܚܵܡܹܐ݁.

¹²ܣܵܐܹܡ݁ ܣܝܼ̈ܡܵܬ̣ܵܐ ܘܠܵܐ ܝܵܕܲ݁ܥ ܡܲܢ̣ܘܼ ܚܵܡܹܠ݁ ܠܗܹܝܢ.

¹³ܡܸܟܹܝܠ ܡܲܢ̣ܘܼ ܣܲܒ̣ܪ̱ܝ ܐܸܠܵܐ ܐܸܢ ܐܲܢ̄ܬ̇ ܡܵܪܝܵܐ.

¹⁴ܡ̣ܢ ܟܠܗܹܝܢ ܣܲܟ̣̈ܠܘܵܬ̣ܝ ܦܲܨܵܢܝ.

¹⁵ܚܸܣܕܵܐ ܠܥܲܘܵܠܹ̈ܐ ܠܵܐ ܬܹܥܒ̇ܕܲܢܝ.

¹⁶ܚܸܪܫܹ݁ܬ̣ ܘܠܵܐ ܦܸܬ̣ܚܹ݁ܬ̣ ܦܘܼܡܝ ܡܸܛܠ ܕܐܲܢ̄ܬ̇ ܥܒܲܕ̇ܬ̇.

¹⁷ܐܲܥܒܲܪ ܡܹܢܝ ܢܸܓ̣ܕܵܟ݂ ܘܡܹܢܝ ܡܚܘܿܬ̣ܵܐ ܕܐܝܼ̈ܕܲܝܟ.

¹⁸ܓܸܡ݁ܪܹܬ̣ ܒܡܲܟ̇ܣܵܢܘܼܬ̣ܵܐ ܕܥܲܠ ܐܲܦܲܝ̈ ܚܛܵܗܲܝ̈.

¹⁹ܪܕܲܝܬ݂̇ ܓܲܒ̣ܪܵܐ ܘܐܲܥܒܲܪܬ̇ ܐܲܝܟ݂ ܚܲܒ̇ܬ̣ܵܐ ܪ̈ܓ̣ܝܼܓ̣ܵܬܹܗ.

²⁰ܘܐܲܝܟ݂ ܠܲܗܓܵܐ ܐܸܢܘܿܢ ܟܠܗܘܿܢ ܒܢܲܝ̈ܢܵܫܵܐ.

²¹ܫܡܲܥ ܡܵܪܝܵܐ ܨܠܘܿܬ̣ܝ ܘܒ̣ܵܥܘܼܬ̣ܝ ܘܨܘܼܬ̣ ܠܕܸܡܥܲܬ̣ܝ.

²²ܘܠܵܐ ܬܸܫܬ̇ܘܿܩ ܡܸܛܠ ܕܥܵܡܘܿܪܵܐ ܐ̄ܢܵܐ ܥܲܡܵܟ݂.

²³ܘܬܲܘܬܵܒ̣ܵܐ ܐܲܝܟ݂ ܟܠܗܘܿܢ ܐܲܒ̣ܵܗܲܝ̈.

²⁴ܦܪܘܿܩܲܝܢܝ ܘܐܸܬ̇ܬ̇ܢܝܼܚ.

²⁵ܥܲܕ݂ܠܵܐ ܐܵܙܹܠ݁ ܐ̄ܢܵܐ ܘܬ̣ܘܼܒ̣ ܠܵܐ ܐܝܼܬܲܝ.