Read Aramaic Peshita Psalms 66 Bible Online

Psalms 66 - Aramaic Peshita bible

Psalms 66

¹ܫܲܒܲܚܘ ܠܐܲܠܵܗܵܐ ܟܠܵܗ̇ ܐܲܪܥܵܐ.

²ܙܡܲܪܘ ܠܐܝܼܩܵܪܵܐ ܕܲܫܡܹܗ ܙܡܲܪܘ ܠܐܝܼܩܵܪܵܐ ܕܬܸܫܒ̇ܘܿܚܬܹ̇ܗ.

³ܐܸܡܲܪܘ ܠܐܲܠܵܗܵܐ ܡܵܐ ܕܚܝܼܠܝܼܢ ܥܒ̣ܵܕܲܝ̈ܟ.

⁴ܒܣܘܿܓ̣ܐܵܐ ܕܥܘܼܫܢܵܟ݂ ܢܸܬ̣ܟܲܕ̇ܒ̣ܘܼܢ ܠܵܟ݂ ܒܥܸܠܕ̇ܒ̣ܵܒܲܝ̈ܟ.

⁵ܒܟ̣ܠܵܗ̇ ܐܲܪܥܵܐ ܢܸܣܓ̇ܕ݂ܘܼܢ ܠܵܟ݂ ܘܲܢܙܲܡܪܘܼܢ ܠܵܟ݂.

⁶ܘܲܢܫܲܒ̇ܚܘܼܢ ܠܲܫܡܵܟ݂ ܠܥܵܠܡܝܼܢ.

⁷ܘܢܹܐܡܪܘܼܢ ܕܬ̣ܵܘ ܚܙܵܘ ܥܒ̣ܵܕ݂ܵܘ̈ܗܝ ܕܐܲܠܵܗܵܐ.

⁸ܕܣܲܓ̇ܝܼ̈ܐܵܢ ܬܸܕ݂ܡ̱ܪܵܬܹܗ ܥܲܠ ܒܢܲܝ̈ܢܵܫܵܐ.

⁹ܕܲܗܦܲܟ݂ ܝܲܡܵܐ ܠܝܲܒ̣ܫܵܐ.

¹⁰ܘܲܠܢܲܗܪܵܐ ܥܲܒ̣ܪܘܼܗܝ ܡ̣ܢ ܪܓܸܠ.

¹¹ܬܲܡܵܢ ܢܸܚܕܸ̇ܐ ܒܹܗ ܒܡܲܢ ܕܫܲܠܝܼܛ ܒܓܲܢ̄ܒܵܪܘܼܬܹܗ ܠܥܵܠܲܡ.

¹²ܥܲܝܢܵܘ̈ܗܝ ܒܥܲܡܡܹ̈ܐ ܚܵܝܪ̈ܵܢ.

¹³ܘܡܵܪ̈ܘܿܕܹܐ ܠܵܐ ܢܸܬ̇ܬ̇ܪܝܼܡܘܼܢ ܠܥܵܠܲܡ.

¹⁴ܒܲܪܸܟ̣ܘ ܥܲܡܡܹ̈ܐ ܠܐܲܠܵܗܵܐ.

¹⁵ܘܐܲܫܡܲܥܘ ܩܵܠܵܐ ܕܫܘܼܒ̣ܚܹܗ.

¹⁶ܕܣ̣ܵܡ ܢܲܦ̮ܫܲܢ ܒܚܲܝܹ̈ܐ ܘܠܵܐ ܝܲܗ݂̄ܒ̣ ܪܸܓ̣ܠܲܢ ܠܙܲܘܥ̱ܬ̣ܵܐ.

¹⁷ܡܸܛܠ ܕܲܒ̣ܚܲܪܬܵܢ ܐܲܠܵܗܵܐ ܘܲܒ̣ܩܲܝܬܵܢ.

¹⁸ܐܲܝܟ݂ ܕܒ̣ܵܩܹ̇ܝܢ ܠܣܹܐܡܵܐ.

¹⁹ܐܲܥܸܠܬܵܢ ܒܲܡܨܝܼܕ̇ܬܵܐ ܘܲܥܒܲܕ̇ܬ̇ ܐܼܘܠܨܵܢܵܐ ܒܚܲܨܲܝ̈ܢ.

²⁰ܘܐܲܪܟܸ̇ܒ̣ܬ̇ ܒܲܪܢܵܫܵܐ ܥܲܠ ܪܹܫܲܢ.

²¹ܐܲܥܸܠܬܵܢ ܒܢܘܼܪܵܐ ܘܲܒ̣ܡܲܝ̈ܵܐ.

²²ܘܐܲܦܸܩܬܵܢ ܠܲܪܘܲܚܬ̣ܵܐ.

²³ܐܹܬܹܐ ܠܒܲܝܬܵܟ݂ ܒܐܝܼܩܵܪܵܐ ܘܐܸܦܪ̱ܥܵܟ݂ ܢܸܕ݂ܪ̈ܲܝ.

²⁴ܡܸܕܸ̇ܡ ܕܲܦܬܲܚ ܣܸܦ̈ܘܵܬ̣ܝ ܘܡܲܡܠ̱ܠܹܗ ܕܦܘܼܡܝ ܒܐܘܼܠܨܵܢܵܐ.

²⁵ܝܲܩ̈ܕܹ̇ܐ ܫܲܡܝܼܢܹ̈ܐ ܐܲܣܸܩ ܠܵܟ݂ ܥܲܡ ܣܘܵܬ̣ܵܐ ܕܕܸܟ̣ܪܹ̈ܐ.

²⁶ܘܐܸܥܒܸܿܕ݂ ܬܲܘܪܹ̈ܐ ܘܲܓ̣̈ܕܲܝܵܐ.

²⁷ܬܵܘ ܫܡܲܥܘ ܘܐܸܫܬܲܥܸܐ ܠܟ̣ܘܿܢ.

²⁸ܟܠܟ̣ܘܿܢ ܥܲܒ̣ܕܵܘ̈ܗܝ ܕܐܲܠܵܗܵܐ.

²⁹ܡܸܕܸ̇ܡ ܕܲܥܒ݂ܲܕ݂ ܠܢܲܦ̮ܫܝ.

³⁰ܒܦܘܼܡܝ ܩܪܹܝܬܹܗ ܘܲܥܢܵܢܝ ܘܪܲܡܪܸܡܬܹ̇ܗ ܒܠܸܫܵܢܝ.

³¹ܥܲܘܠܵܐ ܐܸܢ ܚܙܲܝܬ̇ ܒܠܹܒ̇ܝ ܠܵܐ ܬܸܦܪܘܿܩܲܝܢܝ ܡܵܪܝܵܐ.

³²ܗܵܝܕܹ̇ܝܢ ܫ̣ܡܲܥ ܐܲܠܵܗܵܐ ܩܵܠܵܐ ܕܒ̣ܵܥܘܼܬ̣ܝ.

³³ܒܪܝܼܟ̣ܘܼ ܡܵܪܝܵܐ.

³⁴ܕܠܵܐ ܐܲܥܒܲܪ ܨܠܘܿܬ̣ܝ ܘܛܲܝܒ̇ܘܼܬܹܗ ܡܹܢܝ.