Read Aramaic Peshita Psalms 4 Bible Online

Psalms 4 - Aramaic Peshita bible

Psalms 4

¹ܟܲܕ݂ ܩܪܹܝܬ̣ܵܟ݂ ܥܢܲܝܬܵܢܝ.

²ܐܲܠܵܗܝ ܘܦܵܪܘܿܩܵܐ ܕܙܲܕܝܼܩܘܼܬ̣ܝ.

³ܘܒ̣ܐܘܼܠܨܵܢܲܝ̈ ܐܲܪܘܲܚܬ̇ ܠܝܼ.

⁴ܪܲܚܸܡܥܠܲܝ ܘܲܫܡܲܥ ܨܠܘܿܬ̣ܝ.

⁵ܒܢܲܝ̈ܢܵܫܵܐ ܥܕܲܡܵܐ ܠܐܸܡܲܬ̣.

⁶ܐܝܼܩܵܪܝ ܡܚܲܦܹܝܢ ܐ̄ܢܬ̇ܘܿܢ.

⁷ܘܪܵܚܡ݁ܝܼܬ̇ܘܿܢ ܣܪܝܼܩܘܼܬ̣ܵܐ.

⁸ܘܒ̣ܵܥܹܝ݁ܢ ܐ̄ܢܬ̇ܘܿܢ ܕܲܓܵܠܘܼܬ̣ܵܐ ܠܥܵܠܡܝܼܢ.

⁹ܕܲܥܘ ܕܲܦܼܪܲܫ ܠܹܗ ܡܵܪܝܵܐ ܓܲܒ̣ܝܵܐ ܒܬܸܕ݂ܡܘܿܪܬܵܐ.

¹⁰ܡܵܪܝܵܐ ܢܸܫܡܲܥ ܟܲܕ݂ ܐܸܩܪܹܝܘܗܝ.

¹¹ܪܓܲܙ ܘܠܵܐ ܬܸܚܛܘܿܢ.

¹²ܐܸܡܲܪܘ ܒܠܸܒܲܝ̈ܟ̇ܘܿܢ ܘܥܲܠ ܡܲܫܟ̇ܒܲܝ̈ܟ̇ܘܿܢ ܪܢܵܘ.

¹³ܕܲܒܲܚܘ ܕܸܒ̣ܚܹ̈ܐ ܕܙܲܕܝܼܩܘܼܬ̣ܵܐ ܘܣܲܒܲܪܘ ܒܡܵܪܝܵܐ.

¹⁴ܣܲܓ̇ܝܼ̈ܐܹܐ ܕܐܵܡ̇ܪܝܼܢ ܡܲܢ̣ܘܼ ܢܚܲܘܹܝܢ ܛܵܒ̣ܵܐ.

¹⁵ܘܢܸܦܪܘܿܣ ܥܠܲܝܢ ܢܘܼܗܪܵܐ ܕܦܲܪܨܘܿܦܹܗ.

¹⁶ܡܵܪܝܵܐ ܝܲܗ̄ܒ̣ܬ̇ ܚܲܕ݂ܘܼܬ̣ܵܟ݂ ܒܠܹܒ̇ܝ.

¹⁷ܡ̣ܢ ܙܲܒ̣ܢܹ̈ܐ ܕܲܥܒ̣ܘܼܪܗܘܿܢ ܘܲܕ݂ܚܲܡܪ̱ܗܘܿܢ ܘܲܕ݂ܡܸܫܚܗܘܿܢ.

¹⁸ܣܓ̣ܝܼܘ ܒܲܫܠܵܡܵܐ ܐܲܟ̣ܚ̄ܕ݂ܵܐ.

¹⁹ܘܐܸܢܵܐ ܐܸܫܟܲܒ̣ ܘܐܸܕ݂ܡܲܟ݂.

²⁰ܡܸܛܠ ܕܐܲܢ̄ܬ̇ ܡܵܪܝܵܐ ܒܲܠܚܘܿܕܲܝ ܒܫܸܠܝܵܐ ܬܲܥܡ̱ܪܲܢܝ܀