Read Aramaic Peshita Psalms 77 Bible Online

Psalms 77 - Aramaic Peshita bible

Psalms 77

¹ܒܩܵܠܝ ܠܘܵܬ̣ ܐܲܠܵܗܵܐ ܩܪܹܝ݁ܬ̣ ܘܫܲܡܥܲܢܝ.

²ܘܐܲܪܝܼܡܹ̇ܬ̣ ܩܵܠܝ ܠܘܵܬܹܗ ܘܲܥܢܵܢܝ.

³ܒܝܲܘܡܵܐ ܕܐܘܼܠܨܵܢܝ ܠܡܵܪܝܵܐ ܒܥܹܝܬ̣.

⁴ܘܐܝܼܕܹܗ ܒܠܸܠܝܵܐ ܢܲܓܸ̇ܕ݂ܬܲܢܝ ܘܠܵܐ ܫܠܹ̇ܝܬ̣.

⁵ܘܠܲܝܬ̇ ܡܒܲܝܐܵܢܵܐ ܠܢܲܦ̮ܫܝ.

⁶ܐܸܬ̇ܕܲܟ̣ܪܹܬ̣ ܐܲܠܵܗܵܐ ܘܐܸܬ̇ܕܲܠܚܹ̇ܬ̣.

⁷ܘܲܪܢܹܝ݁ܬ̣ ܘܐܸܬ̇ܛܲܪܦܲܬ̤ ܪܘܼܚܝ.

⁸ܘܐܲܚܕ̇ܘܼܢܝ ܨܲܘܪ̈ܵܢܹܐ ܒܥܲܝܢܲܝ̈.

⁹ܚܸܪܫܹ̇ܬ ܘܠܵܐ ܡܲܠܠܹ݁ܬ̣.

¹⁰ܚܸܫ̇ܒܹ̇ܬ ܝܲܘ̈ܡܲܝ ܕܡ̣ܢ ܩܕ݂ܝܼܡ.

¹¹ܘܲܫ̈ܢܲܝܵܐ ܕܡ̣ܢ ܥܵܠܡܝܼܢ ܐܸܬ̇ܕܲܟ̣ܪܹܬ̣.

¹²ܪܢܹܝ݁ܬ̣ ܒܠܸܠܝܵܐ ܘܲܒ̣ܠܹܒ̇ܝ ܪܢܹܝ݁ܬ̣.

¹³ܘܲܒ̣ܨܹܝ݁ܬ̣ ܪܘܼܚܝ ܘܐܸܡ̇ܪܹܬ̣.

¹⁴ܕܲܠܥܵܠܲܡ ܛܥܵܢܝ ܡܵܪܝܵܐ.

¹⁵ܘܠܵܐ ܡܲܘܣܸܦ ܬܘܼܒ̣ ܠܡܸܨܛܒ̣ܵܝܘܼ ܒܝܼ.

¹⁶ܐܲܘ ܕܲܠܡܵܐ ܠܥܵܠܲܡ ܡܲܥܒܲܪ ܛܲܝܒ̇ܘܼܬܹܗ.

¹⁷ܘܲܡܫܲܠܸܡ ܡܸܠܬܹܗ ܠܕ݂ܵܪܕܵܪ̈ܝܼܢ.

¹⁸ܐܲܘ ܛܵܥܹܐ݁ ܐܲܠܵܗܵܐ ܠܲܡܪܲܚܵܡܘܼ.

¹⁹ܐܲܘ ܚܵܡܹ̇ܠ ܪ̈ܲܚܡܵܘܗܝ ܒܪܘܼܓ̣ܙܹܗ.

²⁰ܐܸܡ̇ܪܹܬ̣ ܕܲܟ̣ܪܝܼܗܘܼܬ̣ܝܼ ܗ̄ܝ̣.

²¹ܘܬܸܢܝܵܐ ܐܸܢܹܝܢ ܕܝܲܡܝܼܢܵܐ ܕܥܸܠܵܝܵܐ.

