Read Aramaic Peshita Psalms 78 Bible Online

Psalms 78 - Aramaic Peshita bible

Psalms 78

¹ܥܲܡܝ ܨܘܼܬ̣ܘ ܢܵܡܘܿܣܝ ܘܐܸܬ̇ܛܦܝܼܣܘ.

²ܘܲܨܠܵܘ ܐܸܕ݂ܢܲܝ̈ܟ̇ܘܿܢ ܠܡܸܠܵܘ̈ܗܝ ܕܦܘܼܡܝ.

³ܗܵܐ ܓܹܝܪ ܐܸܦ̮ܬܲܚ ܦܘܼܡܝ ܒܡܲܬ̣ܠܹ̈ܐ.

⁴ܘܐܹܡܲܪ ܦܸܠ̈ܐܵܬ̣ܵܐ ܕܡ̣ܢ ܩܕ݂ܝܼܡ.

⁵ܐܲܝܠܹܝܢ ܕܲܫܡ݂ܥܲܢ ܝܑܼܕܲܥܢ ܐܸܢܹܝܢ.

⁶ܘܐܵܦ ܐܲܝܠܹܝܢ ܕܐܲܒ̣ܵܗܲܝ̈ܢ ܐܸܫܬܲܥܝܼܘ ܠܲܢ.

⁷ܕܠܵܐ ܢܟܲܣܹܐ ܡ̣ܢ ܒܢܲܝ̈ܗܘܿܢ.

⁸ܐܸܠܵܐ ܠܕ݂ܵܪܵܐ ܐ̄ܚܪܹܢܵܐ ܢܸܫܬܲܥܸܐ.

⁹ܬܸܫ̈ܒ̇ܚܵܬܹܗ ܕܡܵܪܝܵܐ ܘܚܲܝܠܹܗ.

¹⁰ܘܬܸܕ݂ܡ̱ܪ̈ܵܬܹܗ ܕܲܥܒ݂ܲܕ݂.

¹¹ܕܐܲܩܝܼܡ ܣܵܗܕ̇ܘܼܬܹܗ ܒܝܲܥܩܘܿܒ̣.

¹²ܘܢܵܡܘܿܣܹܗ ܣܵܡ ܒܝܼܣܪܵܝܹܠ.

¹³ܐܲܝܟ݂ ܕܦܲܩܸܕ݂ ܠܐܲܒ̣ܵܗܲܝ̈ܢ.

¹⁴ܕܢܲܘܕ̇ܥܘܼܢ ܠܲܒ̣ܢܲܝ̈ܗܘܿܢ.

¹⁵ܕܢܸܕ̇ܥܘܼܢ ܕܵܪܵܐ ܐ̄ܚܪܹܢܵܐ.

¹⁶ܒܢܲܝ̈ܵܐ ܕܡܸܬ̣ܝܲܠܕ̇ܝܼܢ ܘܩܵܝܡ݁ܝܼܢ.

¹⁷ܕܢܸܫܬܲܥܘܼܢ ܠܲܒ̣ܢܲܝ̈ܗܘܿܢ.

¹⁸ܕܢܸܗܘܸܐ ܣܲܒ̣ܪܗܘܿܢ ܒܐܲܠܵܗܵܐ.

¹⁹ܘܠܵܐ ܢܸܛܥܘܿܢ ܥܒ̣ܵܕ݂ܵܘ̈ܗܝ ܕܐܲܠܵܗܵܐ.

²⁰ܘܦܘܼܩܕܵܢܵܘ̈ܗܝ ܢܸܛܪܘܼܢ.

²¹ܘܠܵܐ ܢܸܗܘܘܿܢ ܐܲܝܟ݂ ܐܲܒ̣ܵܗܲܝ̈ܗܘܿܢ.

²²ܕܵܪܵܐ ܒܝܼܫܵܐ ܘܲܡܡܲܪܡ̱ܪܵܢܵܐ.

²³ܕܵܪܵܐ ܕܠܵܐ ܐܲܬ̣ܩܸܢ ܠܸܒܹ̇ܗ.

²⁴ܘܠܵܐ ܗܲܝܡܸܢ ܒܐܲܠܵܗܵܐ ܕܪܘܼܚܹܗ.

