Read Aramaic Peshita Psalms 64 Bible Online

Psalms 64 - Aramaic Peshita bible

Psalms 64

¹ܫܡܲܥ ܐܲܠܵܗܵܐ ܩܵܠܝ ܟܲܕ݂ ܐܸܬ̣ܟܲܫܲܦ ܠܵܟ݂.

²ܘܡ̣ܢ ܕܸܚܠ̱ܬ̣ܵܐ ܕܲܒ̣ܥܸܠܕ̇ܒ̣ܵܒܲܝ̈ ܢܲܛܲܪܲܝܢܝ.

³ܣܲܬܲܪܲܝܢܝ ܡ̣ܢ ܥܲܘܠܹܗ ܕܒ̣ܝܼܫܵܐ.

⁴ܘܡ̣ܢ ܗܘܼܦܵܟ̣ܵܐ ܕܥܵܒ݂̈ܕܲܝ ܥܲܘܠܵܐ.

⁵ܕܲܠܛܲܫܘ ܠܸܫܵܢܗܘܿܢ ܐܲܝܟ݂ ܣܲܝܦܵܐ.

⁶ܘܡܸܠܲܬ̣ܗܘܿܢ ܐܲܝܟ݂ ܓܹܐܪܵܐ.

⁷ܠܡܸܫܕܵܐ ܒܛܘܼܫܝܵܐ ܒܬܲܡܝܼܡܵܐ.

⁸ܘܡ̣ܢ ܫܸܠܝܵܐ ܢܸܫܕ̇ܘܿܢ ܒܹܗ ܘܠܵܐ ܢܸܬ̣ܚܙܘܿܢ.

⁹ܘܐܲܥܫܸܢܘ ܡܸܠܲܬ̣ܗܘܿܢ ܒܝܼܫܬܵܐ.

¹⁰ܘܐܸܬ̣ܚܲܫܲܒ̣ܘ ܠܡܸܛܡܲܪ ܦܲܚܹ̈ܐ.

¹¹ܘܐܸܡܲܪܘ ܕܡܲܢ̣ܘܼ ܚܵܙܹܐ ܠܲܢ.

¹²ܐܸܬ̣ܚܲܫܲܒ̣ܘ ܥܲܘܵܠܹ̈ܐ ܘܣܵܦ̣ܘ.

¹³ܠܡܸܒ̣ܨܵܐ ܥܲܘܠܵܐ ܡ̣ܢ ܓܵܘܹܗ ܕܒܲܪܢܵܫܵܐ.

¹⁴ܘܡ̣ܢ ܠܸܒܹ̇ܗ ܥܲܡܝܼܩܵܐ.

¹⁵ܢܸܬ̇ܬ̇ܪܝܼܡ ܐܲܠܵܗܵܐ ܘܢܸܫܕܸ̇ܐ ܒܗܘܿܢ ܓܹܐܪܵܐ ܡ̣ܢ ܫܸܠܝܵܐ.

¹⁶ܘܢܸܬ̣ܟܲܪܗܘܿܢ ܠܸܫܵܢܲܝܗܘܿܢ.

¹⁷ܘܢܸܕ݂ܚܠܘܼܢ ܟܠ ܕܚܵܙܹ̇ܝܢ ܠܗܘܿܢ.

¹⁸ܘܢܸܕ݂ܚܠܘܼܢ ܟܠ ܒܢܲܝ̈ܢܵܫܵܐ.

¹⁹ܘܲܢܚܲܘܘܿܢ ܥܒ̣ܵܕ݂ܵܘ̈ܗܝ ܕܐܲܠܵܗܵܐ.

²⁰ܘܒܲܥܒ̣ܵܕ݂ ܐܝܼܕ݂ܵܘ̈ܗܝ ܢܚܘܼܪܘܼܢ.

²¹ܢܸܚܕ̇ܘܿܢ ܙܲܕ̇ܝܼܩܹ̈ܐ ܒܡܵܪܝܵܐ ܘܢܸܬ̇ܬܲܟ̣ܠܘܼܢ ܥܠܵܘܗܝ.

²²ܘܲܢܫܲܒ̇ܚܘܼܢܵܝܗܝ ܟܠ ܬܪ̈ܝܼܨܲܝ ܠܸܒܵܐ.