Read Aramaic Peshita Psalms 53 Bible Online

Psalms 53 - Aramaic Peshita bible

Psalms 53

¹ܐܵܡܲ݁ܪ ܥܲܘܵܠܵܐ ܒܠܸܒܹܗ ܕܠܲܝܬ̇ ܐܲܠܵܗܵܐ.

²ܐܸܬ̣ܚܲܒܲܠܘ ܘܐܸܬ̇ܛܲܢܲܦܘ ܒܥܲܘܠ̱ܗܘܿܢ.

³ܘܠܲܝܬ̇ ܕܥܵܒܸ݁ܕ݂ ܛܵܒ̣ܬ̣ܵܐ.

⁴ܐܲܠܵܗܵܐ ܐܲܕ݂ܝܼܩ ܡ̣ܢ ܫܡܲܝܵܐ ܥܲܠ ܒܢܲܝ̈ܢܵܫܵܐ.

⁵ܕܢܸܚܙܸܐ ܐܸܢ ܐܝܼܬ̣ ܕܣܲܟ̇ܘܼܠܬ̣ܵܢ ܘܒ̣ܵܥܹܐ݁ ܠܐܲܠܵܗܵܐ.

⁶ܟܠܗܘܿܢ ܣܛ݂ܵܘ ܐܲܟ̣ܚ̄ܕ݂ܵܐ ܘܐܸܬ̇ܛܲܢܲܦܘ.

⁷ܘܠܲܝܬ̇ ܕܥܵܒܸ݁ܕ݂ ܛܵܒ̣ܬ̣ܵܐ ܐܵܦܠܵܐ ܚܲܕ݂.

⁸ܘܠܵܐ ܝܼܕܲܥ݂ܘ ܟܠ ܥܵܒ̣ܕܲܝ ܥܲܘܠܵܐ.

⁹ܐܲܝܠܹܝܢ ܕܐܵܟ̣ܠ݁ܝܼܢ ܗ̄ܘ̣ܵܘ ܠܥܲܡܝ ܡܹܐܟ̣ܘܼܠܬܵܐ ܕܠܲܚܡܵܐ.

¹⁰ܘܠܲܐܠܵܗܵܐ ܠܵܐ ܩܪ݂ܵܘ.

¹¹ܬܲܡܵܢ ܕܚܸܠ̣ܘ ܕܸܚܠ̱ܬ̣ܵܐ.

¹²ܐܲܬܲܪ ܕܠܲܝܬ̇ ܗ̄ܘܵܐ ܕܸܚܠ̱ܬ̣ܵܐ.

¹³ܡܸܛܠ ܕܐܲܠܵܗܵܐ ܢܒܲܕܲܪ ܓܲܖ̈ܡܲܝܗܘܿܢ.

¹⁴ܕܐܲܝܠܹܝܢ ܕܫܵܦ̇ܪܝܼܢ ܠܲܒ̣ܢܲܝܢܵܫܵܐ.

¹⁵ܒܗܸܬ̣ܘ ܡܸܛܠ ܕܐܲܠܵܗܵܐ ܐܲܣܠܝܼ ܐܸܢܘܿܢ.

¹⁶ܡܲܢ ܢܸܬܸ̇ܠ ܡ̣ܢ ܨܸܗܝܘܿܢ ܦܘܼܪܩܵܢܵܐ ܠܝܼܣܪܵܝܹܠ.

¹⁷ܡܵܐ ܕܡܲܗܦܸܟ݂ ܡܵܪܝܵܐ ܫܒ̣ܝܼܬ̣ܵܐ ܕܥܲܡܡܹ̈ܐ.

¹⁸ܢܕ݂ܘܼܨ ܝܲܥܩܘܿܒ̣ ܘܢܸܚܕܸ̇ܐ ܝܑܼܣܪܵܝܹܠ.