Read Aramaic Peshita Psalms 48 Bible Online

Psalms 48 - Aramaic Peshita bible

Psalms 48

¹ܪܲܒܘܼ ܡܵܪܲܢ ܘܲܡܫܲܒܲܚ ܪܲܘܪܒ̣ܵܐܝܼܬ̣.

²ܒܲܩܪܝܼܬܹܗ ܕܐܲܠܵܗܲܢ.

³ܘܲܒ̣ܛܘܼܪܹܗ ܩܲܕܝܼܫܵܐ ܘܲܡܫܲܒ̇ܚܵܐ.

⁴ܚܲܕ݂ܘܼܬ̣ܵܐ ܒܟ̣ܠܵܗ̇ ܐܲܪܥܵܐ.

⁵ܛܘܼܪܵܐ ܕܨܸܗܝܘܿܢ ܕܒܲܫܦܘܿܠܲܝ̈ ܓܲܪܒ̇ܝܵܐ.

⁶ܩܪܝܼܬܹܗ ܗ̄ܝ̣ ܕܡܲܠܟܵܐ ܪܲܒܵܐ.

⁷ܐܲܠܵܗܵܐ ܒܣܵܚܖ̈ܵܬ̣ܵܗ̇ ܡܲܘܕܲܥ ܥܘܼܫܢܹܗ.

⁸ܡܸܛܠ ܕܗܵܐ ܡܲܠ̈ܟܹ̇ܐ ܐܸܬ̇ܛܲܝܲܒ̣ܘ ܘܲܥܒܲܪ݂ܘ ܐܲܟ̣ܚ̄ܕ݂ܵܐ.

⁹ܗܸܢܘܿܢ ܚܙ݂ܵܘ ܘܲܬ̣ܡܲܗ݂ܘ ܘܙܵܥ݂ܘ ܘܲܪܬܹܝܬ̣ܵܐ ܐܸܚܲܕ݂ ܐܸܢܘܿܢ.

¹⁰ܘܚܸܒ̣ܠܹ̈ܐ ܐܲܝܟ݂ ܕܝܵܠܹܕ̇ܬܵܐ.

¹¹ܒܪܘܼܚܵܐ ܥܲܫܝܼܢܬܵܐ ܢܸܬ̇ܬܲܒ̇ܖ̈ܵܢ ܐܸܠܦܹ̈ܐ ܕܬܲܪܫܝܼܫ.

¹²ܐܲܝܟ݂ ܕܲܫܡܲܥܢ ܗܵܟܲܢܵܐ ܚ݂ܙܲܝܢ.

¹³ܒܲܩܪܝܼܬܹܗ ܕܡܵܪܝܵܐ ܚܲܝܠ̱ܬ̣ܵܢܵܐ.

¹⁴ܒܲܩܪܝܼܬܹܗ ܕܐܲܠܵܗܲܢ.

¹⁵ܐܲܠܵܗܵܐ ܢܲܬ̣ܩܢܝܼܗ̇ ܥܕܲܡܵܐ ܠܥܵܠܲܡ.

¹⁶ܣܲܒܲܪܢ ܐܲܠܵܗܵܐ ܠܛܲܝܒ̇ܘܼܬ̣ܵܟ݂ ܒܓ̣ܵܘܹܗ ܕܗܲܝܟ̇ܠܵܟ݂.

¹⁷ܐܲܝܟ݂ ܫܡܵܟ݂ ܐܲܠܵܗܵܐ ܗܵܟܲܢܵܐ ܬܸܫ̈ܒܚܵܬ̣ܵܟ݂.

¹⁸ܥܕܲܡܵܐ ܠܣܲܘܦܹ̈ܝܗ̇ ܕܐܲܪܥܵܐ ܙܲܕܝܼܩܘܼܬ̣ܵܐ ܡܲܠܝܵܐ ܝܲܡܝܼܢܵܟ݂.

¹⁹ܢܸܚܕܸ̇ܐ ܛܘܼܪܵܐ ܕܨܸܗܝܘܿܢ ܘܲܢܕ݂ܘܼ̈ܨܵܢ ܒ̈ܢܵܬ̣ ܝܼܗܘܼܕ݂ܵܐ.

²⁰ܡܸܛܠ ܕܝܼܢܲܝ̈ܟ ܡܵܪܝܵܐ.

²¹ܐܸܬ̣ܟ̇ܘܼܪܟ̇ܘܼܗ̇ ܠܨܸܗܝܘܿܢ ܘܚܘܼܕ݂ܪܘܼܗ̇ ܘܲܡܢܵܘ ܡܲܓ̣ܕ̇ܠܹܝ̈ܗ̇.

²²ܣܝܼܡܘ ܠܸܒ̇ܟ̣ܘܿܢ ܥܲܠ ܚܲܝܠܵܗ̇ ܘܲܥܩܘܿܪܘ ܣܵܚܖ̈ܵܬ̣ܵܗ̇.

²³ܕܬܸܫܬܲܥܘܿܢ ܠܕ݂ܵܪܵܐ ܐ̄ܚܪܹܢܵܐ.

²⁴ܕܗܵܢܵܘ ܐܲܠܵܗܵܐ ܐܲܠܵܗܲܢ.

²⁵ܠܥܵܠܲܡ ܘܲܠܥܵܠܲܡ ܥܵܠܡܝܼܢ.

²⁶(6) ܕܗܘ݀ ܢܕܲܒ̇ܪܲܢ ܠܥܸܠ ܡ̣ܢ ܡܲܘܬܵܐ.