Read Aramaic Peshita Psalms 52 Bible Online

Psalms 52 - Aramaic Peshita bible

Psalms 52

¹ܠܡܵܢܵܐ ܡܸܫܬܲܒ̣ܗܲܪ ܐܲܢ̄ܬ̇ ܒܒ̣ܝܼܫܬܵܐ ܓܲܢ̄ܒܵܪܵܐ.

²ܘܥܲܠ ܡܚܲܣܝܵܐ ܟܠܝܘܿܡ ܥܲܘܠܵܐ ܡܸܬ̣ܚܲܫܲܒ̣ ܠܸܫܵܢܵܟ݂.

³ܘܐܲܝܟ݂ ܡܕܲܟ̇ܝܵܐ ܕܲܠܛܝܼܫ ܥܒ݂ܲܕ̇ܬ̇ ܢܸܟ̣ܠܵܐ.

⁴ܪܚܸܡ݂ܬ̇ ܒܝܼ̈ܫܵܬ̣ܵܐ ܡ̣ܢ ܛܵܒ̣ܵـ̈ـܬ̣ܵܐ.

⁵ܘܕܲܓܵܠܘܼܬ̣ܵܐ ܡ̣ܢ ܡܲܡܠ̱ܠܵܐ ܕܙܲܕ̇ܝܼܩܘܼܬ̣ܵܐ.

⁶ܪܚܸܡ݂ܬ̇ ܠܟ̣ܠ ܕܲܡܡܲܠܠܝܼܢ ܥܲܘܠܵܐ.

⁷ܘܲܠܠܸܫܵܢܹ̈ܐ ܢܲܟ̇ܘܼܠܬ̣ܵܢܹ̈ܐ.

⁸ܡܸܛܠ ܗܵܢܵܐ ܐܲܠܵܗܵܐ ܢܸܥܩܪܵܟ݂.

⁹ܘܢܸܣܚܦܵܟ݂ ܠܥܵܠܲܡ ܡ̣ܢ ܡܲܫܟ̇ܢܵܟ݂.

¹⁰ܘܥܸܩܵܪܵܟ݂ ܡ̣ܢ ܐܲܪܥܵܐ ܕܚܲܝܹ̈ܐ.

¹¹ܕܢܸܚܙܘܿܢ ܙܲܕ̇ܝܼܩܹ̈ܐ ܘܢܸܚܕ̇ܘܿܢ.

¹²ܘܲܢܣܲܒ̇ܪܘܼܢ ܒܡܵܪܝܵܐ.

¹³ܘܢܹܐܡܪܘܼܢ ܕܗܵܢܵܘ ܓܲܒ̣ܪܵܐ ܕܠܵܐ ܥܒ݂ܲܕ݂ ܠܐܲܠܵܗܵܐ ܬܘܼܟ̣ܠܵܢܹܗ.

¹⁴ܐܸܠܵܐ ܐܸܬ̇ܬ̇ܟܸܠ ܥܲܠ ܣܘܿܓ̣ܐܵܐ ܕܥܘܼܬ̣ܪܹܗ ܘܐܸܬ̇ܬ̇ܪܝܼܡ ܒܩܸܢܝܵܢܹܗ.

¹⁵ܘܐܸܢܵܐ ܐܲܝܟ݂ ܙܲܝܬܵܐ ܡܫܲܒ̇ܚܵܐ ܒܒܲܝܬܹ̇ܗ ܕܐܲܠܵܗܵܐ.

¹⁶ܣܲܒ̇ܪܹܬ̣ ܒܛܲܝܒ̇ܘܼܬܹܗ ܕܐܲܠܵܗܵܐ.

¹⁷ܠܥܵܠܲܡ ܘܲܠܥܵܠܲܡ ܥܵܠܡܝܼܢ.

¹⁸ܐܲܘܕܸ̇ܐ ܠܵܟ݂ ܠܥܵܠܲܡ ܕܲܥܒܲܕ̇ܬ̇.

¹⁹ܘܐܹܣܲܒܲܪ ܫܡܵܟ݂ ܠܕ݂ܵܪܕܵܪܝܼܢ ܠܘܼܩܒܲܠ ܙܲܕ̇ܝܼܩܲܝ̈ܟ.