Read Aramaic Peshita Psalms 46 Bible Online

Psalms 46 - Aramaic Peshita bible

Psalms 46

¹ܐܲܠܵܗܲܢ ܒܹܝܬ̣ ܓܲܘܣܲܢ ܥܲܫܝܼܢܵܐ.

²ܘܲܡܥܲܕ̇ܪܵܢܲܢ ܒܙܲܒ̣ܢܹ̈ܐ ܕܐܘܼܠܨܵܢܵܐ.

³ܐܸܫܬ̇ܟܲܚܬ̇ ܠܲܢ ܒܟ̣ܠܙܒܲܢ.

⁴ܡܸܛܠ ܗܵܢܵܐ ܠܵܐ ܕܵܚܠ݁ܝܼܢܲܢ.

⁵ܡܵܐ ܕܙܵܝ݁ܥܵܐ ܐܲܪܥܵܐ ܘܙܵܝ݁ܥܝܼܢ ܛܘܼܖܹ̈ܐ ܒܠܸܒܵܐ ܕܝܲܡܡܹ̈ܐ.

⁶ܢܸܬ̇ܕܲܠܚܘܼܢ ܡܲܝܲܝ̈ܗܘܿܢ ܘܢܸܬ̣ܗܲܦܟ̇ܘܼܢ.

⁷ܘܲܢܙܘܼܥܘܼܢ ܛܘܼܖܹ̈ܐ ܒܥܘܼܫܢܹܗ.

⁸ܬܲܦܹ̈ܐ ܕܢܲܗܖ̈ܵܘܵܬ̣ܵܐ ܢܚܲܕ̇ܘܼܢ ܒܲܡܕ݂ܝܼܢ̄ܬܹ̇ܗ ܕܐܲܠܵܗܲܢ.

⁹ܩܲܕܝܼܫܘܼ ܒܹܝܬ̣ ܡܲܫܪܝܹܗ ܕܲܡܪܲܝܡܵܐ.

¹⁰ܐܲܠܵܗܵܐ ܒܓ̣ܵܘܵܗ̇ ܠܵܐ ܬܙܘܼܥ.

¹¹ܢܥܲܕ̇ܪܝܼܗ̇ ܐܲܠܵܗܵܐ ܒܥܸܕܵܢ ܨܲܦܪܵܐ.

¹²ܐܸܫܬ̇ܓܸܫܘ ܥܲܡܡܹ̈ܐ ܘܙܵܥ݂ ܡܲܠ̈ܟ̇ܘܵܬ̣ܵܐ.

¹³ܐܲܪܝܼܡ ܩܵܠܹܗ ܘܙܵܥܲܬ݀ ܐܲܪܥܵܐ.

¹⁴ܡܵܪܝܵܐ ܚܲܝܠ̱ܬ̣ܵܢܵܐ ܥܲܡܲܢ.

¹⁵ܘܲܡܥܲܕ̇ܪܵܢܲܢ ܐܲܠܵܗܹܗ ܕܝܲܥܩܘܿܒ̣.

¹⁶ܬܵܘ ܚܙܵܘ ܥܒ̣ܵܕ݂ܵܘ̈ܗܝ ܕܐܲܠܵܗܵܐ.

¹⁷ܕܥܵܒܸ݁ܕ݂ ܬܸܕ݂ܡܖ̈ܵܬ̣ܵܐ ܒܐܲܪܥܵܐ.

¹⁸ܘܲܡܒܲܛܸܠ ܩܖ̈ܵܒܹܐ ܡ̣ܢ ܣܲܘ̈ܦܹܝܗ̇ ܕܐܲܪܥܵܐ.

¹⁹ܩܸܫ̈ܬܵܬ̣ܵܐ ܡܬܲܒܲܪ ܘܲܡܬܲܒܲܪ ܢܲܝܙܟܹ̈ܐ.

²⁰ܘܡܲܖ̈ܟ̇ܒ̣ܵܬ̣ܵܐ ܡܲܘܩܸܕ݂ ܒܢܘܼܪܵܐ.

²¹ܐܸܬ̣ܦܢܵܘ ܘܕܲܥܘ ܕܐܸܢܵܐ ܐ̄ܢܵܐ ܐܲܠܵܗܵܐ.

²²ܐܸܬ̇ܬ̇ܪܝܼܡܹ݁ܬ̣ ܒܥܲܡܡܹ̈ܐ ܘܐܸܬ̇ܬ̇ܪܝܼܡܹ݁ܬ̣ ܒܐܲܪܥܵܐ.

²³ܡܵܪܝܵܐ ܚܲܝܠ̱ܬ̣ܵܢܵܐ ܥܲܡܲܢ.

²⁴ܘܲܡܥܲܕ̇ܪܵܢܲܢ ܐܲܠܵܗܹܗ ܕܝܲܥܩܘܿܒ̣.