²⁵ܒܢܵܘ̈ܗܝ ܕܐܲܦܪܹܝܡ ܕܲܡܬܲܚ݂ܘ ܝܲܬ̣ܪܵܐ ܘܲܫ̣ܕ݂ܵܘ ܒܩܸܫܬܵܐ.

²⁶ܘܲܗܦܲܟ̣ܘ ܒܝܲܘܡܵܐ ܕܲܩܪܵܒ̣ܵܐ.

²⁷ܥܲܠ ܕܠܵܐ ܢܛܲܪ݂ܘ ܩܝܵܡܹܗ ܕܐܲܠܵܗܵܐ.

²⁸ܘܲܒ̣ܢܵܡܘܿܣܹܗ ܠܵܐ ܨ̣ܒ̣ܵܘ ܠܲܡܗܲܠܵܟ̣ܘܼ.

²⁹ܘܲܛܥ݂ܵܘ ܥܒ̣ܵܕ݂ܵܘ̈ܗܝ ܘܬܸܕ݂ܡ̱ܪ̈ܵܬܹܗ.

³⁰ܕܚܲܘܝܼ ܐܸܢܘܿܢ ܩܕ݂ܵܡ ܐܲܒ̣ܵܗܲܝ̈ܗܘܿܢ.

³¹ܕܲܥܒ݂ܲܕ݂ ܬܸܕ݂ܡ̱ܪ̈ܵܬ̣ܵܐ ܒܐܲܪܥܵܐ ܕܡܸܨܪܹܝܢ.

³²ܘܲܒ̣ܚܲܩ̈ܠܵܬ̣ܵܐ ܕܨܵܥܵܢ.

³³ܬܪ݂ܲܥ ܝܲܡܵܐ ܘܐܲܥܒܲܪ ܐܸܢܘܿܢ.

³⁴ܘܐܲܩܝܼܡ ܡܲܝ̈ܵܐ ܐܲܝܟ݂ ܕܲܒ̣ܙܸܩܹ̈ܐ.

³⁵ܕܲܒܲܪ ܐܸܢܘܿܢ ܒܐܝܼܡܵܡܵܐ ܒܲܥܢܵܢܵܐ.

³⁶ܘܟ̣ܠܹܗ ܠܸܠܝܵܐ ܒܙܲܗܪܵܐ ܕܢܘܼܪܵܐ.

³⁷ܬܪ݂ܲܥ ܛܲܪܵܢܵܐ ܒܡܲܕ݂ܒ̇ܪܵܐ.

³⁸(8) ܘܐܲܫܩܝܼ ܐܸܢܘܿܢ ܐܲܝܟ݂ ܕܡ̣ܢ ܬܗܘܿܡܵܐ ܪܲܒܵܐ.

³⁹ܐܲܦܸܩ ܪ̈ܵܕܲܝܵܐ ܡ̣ܢ ܟܹܐܦܵܐ.

⁴⁰ܘܲܪܕ݂ܵܘ ܡܲܝ̈ܵܐ ܐܲܝܟ݂ ܢܲܗܪ̈ܵܘܵܬ̣ܵܐ.

⁴¹ܘܐܲܘܣܸܦ ܬܘܼܒ̣ ܥܲܡܵܐ ܠܡܸܚܛܵܐ.

⁴²ܘܠܲܡܡܲܪܡܵܪܘܼ ܠܲܡܪܲܝܡܵܐ ܒܨܲܗܝܵܐ.

⁴³ܘܢܲܣܝܼܘ ܠܐܲܠܵܗܵܐ ܒܠܸܒ̇ܗܘܿܢ.

⁴⁴ܠܡܸܫܐܲܠ ܡܹܐܟ̣ܘܼܠܬܵܐ ܠܢܲܦ̮ܫܗܘܿܢ.

⁴⁵ܘܲܪܛܲܢ݂ܘ ܥܲܠ ܐܲܠܵܗܵܐ ܘܐܸܡܲܪ݂ܘ.

⁴⁶ܕܲܠܡܵܐ ܡܸܫܟܲܚ ܐܲܠܵܗܵܐ ܠܡܸܣܕܲܪ ܠܲܢ ܦܵܬ̣ܘܿܪܹ̈ܐ ܒܡܲܕ݂ܒ̇ܪܵܐ.

