Read Aramaic Peshita Psalms 61 Bible Online

Psalms 61 - Aramaic Peshita bible

Psalms 61

¹ܫܡܲܥ ܐܲܠܵܗܵܐ ܨܠܘܿܬ̣ܝ ܘܨܘܼܬ̣ ܠܒ̣ܵܥܘܼܬ̣ܝ.

²ܡ̣ܢ ܣܲܘ̈ܦܹܝܗ̇ ܕܐܲܪܥܵܐ ܠܵܟ̣ܘܼ ܩܵܪܹܐ ܐ̄ܢܵܐ ܒܛܘܼܪܵܦܹܗ ܕܠܹܒ̇ܝ.

³ܕܥܲܠ ܟܹܐܦܵܐ ܐܲܪܝܼܡܬܵܢܝ ܘܒܲܝܲܐܬܵܢܝ.

⁴ܡܸܛܠ ܕܲܗ݀ܘܲܝܬ̇ ܠܝܼ ܒܹܝܬ̣ ܓܲܘܣܵܐ.

⁵ܘܡܲܓ̣ܕ̇ܠܵܐ ܪܵܡܵܐ ܡ̣ܢ ܩܕ݂ܵܡ ܒܥܸܠܕ̇ܒ̣ܵܒܲܝ̈.

⁶ܕܐܸܥܡܲܪ ܒܡܲܫܟ̇ܢܵܟ݂ ܠܥܵܠܡܝܼܢ.

⁷ܘܐܸܣܬܲܬܲܪ ܒܛܸܠܵܠܵܐ ܕܟܸܢܦܲܝ̈ܟ.

⁸ܡܸܛܠ ܕܐܲܢ̄ܬ̇ ܐܲܠܵܗܵܐ ܫܡܲܥ݂ܬ̇ ܢܸܕ݂ܪ̈ܲܝ.

⁹ܘܝܲܗ̣̄ܒ̣ܬ̇ ܝܘܼܪܬܵܢܵܐ ܠܕ݂ܵܚܠܲܝ̈ ܫܡܵܟ݂.

¹⁰ܐܲܘܣܸܦܬ̇ ܝܲܘ̈ܡܵܬ̣ܵܐ ܥܲܠ ܝܲܘ̈ܡܵܬܹܗ ܕܡܲܠܟܵܐ.

¹¹ܘܲܫܢܵܘ̈ܗܝ ܠܕ݂ܵܪܕܵܪܝܼܢ.

¹²ܢܸܬ̣ܩܲܝܲܡ ܠܥܵܠܲܡ ܩܕ݂ܵܡ ܐܲܠܵܗܵܐ.

¹³ܛܲܝܒ̇ܘܼܬ̣ܵܐ ܘܩܘܼܫܬܵܐ ܡܲܢ̣ܘܼ ܢܸܛܪܝܼܗ̇.

¹⁴ܗܵܟܲܢ ܐܸܙܡܲܪ ܠܲܫܡܵܟ݂ ܠܥܵܠܲܡ ܥܵܠܡܝܼܢ.

¹⁵ܟܲܕ݂ ܐܹܫܲܠܸܡ ܢܸܕ݂ܪ̈ܲܝ ܝܘܿܡ ܡ̣ܢ ܝܘܿܡ.