Read Aramaic Peshita Psalms 47 Bible Online

Psalms 47 - Aramaic Peshita bible

Psalms 47

¹ܟܠܟ̣ܘܿܢ ܥܲܡܡܹ̈ܐ ܩܘܿܫܘ ܟܲܦܵܐ.

²ܘܫܲܒܲܚܘ ܠܐܲܠܵܗܵܐ ܒܩܵܠܵܐ ܕܫܘܼܒ̣ܚܵܐ.

³ܡܸܛܠ ܕܡܵܪܝܵܐ ܡܪܲܝܡܵܐ ܘܲܕ݂ܚܝܼܠܵܐ.

⁴ܗܘ݀ܝܘܼ ܡܲܠܟܵܐ ܪܲܒܵܐ ܥܲܠ ܟܠܵܗ̇ ܐܲܪܥܵܐ.

⁵ܕܫܲܥܒܸ̇ܕ݂ ܠܲܢ ܥܲܡܡܹ̈ܐ ܬܚܘܿܬܲܝܢ.

⁶ܘܐܸܡ̈ܘܵܬ̣ܵܐ ܬܚܘܿܬ̣ ܖܸ̈ܓ̣ܠܲܝܢ.

⁷ܐܲܓ̣ܒ̇ܝܲܢ ܝܵܪܬ̇ܘܼܬܹܗ ܘܐܝܼܩܵܪܹܗ ܕܝܲܥܩܘܿܒ̣ ܕܲܪܚܸܡ݂.

⁸ܣܠܸܩ݂ ܐܲܠܵܗܵܐ ܒܫܘܼܒ̣ܚܵܐ ܡܵܪܝܵܐ ܒܩܵܠܵܐ ܕܩܲܪܢܵܐ.

⁹ܙܡܲܪܘ ܠܐܲܠܵܗܵܐ ܒܫܘܼܒ̣ܚܵܐ ܙܡܲܪܘ ܠܡܲܠܟܲܢ.

¹⁰ܡܸܛܠ ܕܡܲܠܟܵܐ ܕܟ̣ܠܵܗ̇ ܐܲܪܥܵܐ ܐܲܠܵܗܵܐ ܗ̄ܘ̣ ܙܡܲܪܘ ܠܹܗ ܫܘܼܒ̣ܚܵܐ.

¹¹ܐܲܡܠܸܟ݂ ܐܲܠܵܗܵܐ ܥܲܠ ܥܲܡܡܹ̈ܐ.

¹²ܐܲܠܵܗܵܐ ܝܑܼܬܸܒ̣ ܥܲܠ ܟܘܼܪܣܝܹܗ ܩܲܕ̇ܝܼܫܵܐ.

¹³ܫܲܠܝܼܛܵܢܹ̈ܐ ܕܥܲܡܡܹ̈ܐ ܐܸܬ̣ܦܢܵܘ ܠܘܵܬ̣ ܐܲܠܵܗܹܗ ܕܐܲܒ̣ܪܵܗܵܡ.

¹⁴ܡܸܛܠ ܕܕܲܐܠܵܗܵܐ ܐܸܢܘܿܢ ܐܘܼܚ̈ܕܵܢܹܝܗ̇ ܕܐܲܪܥܵܐ ܘܛܵܒ̣ ܐܸܬ̇ܬ̇ܪܝܼܡ.