Read Aramaic Peshita Psalms 60 Bible Online

Psalms 60 - Aramaic Peshita bible

Psalms 60

¹ܐܲܠܵܗܵܐ ܛܥܲܝܬܵܢ ܘܲܕ݂ܚܲܩܬܵܢ ܘܲܪܓܸܙ݂ܬ̇ ܥܠܲܝܢ.

²ܘܐܲܙܝܼܥܬܵܗ̇ ܠܐܲܪܥܵܐ ܘܲܦܬܲܚܬܵܗ̇.

³ܥܨܘܿܒ̣ ܬܒ̣ܵܪܵܗ̇ ܡܸܛܠ ܕܐܸܬ̣ܟܲܪܗܲܬ݀.

⁴ܚܲܘܝܼܬ̇ ܐܸܢܘܿܢ ܠܥܲܡܵܟ݂ ܩܲܫ̈ܝܵܬ̣ܵܐ.

⁵ܘܐܲܫܩܝܼܬ̇ ܐܸܢܘܿܢ ܚܲܡܪܵܐ ܬܛܝܼܪܵܐ.

⁶ܝܲܗ̣̄ܒ̣ܬ̇ ܠܕ݂ܵܚ̈ܠܲܝܟ ܐܵܬ̣ܵܐ.

⁷ܕܠܵܐ ܢܸܥܪ̱ܩܘܼܢ ܡ̣ܢ ܩܕ݂ܵܡ ܩܸܫܬܵܐ.

⁸ܡܸܛܠ ܕܢܸܙܕܲܝܢܘܼܢ ܚܲܒ̇ܝܼܒܲܝ̈ܟ.

⁹ܦܪܘܿܩܲܝܢܝ ܒܝܲܡܝܼܢܵܟ݂ ܘܲܥܢܝܼܢܝ.

¹⁰ܐܲܠܵܗܵܐ ܡܲܠܸܠ ܒܩܘܼܕ݂ܫܹܗ.

¹¹ܐܸܬ̣ܚܲܝܲܠ ܐܸܢܵܐ ܘܐܹܦܲܠܸܓ̣ ܠܲܫܟܹܝܡ.

¹²ܘܲܠܥܘܼܡܩܵܐ ܕܣܵܟ̣ܘܼܬ̣ ܐܸܡܫܘܿܚ.

¹³ܕܝܼܠܝ ܗ̄ܘ̣ ܓܸܠܥܵܕ݂ ܘܕ݂ܝܼܠܝ ܗ̄ܘ̣ ܡܢܲܫܸܐ.

¹⁴ܘܐܲܦܪܹܝܡ ܡܥܲܫܢܵܢܹܗ ܕܪܹܫܝ.

¹⁵ܝܑܼܗܘܼܕ݂ܵܐ ܡܲܠܟ̇ܝ ܘܡܘܼܐܵܒ̣ ܫܝܵܓ̣ܬܵܐ ܕܪܸܓ̣ܠܲܝ.

¹⁶ܥܲܠ ܐܲܕ݂ܘܿܡ ܐܸܫܪܸܐ ܡܣܵܢܲܝ̈ ܘܥܲܠ ܦܠܸܫܬ̇ ܐܸܩܥܸܐ.

¹⁷ܡܲܢ̣ܘܼ ܢܕܲܒ̇ܪܲܢܝ ܥܕܲܡܵܐ ܠܐܲܕ݂ܘܿܡ.

¹⁸ܘܡܲܢ̣ܘܼ ܢܲܘܒ̇ܠܲܢܝ ܠܲܩܪܝܼܬ̣ܵܐ ܥܲܫܝܼܢܬܵܐ.

¹⁹ܕܗܵܐ ܐܲܢ̄ܬ̇ ܐܲܠܵܗܵܐ ܛܥܲܝܬܵܢ ܘܠܵܐ ܢܵܦܹܩ ܐܲܢ̄ܬ̇ ܒܚܲܝܠܲܢ.

²⁰ܗܲܒ̣ܠܲܢ ܥܘܼܕ݂ܪܵܢܵܐ ܥܲܠ ܒܥܸܠܕ̇ܒ̣ܵܒܲܝ̈ܢ.

²¹ܡܸܛܠ ܕܕܲܓܵܠ ܗ̄ܘ̣ ܦܘܼܪܩܵܢܹܗ ܕܒܲܪܢܵܫܵܐ.