⁴⁷ܐܸܢ ܡ̣ܚܵܐ ܠܛܲܪܵܢܵܐ ܘܲܪ݂ܕ݂ܵܘ ܡܲܝ̈ܵܐ ܘܪܸ̈ܓ̣ܠܵܬ̣ܵܐ ܐܲܪܕ̇ܝܼ.

⁴⁸ܕܲܠܡܵܐ ܐܵܦ ܠܲܚܡܵܐ ܡܸܫܟܲܚ ܠܡܸܬܲܠ ܠܲܢ.

⁴⁹ܐܲܘ ܡܛܲܝܸܒ̣ ܡܹܐܟ̣ܘܼܠܬܵܐ ܠܥܲܡܹܗ.

⁵⁰ܡܸܛܠ ܗܵܢܵܐ ܫܡ݂ܲܥ ܡܵܪܝܵܐ ܘܲܪܓܸܙ݂.

⁵¹ܘܢܘܼܪܵܐ ܐܸܚܕܲܬ̤ ܒܝܲܥܩܘܿܒ̣.

⁵²ܘܐܵܦ ܪܘܼܓ̣ܙܵܐ ܣܠܸܩ݂ ܒܝܼܣܪܵܝܹܠ.

⁵³ܥܲܠ ܕܠܵܐ ܗܲܝܡܸܢܘ ܒܐܲܠܵܗܵܐ.

⁵⁴ܘܠܵܐ ܣܲܒܲܪܘ ܠܦܘܼܪܩܵܢܹܗ.ܦܵܣܘܿܩܵܐ.

⁵⁵(1) ܘܲܦܩ݂ܲܕ݂ ܠܲܥܢܵܢܹ̈ܐ ܡ̣ܢ ܠܥܸܠ.

⁵⁶(2) ܘܬܲܪ̈ܥܹܐ ܕܲܫܡܲܝܵܐ ܐܸܬ̣ܦܲܬܲܚܘ.

⁵⁷(3) ܐܲܚܸܬ̣ ܠܗܘܿܢ ܡܲܢܵܐ ܠܡܹܐܟܲܠ.

⁵⁸(4) ܘܠܲܚܡܵܐ ܕܲܫܡܲܝܵܐ ܝܲܗ݂̄ܒ̣ ܠܗܘܿܢ.

⁵⁹(5) ܠܲܚܡܵܐ ܕܡܲܠܲܐܟܹ̈ܐ ܐܸܟܲܠ݂ ܒܲܪܢܵܫܵܐ.

⁶⁰(6) ܘܨܲܝܕܵܐ ܫܲܕܲܪ ܠܗܘܿܢ ܠܡܸܣܒܲܥ.

⁶¹(7) ܐܲܫܸܒ̣ ܪ̈ܘܼܚܹܐ ܒܲܫܡܲܝܵܐ.

⁶²(8) ܘܕܲܒܲܪ ܒܥܘܼܫܢܹܗ ܠܬܲܝܡ̱ܢܵܐ.

⁶³(9) ܐܲܚܸܬ̣ ܠܗܘܿܢ ܒܸܣܪܵܐ ܐܲܝܟ݂ ܥܲܦܪܵܐ.

⁶⁴(10) ܘܐܲܝܟ݂ ܚܵܠܵܐ ܕܝܲܡܡܹ̈ܐ ܦܵܪܲܚܬ̣ܵܐ ܕܓܸܦܵܐ.

⁶⁵(11) ܘܲܢܦܲܠܘ ܒܡܲܫ̱ܪ̈ܝܵܬ̣ܗܘܿܢ ܚܕ݂ܵܪ̈ܲܝ ܡܲܫܟ̇ܢܲܝ̈ܗܘܿܢ.

⁶⁶(12) ܘܐܸܟܲܠ݂ܘ ܘܲܣܒܲܥ݂ܘ ܛܵܒ̣ ܘܲܪ̈ܓ̣ܝܼܓ̣ܵܬ̣ܗܘܿܢ ܝܲܗ݂̄ܒ̣ ܠܗܘܿܢ.

⁶⁷(13) ܘܠܵܐ ܦܪܲܩܘ݂ ܡ̣ܢ ܪ̈ܓ̣ܝܼܓ̣ܵܬ̣ܗܘܿܢ.

