Read Aramaic Peshita Psalms 45 Bible Online

Psalms 45 - Aramaic Peshita bible

Psalms 45

¹ܐܲܒܲܥ ܠܹܒ̇ܝ ܦܸܬ̣ܓ̣ܵܡܹ̈ܐ ܛܵܒܹ̈ܐ.

²ܘܐܹܡܲܪ ܥܒ̣ܵܕܲܝ̈ ܠܡܲܠܟܵܐ.

³ܠܸܫܢܵܝ ܩܲܢܝܹܗ ܕܣܵܦܪܵܐ ܡܗܝܼܪܵܐ.

⁴ܫܲܦܝܼܪ ܒܚܸܙܘܹܗ ܡ̣ܢ ܒܢܲܝ̈ܢܵܫܵܐ.

⁵ܐܸܬ̣ܢܣܸܟ̣ܘ ܪ̈ܲܚܡܹܐ ܥܲܠ ܣܸܦ̈ܘܵܬ̣ܵܟ݂.

⁶ܡܸܛܠ ܗܵܢܵܐ ܒܲܪܟ̣ܵܟ݂ ܐܲܠܵܗܵܐ ܠܥܵܠܲܡ.

⁷ܐܲܪܡܵܐ ܣܲܝܦܵܐ ܒܚܲܨܲܝ̈ܟ ܓܲܢ̄ܒܵܪܵܐ.

⁸ܗܸܕ݂ܪܵܟ݂ ܘܫܘܼܒ̣ܚܵܟ݂ ܘܫܘܼܒ̣ܚܵܟ݂ ܙܵܟܹܐ.

⁹ܪܟܲܒ̣ ܥܲܠ ܡܸܠܬ̣ܵܐ ܕܩܘܼܫܬܵܐ ܘܡܘܼܟܵܟ̣ܵܐ ܕܙܲܕ̇ܝܼܩܘܼܬ̣ܵܐ.

¹⁰ܢܵܡܘܿܣܵܟ݂ ܒܕܸܚܠܬ̣ܵܐ ܕܝܲܡܝܼܢܵܟ݂.

¹¹ܓܹܐܪ̈ܲܝܟ ܫܢܝܼܢܝܼܢ ܘܥܲܡܡܹ̈ܐ ܢܸܦܠܘܼܢ ܬܚܘܿܬܲܝܟ.

¹²ܒܠܸܒܵܐ ܕܲܒ̣ܥܸܠܕ̇ܒ̣ܵܒ̣ܵܘ̈ܗܝ ܕܡܲܠܟܵܐ.

¹³ܟܘܼܪܣܝܵܟ݂ ܐܲܠܵܗܵܐ ܠܥܵܠܲܡ ܥܵܠܡܝܼܢ.

¹⁴ܫܲܒ̣ܛܵܐ ܦܫܝܼܛܵܐ ܫܲܒ̣ܛܵܐ ܕܡܲܠܟ̇ܘܼܬ̣ܵܟ݂.

¹⁵ܪܚܸܡ̣ܬ݁ ܙܲܕ̇ܝܼܩܘܼܬ̣ܵܐ ܘܲܣܼܢܲܝܬ݁ ܥܲܘܠܵܐ.

¹⁶ܡܸܛܠ ܗܵܢܵܐ ܡܲܫܚܵܟ݂ ܐܲܠܵܗܵܐ ܐܲܠܵܗܵܟ݂.

¹⁷ܡܸܫܚܵܐ ܕܚܲܕ݂ܘܼܬ̣ܵܐ ܝܲܬ݁ܝܼܪ ܡ̣ܢ ܚܲܒ̣ܪ̈ܲܝܟ.

¹⁸ܡܘܼܪܵܐ ܘܩܲܣܝܵܐ ܘܐܸܣܛܲܩܛܹ̈ܐ.

¹⁹ܡܒܲܣܡܝܼܢ ܟܠܗܘܿܢ ܠܒ̣ܘܼܫܲܝ̈ܟ.

