Read Aramaic Peshita Psalms 65 Bible Online

Psalms 65 - Aramaic Peshita bible

Psalms 65

¹ܠܵܟ݂ ܝܵܐ̇ܝܵܐ ܬܸܫܒ̇ܘܿܚܬܵܐ ܐܲܠܵܗܵܐ ܒܨܸܗܝܘܿܢ.

²ܘܠܵܟ݂ ܡܸܬ̣ܦܪܲܥ ܢܸܕ݂ܪܵܐ ܫܡܲܥ ܨܠܘܿܬ̣ܝ.

³ܠܘܵܬ̣ܵܟ݂ ܟܠ ܒܣܲܪ ܢܹܐܬܸܐ.

⁴ܡܸܠܹ̈ܐ ܕܥܲܘܵܠܹ̈ܐ ܥܫܸܢܹ̈ܝܢ ܡܹܢܝ.

⁵ܘܲܚܛܵܗܲܝ̈ ܐܲܢ̄ܬ̇ ܬܚܲܣܸܐ ܐܸܢܘܿܢ.

⁶ܛܘܼܒ̣ܵܘܗܝ ܠܡܲܢ ܕܨܵܒܹ̇ܐ ܐܲܢ̄ܬ̇ ܒܹܗ.

⁷ܘܲܡܩܲܪܸܒ̣ ܐܲܢ̄ܬ̇ ܠܹܗ ܕܢܸܥܡܲܪ ܒܕܲܝܪܵܟ݂.

⁸ܘܢܸܣܒܲܥ ܡ̣ܢ ܛܵܒ̣ܵܬܹ̈ܗ ܕܒܲܝܬܵܟ݂.

⁹ܘܡ̣ܢ ܩܲܕ̇ܝܼܫܘܼܬܹܗ ܕܗܲܝܟ̇ܠܵܟ݂.

¹⁰ܘܡ̣ܢ ܙܲܕ̇ܝܼܩܘܼܬ̣ܵܟ݂ ܕܚܝܼܠܬܵܐ.

¹¹ܥܢܝܼܢ ܐܲܠܵܗܵܐ ܦܵܪܘܿܩܲܢ.

¹²ܣܲܒ̣ܪܵܐ ܕܟ̣ܠܗܘܿܢ ܣܲܘܦܹ̈ܝܗ̇ ܕܐܲܪܥܵܐ.

¹³ܘܲܕ݂ܥܲܡܡܹ̈ܐ ܪ̈ܲܚܝܼܩܹܐ.

¹⁴ܡܲܬ̣ܩܸܢ ܛܘܼܪܹ̈ܐ ܒܚܲܝܠܹܗ ܘܡܸܬ̣ܥܲܫܲܢ ܒܓܲܢ̄ܒܵܪܘܼܬܹܗ.

¹⁵ܡܫܲܬܸ̇ܩ ܡܲܚܫܘܼܠܵܐ ܕܝܲܡܡܹ̈ܐ ܘܩܵܠܵܐ ܕܓܲܠܠܲܝ̈ܗܘܿܢ.

¹⁶ܢܸܬ̇ܕܲܠܚܘܼܢ ܥܲܡܡܹ̈ܐ ܘܢܸܕ݂ܚܠܘܼܢ ܥܵܡܘܿܪܹ̈ܝܗ̇ ܕܐܲܪܥܵܐ.

¹⁷ܡ̣ܢ ܐܵܬ̣ܘܵܬ̣ܵܟ݂ ܘܡ̣ܢ ܡܲܦܵܩܲܝ̈ ܨܲܦܪܵܐ ܘܪܲܡܫܵܐ.

¹⁸ܒܫܘܼܒ̣ܚܵܐ ܐܸܬ̇ܕ̇ܟܲܪܬܵܗ̇ ܠܐܲܪܥܵܐ.

¹⁹ܐܲܫܠܝܼܬܵܗ̇ ܘܲܒ̣ܣܘܿܓ̣ܐܵܐ ܐܲܥܬܲܪܬܵܗ̇.

²⁰ܬܲܦܹ̈ܐ ܕܐܲܠܵܗܵܐ ܡܠܹܝܢ ܡܲܝ̈ܵܐ.

²¹ܛܲܝܸܒ̣ܬ̇ ܡܹܐܟ̣ܘܼܠܬ̇ܗܘܿܢ ܟܲܕ݂ ܬܲܩܸܢܬܵܗ̇.

²²ܟܪ̈ܵܒܹܝܗ̇ ܐܲܪܘܝܼܬ̇ ܕܢܸܬ̣ܪܲܒ̇ܘܼܢ ܦܹܐܪܹ̈ܝܗ̇.

²³ܒܲܪ̈ܣܝܼܣܹܐ ܬܸܬ̣ܪܲܒܸ̇ܐ ܡܲܘܥܝܼܬ̣ܵܗ̇ ܘܬܸܬ̣ܒܲܪܲܟ݂.

²⁴ܒܲܪܸܟ݂ ܟܠܝܼܠܵܐ ܕܫܲܢ̄ܬܵܐ ܒܛܲܝܒ̇ܘܼܬ̣ܵܟ݂.

²⁵ܘܥܸܓ̣ܠܲܝ̈ܟ ܢܸܣܒ̇ܥܘܼܢ ܬܸܕ݂ܐܵܐ.

²⁶ܘܢܸܣܒ̇ܥܘܼܢ ܡ̣ܢ ܕܲܝܪܹ̈ܐ ܕܲܒ̣ܡܲܕ݂ܒ̇ܪܵܐ.

²⁷ܒܫܘܼܒ̣ܚܵܐ ܪ̈ܵܡܵܬ̣ܵܐ ܢܸܬ̣ܚܲܙ̈ܩܵܢ.

²⁸ܘܢܸܠܒ̇ܫܘܼܢ ܫܲܡܝܼܢܹ̈ܐ ܕܥܵܢ̈ܵܐ.

²⁹ܘܥܘܼܡܩܹ̈ܐ ܢܸܬ̣ܡ̱ܠܘܿܢ ܥܒ̣ܘܼܪܵܐ.

³⁰ܢܸܪܘ̱ܙܘܼܢ ܘܲܢܫܲܒ̇ܚܘܼܢ.