Read Aramaic Peshita Psalms 75 Bible Online

Psalms 75 - Aramaic Peshita bible

Psalms 75

¹ܐܲܘܕ̇ܝܼܢܲܢ ܠܵܟ݂ ܐܲܠܵܗܵܐ.

²ܐܲܘܕ̇ܝܼܢܲܢ ܠܵܟ݂ ܘܲܩ̣ܪܲܝܢ ܫܡܵܟ݂.

³ܘܐܸܫܬܲܥܝܼܢ ܟܠܗܹܝܢ ܬܸܕ݂ܡ̱ܪ̈ܵܬ̣ܵܟ݂.

⁴ܡܸܛܠ ܕܐܸܣܲܒ̣ ܙܲܒ̣ܢܵܐ ܘܐܸܢܵܐ ܒܲܬ̣ܪܝܼܨܘܼܬ̣ܵܐ ܐܹܕ̇ܘܼܢ.

⁵ܬܸܬ̣ܡܲܟܲܟ݂ ܐܲܪܥܵܐ ܘܟ̣ܠܗܘܿܢ ܥܵܡܘܿܪܹ̈ܝܗ̇.

⁶ܐܲܢ̄ܬ̇ ܬܲܩܸܢܬ̇ ܠܥܵܡܘܿܪܹ̈ܝܗ̇.

⁷ܐܲܢ̄ܬ̇ ܐܸܡܲܪ݂ܬ̇ ܠܫܵܛܲܝ̈ܵܐ ܕܠܵܐ ܬܸܫܛܘܼܢ.

⁸ܘܲܠܪ̈ܲܫܝܼܥܹܐ ܕܠܵܐ ܬܪܝܼܡܘܼܢ ܩܲܪܢܵܐ.

⁹ܘܠܵܐ ܬܪܝܼܡܘܼܢ ܠܲܡܪܲܘܡܵܐ ܩܲܪܢ̱ܟ̣ܘܿܢ.

¹⁰ܘܲܬ̣ܡܲܠܠܘܼܢ ܒܨܲܘܪܵܐ ܪܵܡܵܐ.

¹¹ܡܸܛܠ ܕܠܵܐ ܡܲܦܩܵܐ ܡ̣ܢ ܡܲܥܪ̱ܒ̣ܵܐ.

¹²ܘܐܵܦܠܵܐ ܡ̣ܢ ܡܲܕ݂ܒܪܵܐ ܕܛܘܼܪܹ̈ܐ.

¹³ܡܸܛܠ ܕܐܲܠܵܗܵܐ ܗ̄ܘ̣ ܕܲܝܵܢܵܐ.

¹⁴ܠܗܵܢܵܐ ܡܫܲܦܸܠ ܘܲܠܗܵܢܵܐ ܡܪܝܼܡ.

¹⁵ܡܸܛܠ ܕܟ̣ܵܣܵܐ ܒܐܝܼܕܹܗ ܕܡܵܪܝܵܐ.

¹⁶ܘܲܡܠܸܐ ܡܙܵܓ̣ܵܐ ܕܚܲܡܪܵܐ ܬܛܝܼܪܵܐ.

¹⁷ܐܲܪܟܸ̇ܢ ܡ̣ܢ ܗܵܢܵܐ ܠܗܵܢܵܐ.

¹⁸ܬܸܛܪܹܗ ܢܲܡܨܘܼܢ ܘܢܸܫܬ̇ܘܿܢ ܟܠܗܘܿܢ ܪ̈ܲܫܝܼܥܹܐ ܕܐܲܪܥܵܐ.

¹⁹ܘܐܸܢܵܐ ܐܸܚܸܐ ܠܥܵܠܲܡ.

²⁰ܘܐܸܙܡܲܪ ܠܐܲܠܵܗܹܗ ܕܝܲܥܩܘܿܒ̣.

²¹ܟܠܗܹܝܢ ܩܲܪ̈ܢܵܬ̣ܵܐ ܕܪ̈ܲܫܝܼܥܹܐ ܐܹܓܲܕܸ̇ܡ.

²²ܘܢܸܬ̇ܬ̇ܪ̈ܝܼܡܵܢ ܩܲܪ̈ܢܵܬ̣ܗܘܿܢ ܕܙܲܕ̇ܝܼܩܹ̈ܐ.