²⁰ܡ̣ܢ ܗܲܝܟ̇ܠܵܐ ܪܹܫܵܝܵܐ ܡ̣ܢ ܠܘܵܬ̣ܝ ܚܲܕ̇ܝܘܼܟ݂.

²¹ܒܲܪ̄ܬ̣ ܡܲܠܟܵܐ ܒܫܘܼܒ̣ܚܵܐ ܩܵܡܲܬ݀.

²²ܘܡܲܠܟ̇ܬ̣ܵܐ ܡ̣ܢ ܝܲܡܝܼܢܵܟ݂.

²³ܒܲܠܒ̣ܘܼܫܵܐ ܕܕܲܗܒ̣ܵܐ ܕܐܲܘܦܹܝܪ.

²⁴ܫܡܲܥܝ ܒܪܲܬ̣ܝ ܘܲܚܙܵܝ ܘܲܨܠܵܝ ܐܸܕ݂ܢܹܟ̣ܝ.

²⁵ܘܲܛܥܵܝ ܥܲܡܹܟ̣ܝ ܘܒܹܝܬ̣ ܐܲܒ̣ܘܼܟ̣ܝ.

²⁶ܕܢܸܬ̣ܪܲܓ̣ܪܲܓ̣ ܡܲܠܟܵܐ ܠܫܘܼܦܪܹܟ̣ܝ.

²⁷ܡܸܛܠ ܕܗܘ݀ܝܘܼ ܡܵܪܹܟ̣ܝ ܣܓ̣ܘܿܕ݂ܝ ܠܹܗ.

²⁸ܘܒܲܪ̄ܬ̣ ܨܘܿܪ ܬܸܣܓ̇ܘܿܕ݂ ܠܹܗ.

²⁹ܒܩܘܼܖ̈ܒܵܢܹܐ ܐܲܦܲܝ̈ܟ̇ ܢܸܒ̣ܥܘܿܢ ܥܲܬ̇ܝܼܖ̈ܵܘܗܝ ܕܥܲܡܵܐ.

³⁰ܟܠܹܗ ܫܘܼܒ̣ܚܵܗ̇ ܕܒܲܪ̄ܬ̣ ܡܲܠܟܵܐ ܡ̣ܢ ܠܓ̣ܵܘ.

³¹ܘܲܡܨܲܒܲܬ̣ ܠܒ̣ܘܼܫܵܗ̇ ܒܕܲܗܒ̣ܵܐ ܛܵܒ̣ܵܐ.

³²ܒܩܘܼܖ̈ܒܵܢܹܐ ܬܹܐܙܲܠ ܠܡܲܠܟܵܐ.

³³ܘܢܲܘܒ̇ܠܘܼܢ ܒܬ̣ܘܼ̈ܠܵܬ̣ܵܐ ܚܲܒ̣ܖ̈ܵܬ̣ܵܗ̇ ܒܵܬ̣ܪܵܗ̇.

³⁴ܘܢܹ̈ܐܙܵܠ̄ܢ ܒܚܲܕ݂ܘܼܬ̣ܵܐ ܘܲܒ̣ܒܲܣܝܼܡܘܼܬ̣ܵܐ.

³⁵ܘܢܸܥ̈ܠܵܢ ܠܗܲܝܟ̇ܠܹܗ ܕܡܲܠܟܵܐ.

³⁶ܚܠܵܦ ܐܲܒ̣ܵܗܲܝ̈ܟ̇ܝ ܢܸܗܘܘܿܢ ܒܢܲܝ̈ܟ̇ܝ.

³⁷ܥܒܸܕ݂ ܐܸܢܘܿܢ ܫܲܠܝܼܛܹ̈ܐ ܒܟ̣ܠܵܗ̇ ܐܲܪܥܵܐ.

³⁸ܕܢܸܬ̇ܕ̇ܟܲܪ ܫܡܵܟ݂ ܒܟ̣ܠ ܕܵܪ ܘܕ݂ܵܪ.

³⁹ܡܸܛܠ ܗܵܢܵܐ ܢܲܘܕ̇ܘܿܢ ܠܵܟ݂ ܥܲܡܡܹ̈ܐ ܠܥܵܠܲܡ ܥܵܠܡܝܼܢ.