Read Aramaic Peshita Psalms 43 Bible Online

Psalms 43 - Aramaic Peshita bible

Psalms 43

¹ܕܘܼܢ ܐܲܠܵܗܵܐ ܕܝܼܢܝ ܘܲܬ̣ܒܲܥ ܬܒܲܥܬ̣ܝ.

²ܡ̣ܢ ܥܲܡܵܐ ܕܠܵܐ ܡܪܲܚܡܵܢ.

³ܘܡ̣ܢ ܓܲܒ̣ܪܹ̈ܐ ܥܲܘܵܠܹ̈ܐ ܘܢܲܟܘܼܠܬ̣ܵܢܹ̈ܐ ܦܲܨܵܢܝ.

⁴ܡܸܛܠ ܕܐܲܢ̄ܬܘܼ ܐܲܠܵܗܵܐ ܕܚܲܝܠܝ ܘܲܠܡܵܢܵܐ ܛܥܲܝܬܵܢܝ.

⁵ܘܲܠܡܵܢܵܐ ܡܗܲܠܸܟ݂ ܐ̄ܢܵܐ ܟܡܝܼܪܵܐܝܼܬ̣.

⁶ܒܐܘܼܠܨܵܢܵܐ ܕܲܒ̣ܥܸܠܕܒ̣ܵܒܲܝ̈.

⁷ܫܲܕܲܪ ܢܘܼܗܪܵܟ݂ ܘܗܲܝܡܵܢܘܼܬ̣ܵܟ݂ ܘܲܢܒܲܝܐܘܼܢܵܢܝ.

⁸ܘܢܲܝܬ̇ܘܿܢܵܢܝ ܠܛܘܼܪܵܟ݂ ܩܲܕܝܼܫܵܐ ܘܲܠܡܲܫܟܢܵܟ݂.

⁹ܘܐܹܬܸܐ ܠܘܵܬ̣ ܡܲܕ݂ܒ̇ܚܹܗ ܕܐܲܠܵܗܵܐ.

¹⁰ܘܲܠܘܵܬ̣ ܐܲܠܵܗܵܐ ܕܲܡܚܲܕܸ̇ܐ ܛܲܠܝܘܼܬ̣ܝ.

¹¹ܐܲܘܕܸܐ ܠܵܟ݂ ܒܟܸܢܵܪܵܐ ܐܲܠܵܗܵܐ ܐܲܠܵܗܝ.

¹²ܠܡܵܢܵܐ ܡܸܬܛܲܪܦܲܬ̇ܝ ܢܲܦ̮ܫܝ ܘܲܠܡܵܢܵܐ ܟܲܪܝܵܐ ܠܹܟ̣ܝ.

¹³ܣܲܟܵܝ ܠܐܲܠܵܗܵܐ ܡܸܛܠ ܕܬ̣ܘܼܒ̣ ܐܲܘܕܸܐ ܠܹܗ.

¹⁴ܠܦܵܪܘܿܩܵܐ ܕܐܲܦܲܝ̈ ܘܐܲܠܵܗܝ.