⁶⁸(14) ܘܥܲܕ݂ ܡܹܐܟ̣ܘܼܠܬ̇ܗܘܿܢ ܒܦܘܼܡܗܘܿܢ.

⁶⁹(15) ܪܘܼܓ̣ܙܹܗ ܕܐܲܠܵܗܵܐ ܣܠܸ݂ܩ ܒܗܘܿܢ.

⁷⁰(16) ܘܩܲܛܸܠ ܡ̣ܢ ܥܲܬ̇ܝܼܪ̈ܲܝܗܘܿܢ.

⁷¹(17) ܘܠܲܓ݂̈ܒܲܝܵܐ ܕܝܼܣܪܵܝܹܠ ܐܲܒ̣ܪܸܟ݂.

⁷²(18) ܒܗܵܠܹܝܢ ܟܠܗܹܝܢ ܚܛ݂ܵܘ.

⁷³(19) ܘܬ̣ܘܼܒ̣ ܠܵܐ ܗܲܝܡܸܢܘ ܒܬܸܕ݂ܡ̱ܪ̈ܵܬܹܗ.

⁷⁴(20) ܓܲܡܲܪܘ ܒܲܣܪܝܼܩܘܼܬ̣ܵܐ ܝܲܘܡܲܝ̈ܗܘܿܢ.

⁷⁵(21) ܘܲܫ̈ܢܲܝܗܘܿܢ ܡܣܲܪܗ̱ܒ̣ܵܐܝܼܬ̣.

⁷⁶(22) ܡܵܐ ܕܩܵܛܸ݁ܠ ܗ̄ܘܵܐ ܠܗܘܿܢ ܒܵܥܹܝ݁ܢ ܗ̄ܘܵܘ ܠܹܗ.

⁷⁷(23) ܘܗܵܦ̇ܟ̇ܝܼܢ ܗ̄ܘܵܘ ܘܲܡܩܲܕ̇ܡܝܼܢ ܠܘܵܬܹܗ.

⁷⁸(24) ܥܗ݂ܲܕ݂ܘ ܕܐܲܠܵܗܵܐ ܗ̄ܘ̣ ܥܵܕ݂ܘܿܪܗܘܿܢ.

⁷⁹(25) ܘܐܲܠܵܗܵܐ ܡܪܲܝܡܵܐ ܦܵܪܘܿܩܗܘܿܢ.

⁸⁰(26) ܪܲܚܡܘܼܗܝ ܒܦܘܼܡܗܘܿܢ ܘܲܒ̣ܠܸܫܵܢܗܘܿܢ ܟܲܕܸܒ̣ܘ ܒܹܗ.

⁸¹(27) ܠܸܒ̇ܗܘܿܢ ܠܵܐ ܐܲܬ̣ܩܸܢܘ ܥܲܡܹܗ ܘܠܵܐ ܗܲܝܡܸܢܘ ܒܲܩܝܵܡܹܗ.

⁸²(28) ܘܗܘ݀ ܡܪܲܚܡܵܢ ܘܫܵܒܸܩ݁ ܚܛܵܗܹ̈ܐ ܘܠܵܐ ܡܚܲܒܸܠ.

⁸³(29) ܡܲܣܓܸ̇ܐ ܠܡܲܗܦܵܟ̣ܘܼ ܪܘܼܓ̣ܙܹܗ ܘܠܵܐ ܡܥܝܼܪ ܟܠܵܗ ܚܸܡܬܹܗ.

⁸⁴(30) ܘܐܸܬ̇ܕ̇ܟܲܪ ܕܒܸܣܪܵܐ ܐܸܢܘܿܢ.

⁸⁵(31) ܪܘܼܚܵܐ ܕܐܵܙܵܠ̄ܐ ܘܠܵܐ ܗܵܦ̇ܟܵܐ.

⁸⁶(32) ܗܸܢܘܿܢ ܡܲܪܡ̱ܪܘܼܗܝ ܒܡܲܕ݂ܒ̇ܪܵܐ.

⁸⁷(33) ܘܐܲܪܓ̇ܙܘܼܗܝ ܒܐܲܫܝܼܡܘܿܢ.

⁸⁸(34) ܘܲܗܦ݂ܲܟ̣ܘ ܘܢܲܣܝܼܘ ܠܐܲܠܵܗܵܐ.