²²ܡܸܛܠ ܕܐܸܬ̇ܕܲܟ̣ܪܹܬ̣ ܡ̣ܢ ܩܕ݂ܝܼܡ ܬܸܕ݂ܡ̱ܪ̈ܵܬ̣ܵܟ݂.

²³ܘܲܪܢܹܝ݁ܬ̣ ܒܟ̣ܠܗܘܿܢ ܥܒ̣ܵܕܲܝ̈ܟ.

²⁴ܘܲܒ̣ܨܸܢ̈ܥܵܬ̣ܵܟ݂ ܪܢܹܝ݁ܬ̣.

²⁵ܐܲܠܵܗܵܐ ܐܘܼܪܚܵܟ݂ ܩܲܕ̇ܝܼܫܵܐ ܗ̄ܝ̣.

²⁶ܘܠܲܝܬ̇ ܕܪܲܒ̇ ܐܲܝܟ݂ ܐܲܠܵܗܲܢ.

²⁷ܐܲܢ̄ܬ̇ܘܼ ܐܲܠܵܗܵܐ ܕܲܥܒܲܕ̇ܬ̇ ܬܸܕ݂ܡ̱ܪ̈ܵܬ̣ܵܐ.

²⁸ܘܚܲܘܝܼܬ̇ ܒܥܲܡܡܹ̈ܐ ܥܘܼܫܢܵܟ݂.

²⁹ܘܲܦܪܲܩܬ̇ ܒܲܕ݂ܪܵܥܵܟ݂ ܠܥܲܡܵܟ݂.

³⁰ܠܲܒ̣ܢܲܝ̈ ܝܲܥܩܘܿܒ̣ ܘܝܲܘܣܸܦ.

³¹ܚܙܵܐܘܼܟ݂ ܡܲܝ̈ܵܐ ܐܲܠܵܗܵܐ ܚܙܵܐܘܼܟ݂ ܡܲܝ̈ܵܐ ܘܲܕ݂ܚܸܠ݂ܘ.

³²ܐܵܦ ܬܗܘܿܡܹ̈ܐ ܙܵܥ̣ܘ ܘܲܥܢܵܢܹ̈ܐ ܪܙܲܦ̣ ܡܲܝ̈ܵܐ.

³³ܝܲܗ݂̄ܒ̣ܘ ܩܵܠܵܐ ܫܡܲܝ̈ ܫܡܲܝܵܐ.

³⁴ܐܵܦ ܓܹܐܪ̈ܲܝܟ ܦܵܪܚܝܼܢ.

³⁵ܘܩܵܠܵܐ ܕܪ̈ܲܥܡܲܝܟ ܒܓ̣ܝܼܓ̣ܠܹ̈ܐ.

³⁶ܐܲܢܗܲܪܘ ܒܲܪ̈ܩܲܝܟ ܠܬܹܒܹܝܠ.

³⁷ܐܸܬ̇ܕܲܠܚܲܬ̤ ܘܙܵܥܲܬ݀ ܐܲܪܥܵܐ.

³⁸ܒܝܲܡܵܐ ܐܘܼܪܚܵܟ݂ ܘܲܫܒ̣ܝܼ̈ܠܲܝܟ ܒܡܲܝ̈ܵܐ ܣܲܓ̇ܝܼ̈ܐܹܐ.

³⁹ܘܥܸܩ̈ܒ̣ܵܬ̣ܵܟ݂ ܠܵܐ ܐܸܬ̣ܝܼܕܲܥ.

⁴⁰ܕܲܒܲܪܬ̇ ܠܥܲܡܵܟ݂ ܐܲܝܟ݂ ܥܵܢ̈ܵܐ.

⁴¹ܒܐܝܼܕ݂ܵܐ ܕܡܘܼܫܹܐ ܘܕܲܐܗܪܘܿܢ.