Read Aramaic Peshita Psalms 5 Bible Online

Psalms 5 - Aramaic Peshita bible

Psalms 5

¹ܡܸܠܲܝ̈ ܨܘܼܬ̣ ܡܵܪܝܵܐ ܘܐܸܣܬܲܟܲܠ ܒܲܗܓ̣ܵܝܝ.

²ܨܘܼܬ̣ ܠܩܵܠܵܐ ܕܲܓ̣ܥܵܬ̣ܝ ܡܲܠܟ̇ܝ ܘܐܲܠܵܗܝ.

³ܡܸܛܠ ܕܲܠܘܵܬ̣ܵܟ݂ ܗ̄ܘ̣ ܡܨܲܠܸܐ ܐ̄ܢܵܐ.

⁴ܡܵܪܝܵܐ ܒܨܲܦܪܵܐ ܬܸܫܡܲܥ ܩܵܠܝ.

⁵ܘܲܒ̣ܨܲܦܪܵܐ ܐܸܬ̇ܛܲܝܲܒ̣ ܘܐܸܬ̣ܚܙܸܐ ܠܵܟ݂.

⁶ܡܸܛܠ ܕܐܲܠܵܗܵܐ ܐܲܢ̄ܬ ܕܠܵܐ ܨܵܒܹ݁ܐ ܪܘܼܫܥܵܐ.

⁷ܘܠܵܐ ܢܸܥܡܲܪ ܥܲܡܵܟ ܒܝܼܫܵܐ.

⁸ܘܠܵܐ ܢܩܘܼܡܘܼܢ ܫܲܒ̣ܗ̱ܖ̈ܵܢܹܐ ܩܕ݂ܵܡ ܥܲܝܢܲܝ̈ܟ.

⁹ܣܢܲܝܬ̇ ܠܟ̣ܠ ܥܵܒ̣ܕܲܝ̈ ܫܘܼܩܪܵܐ.

¹⁰ܘܬܲܘܒܸ̇ܕ݂ ܠܲܡܡܲܠܠܲܝ̈ ܕܲܓܵܠܘܼܬ̣ܵܐ.

¹¹ܠܓܲܒ̣ܪܵܐ ܐܵܫܹ݁ܕ݂ ܕܡܵܐ ܘܢܲܟ̇ܘܼܠܬ̣ܵܢܵܐ ܢܲܣܠܹܝܘܗܝ ܡܵܪܝܵܐ.

¹²ܘܐܸܢܵܐ ܒܣܘܿܓ̣ܐܵܐ ܕܛܲܝܒ̇ܘܼܬ̣ܵܟ݂ ܐܸܥܘܿܠ ܠܒܲܝܬܵܟ݂.

¹³ܘܐܸܣܓ̇ܘܿܕ݂ ܒܗܲܝܟ̇ܠܵܐ ܕܩܘܼܕ݂ܫܵܟ݂.

¹⁴ܒܕܸܚ̱ܠܬ̣ܵܟ݂ ܡܵܪܝܵܐ ܕܲܒܲܪܲܝܢܝ ܘܲܒ̣ܙܲܕܝܼܩܘܼܬ̣ܵܟ݂.

¹⁵ܡܸܛܠ ܒܥܸܠܕ̇ܒ̣ܵܒܲܝ̈ ܬܪܘܿܨ ܩܕ݂ܵܡܲܝ ܐܘܼܪܚܵܟ݂.

¹⁶ܡܸܛܠ ܕܠܲܝܬ̇ ܒܦܘܼܡܗܘܿܢ ܟܹܐܢܘܼܬ̣ܵܐ.

¹⁷ܐܸܠܵܐ ܥܲܘܠܵܐ ܒܓ̣ܵܘܗܘܿܢ.

¹⁸ܘܐܲܝܟ݂ ܩܲܒ̣ܖܹ̈ܐ ܦܬ̣ܝܼܚܹ̈ܐ ܓܲܓ̇ܖ̈ܵܬ̣ܗܘܿܢ.

¹⁹ܘܠܸܫܵܢܲܝ̈ܗܘܿܢ ܡܗܲܦܟ̣ܝܼܢ.

²⁰ܚܲܝܸܒ̣ ܐܸܢܘܿܢ ܐܲܠܵܗܵܐ.

²¹ܘܢܸܦܠܘܼܢ ܡ̣ܢ ܡܘܼܠܟܵܢܲܝ̈ܗܘܿܢ.

²²ܒܣܘܿܓ̣ܐܵܐ ܕܥܲܘܠ̱ܗܘܿܢ ܕܚܘܿܩ ܐܸܢܘܿܢ.

²³ܡܸܛܠ ܕܡܲܪܡ̱ܪܘܼܟ݂.

²⁴ܢܸܚܕ̇ܘܿܢ ܟܠ ܕܲܡܣܲܒ̇ܪܝܼܢ ܒܵܟ݂.

²⁵ܠܥܵܠܲܡ ܢܫܲܒ̇ܚܘܼܢܵܟ݂ ܘܬܸܥܡܲܪ ܒܗܘܿܢ.

²⁶ܢܸܬ̣ܥܲܫܢܘܼܢ ܒܵܟ݂ ܟܠ ܖ̈ܵܚܡܲܝ ܫܡܵܟ݂.

²⁷ܡܸܛܠ ܕܐܲܢ̄ܬ̇ ܬܒܲܪܸܟ݂ ܠܙܲܕ̇ܝܼܩܹ̈ܐ.

²⁸ܡܵܪܝܵܐ ܐܲܝܟ݂ ܣܲܟ̇ܪܵܐ ܡܩܲܒܲܠܬܵܐ ܬܲܥܛܦܲܢܝ܀