⁸⁹(35) ܘܲܠܩܲܕ̇ܝܼܫܵܐ ܕܝܼܣܪܵܝܹܠ ܓܲܪܸܓ̣ܘ.

⁹⁰(36) ܘܠܵܐ ܐܸܬ̇ܕ̇ܟܲܪܘ ܐܝܼܕܹܗ ܝܲܘܡܵܐ ܕܲܦܪ݂ܲܩ ܐܸܢܘܿܢ ܡ̣ܢ ܐܵܠܘܿܨܵܐ.

⁹¹(37) ܕܲܥܒܲܕ݂ ܒܡܸܨܪܝܹܢ ܐܵܬܼ̈ܘܵܬܹܗ.

⁹²(38) ܘܬܸܕ݂ܡ̱ܪ̈ܵܬܹܗ ܒܚܲܩ̈ܠܵܬ̣ܵܐ ܕܨܵܥܵܢ.

⁹³(49) ܕܲܗܦ݂ܲܟ݂ ܢܲܗܪ̈ܵܘܵܬ̣ܗܘܿܢ ܠܲܕ݂ܡܵܐ.

⁹⁴(40) ܘܪ̈ܵܕܲܝܗܘܿܢ ܕܠܵܐ ܢܸܫܬ̇ܘܿܢ ܡܲܝ̈ܵܐ.

⁹⁵(41) ܫܲܕܲܪ ܥܠܲܝܗܘܿܢ ܚܲܠܘܼܛܵܐ ܘܐܸܟܲܠ݂ ܐܸܢܘܿܢ.

⁹⁶(42) ܘܐܘܼܪ̈ܕ̇ܥܹܐ ܘܚܲܒܸܠ ܐܸܢܘܿܢ.

⁹⁷(43) ܝܲܗ݂̄ܒ̣ ܠܩܲܡܨܵܐ ܥܲܠ̈ܠܵܬ̣ܗܘܿܢ.

⁹⁸(44) ܘܠܹܐܘܲܬ̣ܗܘܿܢ ܠܙܵܚܠܵܐ.

⁹⁹(45) ܬܒܲܪ݂ ܒܒܲܪܕ݂ܵܐ ܓܘܼܦܢܲܝ̈ܗܘܿܢ.

¹⁰⁰(46) ܘܬܹܐܢܲܝ̈ܗܘܿܢ ܒܲܓ̣ܠܝܼܕ݂ܵܐ.

¹⁰¹(47) ܐܲܫܠܸܡ ܠܒܲܪܕ݂ܵܐ ܒܥܝܼܪܗܘܿܢ.

¹⁰²(48) ܘܩܸܢܝܵܢܗܘܿܢ ܠܝܲܩܕܵܢܵܐ.

¹⁰³(49) ܫܲܕܲܪ ܥܠܲܝܗܘܿܢ ܚܸܡܬ̣ܵܐ ܕܪܘܼܓ̣ܙܹܗ.

¹⁰⁴(50) ܚܸܡܬ̣ܵܐ ܘܪܘܼܓ̣ܙܵܐ ܘܐܘܼܠܨܵܢܵܐ.

¹⁰⁵(51) ܫܲܕܲܪ ܒܝܲܕ݂ ܡܲܠܲܐܟ̣ܵܐ ܒܝܼܫܵܐ.

¹⁰⁶(52) ܘܲܬ̣ܪܲܥ ܫܒ̣ܝܼܠܹ̈ܐ ܒܝܼܫܹ̈ܐ.

¹⁰⁷(53) ܘܠܵܐ ܚ̣ܣܲܟ݂ ܡ̣ܢ ܡܲܘܬܵܐ ܢܲܦ̮̈ܫܵܬ̣ܗܘܿܢ.

¹⁰⁸(54) ܘܚܲܝ̈ܘܵܬ̣ܗܘܿܢ ܠܡܲܘܬܵܐ ܐܲܫܠܸܡ.

¹⁰⁹(55) ܩܲܛܸܠ ܟܠ ܒܘܼܟ̣ܪܹ̈ܐ ܕܡܸܨܪܹܝܢ.

¹¹⁰(56) ܪܹܫ ܟܠܹܗ ܝܲܠܕ̇ܗܘܿܢ ܒܡܲܫܟ̇ܢܵܐ ܕܚܵܡ.ܦܵܣܘܿܩܵܐ.

