Read Aramaic Peshita Psalms 54 Bible Online

Psalms 54 - Aramaic Peshita bible

Psalms 54

¹ܐܲܠܵܗܵܐ ܒܲܫܡܵܟ݂ ܦܪܘܿܩܲܝܢܝ.

²ܘܲܒ̣ܓܲܢ̄ܒܵܪܘܼܬ̣ܵܟ݂ ܕܘܼܢ ܠܝܼ.

³ܐܲܠܵܗܵܐ ܫܡܲܥ ܨܠܘܿܬ̣ܝ.

⁴ܘܨܘܼܬ̣ ܐܸܢܹܝܢ ܠܡܸܠܵܘ̈ܗܝ ܕܦܘܼܡܝ.

⁵ܡܸܛܠ ܕܢܘܼܟ̣ܖ̈ܵܝܹܐ ܩܵܡ̣ܘ ܥܠܲܝ.

⁶ܘܥܲܫܝܼܢܹ̈ܐ ܒܥܵܐܘܼܗ̇ ܠܢܲܦ̮ܫܝ.

⁷ܘܠܵܐ ܚܲܫܒ̇ܘܼܟ݂ ܐܲܠܵܗܵܐ.

⁸ܐܲܠܵܗܵܐ ܡܥܲܕ̇ܪܵܢܝ ܡܵܪܝܵܐ ܡܣܲܡܟ̣ܵܢܵܗ̇ ܕܢܲܦ̮ܫܝ.

⁹ܐܲܝܬܵܐ ܒܝܼܫܬܵܐ ܥܲܠ ܒܥܸܠܕ̇ܒ̣ܵܒܲܝ̈.

¹⁰ܘܲܒ̣ܩܘܼܫܬܵܟ݂ ܫܲܬܸ̇ܩ ܐܸܢܘܿܢ.

¹¹ܘܐܸܢܵܐ ܒܦܘܼܪܫܵܢܵܐ ܐܹܕܲܒܲܚ ܠܵܟ݂.

¹²ܘܐܲܘܕܸ̇ܐ ܠܲܫܡܵܟ݂ ܡܵܪܝܵܐ ܕܛܵܒ̣ܘܼ.

¹³ܕܡ̣ܢ ܟܠ ܥܵـ̈ـܩܵܢ ܦܲܨܝܼܬܵܢܝ.

¹⁴ܘܒܲܒ̣ܥܸܠܕ̇ܒ̣ܵܒܲܝ̈ ܚܙܵܬ̤ ܥܲܝܢܝ.