¹¹¹(1) ܐܲܫܩܸܠ ܠܥܲܡܹܗ ܐܲܝܟ݂ ܥܵܢ̈ܵܐ.

¹¹²(2) ܘܕܲܒܲܪ ܐܸܢܘܿܢ ܐܲܝܟ݂ ܓܙܵܪܵܐ ܒܡܲܕ݂ܒ̇ܪܵܐ.

¹¹³(3) ܐܲܫܪܝܼ ܐܸܢܘܿܢ ܒܣܲܒ̣ܪܵܐ ܘܠܵܐ ܕܚܸܠ݂ܘ.

¹¹⁴(4) ܘܠܲܒ̣ܥܸܠܕ̇ܒ̣ܵܒܲܝ̈ܗܘܿܢ ܟܲܣܝܼ ܝܲܡܵܐ.

¹¹⁵(5) ܐܲܝܬ̇ܝܼ ܐܸܢܘܿܢ ܠܲܬ̣ܚܘܼܡܵܐ ܕܩܘܼܕ݂ܫܹܗ.

¹¹⁶(6) ܠܗܵܢܵܐ ܛܘܼܪܵܐ ܕܲܩܢܵܬ݀ ܝܲܡܝܼܢܹܗ.

¹¹⁷(7) ܐܲܘܒܸ̇ܕ ܡ̣ܢ ܩܕ݂ܵܡܲܝܗܘܿܢ ܥܲܡܡܹ̈ܐ.

¹¹⁸(8) ܘܐܲܪܡܝܼ ܐܸܢܘܿܢ ܒܚܲܒ̣ܠܹ̈ܐ ܕܝܵܪܬ̇ܘܼܬܹܗ.

¹¹⁹(9) ܘܲܫܪ݂ܵܘ ܒܡܲܫܟ̇ܢܲܝ̈ܗܘܿܢ ܫܲܒ̣ܛܹ̈ܐ ܕܝܼܣܪܵܝܹܠ.

¹²⁰(10) ܢܲܣܝܼܘ ܘܡܲܪܡܲܪܘ ܠܐܲܠܵܗܵܐ ܡܪܲܝܡܵܐ.

¹²¹(11) ܘܣܵܗ̈ܕ̇ܘܵܬܹܗ ܠܵܐ ܢܛܲܪܘ.

¹²²(12) ܘܲܗܦܲܟ̣ܘ ܘܕܲܓܸ̇ܠܘ ܐܲܝܟ݂ ܐܲܒ̣ܵܗܲܝ̈ܗܘܿܢ.

¹²³(13) ܘܐܸܬ̣ܗ̱ܦܸܟ̣ܘ ܐܲܝܟ݂ ܩܸܫܬܵܐ ܢܟ̣ܝܼܠܬܵܐ.

¹²⁴(14) ܐܲܪܓ̇ܙܘܼܗܝ ܒܲܥ̈ܠܵܘܵܬ̣ܗܘܿܢ ܘܒܲܦܬܲܟ̣ܪ̈ܲܝܗܘܿܢ ܐܲܛܢܘܼܗܝ.

¹²⁵(15) ܘܲܫܡܲܥ݂ ܐܲܠܵܗܵܐ ܘܐܸܬ̣ܚܲܡܲܬ̣.

¹²⁶(16) ܘܲܪܓܸܙ݂ ܛܵܒ̣ ܥܲܠ ܝܑܼܣܪܵܝܹܠ.

¹²⁷(17) ܘܲܛܥ݂ܵܐ ܠܡܲܫܟ̇ܢܵܐ ܕܫܝܼܠܘܿ.

¹²⁸(18) ܡܲܫܟ̇ܢܵܐ ܕܲܫܪ݂ܵܐ ܒܹܝܬ̣ ܒܢܲܝ̈ܢܵܫܵܐ.

¹²⁹(19) ܝܲܗ݂̄ܒ̣ ܠܲܫܒ̣ܝܼܬ̣ܵܐ ܥܲܡܹܗ ܘܬܸܫܒ̇ܘܿܚܬܹܗ ܒܐܝܼܕ݂ܵܐ ܕܐܵܠܘܿܨܵܐ.

¹³⁰(20) ܐܲܫܠܸܡ ܥܲܡܹܗ ܠܚܲܪܒܵܐ ܘܐܲܗܡܝܼ ܡ̣ܢ ܝܵܪܬ̇ܘܼܬܹܗ.

¹³¹(21) ܠܓܲܕ̇ܘܼܕܲܝ̈ܗܘܿܢ ܐܸܟ̣ܠܲܬ݀ ܢܘܼܪܵܐ.

¹³²(22) ܘܲܒ̣ܬ̣ܘܼ̈ܠܵܬ̣ܗܘܿܢ ܐܸܬ̇ܛܲܪܲܦ.

¹³³(23) ܟܵܗܢܲܝ̈ܗܘܿܢ ܢܦܲܠ݂ܘ ܒܚܲܪܒܵܐ.

¹³⁴(24) ܘܐܲܪ̈ܡ̱ܠܵܬ̣ܗܘܿܢ ܠܵܐ ܐܸܬ̣ܒܲܟ̇ܝܼ.

¹³⁵(25) ܐܸܬ̇ܬ̇ܥܝܼܪ ܡܵܪܝܵܐ ܐܲܝܟ݂ ܕܲܡܟܵܐ.

¹³⁶(26) ܘܐܲܝܟ݂ ܓܲܒ̣ܪܵܐ ܕܢܲܦܨܹܗ ܚܲܡܪܹܗ.

¹³⁷(27) ܡܚ݂ܵܐ ܠܲܒ̣ܥܸܠܕ̇ܒ̣ܵܒ̣ܵܘ̈ܗܝ ܠܒܸܣܬ̇ܪܹܗ.

¹³⁸(28) ܘܚܸܣܕܵܐ ܕܥܵܠܡܵܐ ܝܲܗ݂̄ܒ̣ ܠܗܘܿܢ.

¹³⁹(29) ܐܲܣܠܝܼ ܠܡܲܫܟܢܵܐ ܕܝܲܘܣܸܦ.

¹⁴⁰(30) ܘܲܒ̣ܫܲܒ̣ܛܵܐ ܕܐܲܦܪܹܝܡ ܠܵܐ ܐܸܬ̣ܪܲܥܝܼ.

¹⁴¹(31) ܓ݂ܒ̣ܵܐ ܠܫܲܪܒ̇ܬ̣ܵܐ ܕܲܝܗܘܼܕ݂ܵܐ.

¹⁴²(32) ܠܛܘܼܪܵܐ ܕܨܸܗܝܘܿܢ ܕܲܪܚܸܡ݂.

¹⁴³(33) ܒܢ݂ܵܐ ܥܲܠ ܪܲܘܡܵܐ ܡܲܩܕ̇ܫܹܗ.

¹⁴⁴(34) ܘܒܲܐܪܥܵܐ ܐܲܬ̣ܩܢܹܗ ܠܥܵܠܲܡ.

¹⁴⁵(35) ܘܲܓ̣ܒ̣ܵܐ ܠܕ݂ܵܘܝܼܕ݂ ܥܲܒ̣ܕܹ̇ܗ.

¹⁴⁶(36) ܘܕܲܒ̣ܪܹܗ ܡ̣ܢ ܓܙܵܪܵܐ ܕܥܵܢ̈ܵܐ.

¹⁴⁷(37) ܘܡ̣ܢ ܒܸܣܬܲܪ ܥܵܢ̈ܵܐ ܕܡܲܝ̈ܢ̱ܩܵܢ.

¹⁴⁸(38) ܠܡܸܪܥܵܐ ܠܝܲܥܩܘܿܒ̣ ܥܲܡܹܗ ܘܠܝܼܣܪܵܝܹܠ ܝܵܪܬ̇ܘܼܬܹܗ.

¹⁴⁹(49) ܘܲܪܥ݂ܵܐ ܐܸܢܘܿܢ ܒܬܲܡܝܼܡܘܼܬ̣ܵܐ ܕܠܸܒܹ̇ܗ.

¹⁵⁰(40) ܘܲܒ̣ܣܘܼܟܵܠܵܐ ܕܐܝܼ̈ܕ݂ܵܘܗܝ ܕܲܒܲܪ ܐܸܢܘܿܢ.