Read Aramaic Peshita Psalms 79 Bible Online

Psalms 79 - Aramaic Peshita bible

Psalms 79

¹ܐܲܠܵܗܵܐ ܥܲܠ ܥܲܡܡܹ̈ܐ ܠܝܵܪܬ̇ܘܼܬ̣ܵܟ݂.

²ܘܛܲܡܐܘܼܗܝ ܠܗܲܝܟ̇ܠܵܟ݂ ܩܲܕ̇ܝܼܫܵܐ.

³ܘܥܲܒ̣ܕ̇ܘܼܗ̇ ܠܐܘܿܪܸܫܠܸܡ ܚܲܪܒ̇ܬ̣ܵܐ.

⁴ܝܲܗ݂̄ܒ̣ܘ ܫ̈ܠܲܕܹ̇ܐ ܕܥܲܒ̣ܕܲܝ̈ܟ ܡܹܐܟ̣ܘܼܠܬܵܐ ܠܦܵܪܲܚܬ̣ܵܐ ܕܲܫܡܲܝܵܐ.

⁵ܘܒܸܣܪܵܐ ܕܙܲܕ̇ܝܼܩܲܝ̈ܟ ܠܚܲܝܘ̱ܬ̣ܵܐ ܕܐܲܪܥܵܐ.

⁶ܐܸܫܲܕ݂ܘ ܕܸܡܗܘܿܢ ܐܲܝܟ݂ ܡܲܝ̈ܵܐ ܚܕ݂ܵܪܹܝܗ̇ ܕܐܘܿܪܸܫܠܸܡ ܘܠܲܝܬ̇ ܕܩܵܒܲܪ.

⁷ܗ݀ܘܲܝܢ ܚܸܣܕܵܐ ܠܲܫܒ̣ܵܒܲܝ̈ܢ.

⁸ܘܡܘܼܝܵܩܵܐ ܘܒ̣ܘܼܙܵܚܵܐ ܠܐܲܝܠܹܝܢ ܕܲܚܕ݂ܵܪܲܝܢ ܐܸܢܘܿܢ.

⁹ܥܕܲܡܵܐ ܠܐܸܡܲܬ̣ܝ ܪܵܓܸܙ݁ ܐܲܢ̄ܬ̇ ܡܵܪܝܵܐ.

¹⁰ܘܝܵܩܸܕ݂ ܐܲܝܟ݂ ܢܘܼܪܵܐ ܪܘܼܓ̣ܙܵܟ݂.

¹¹ܐܲܫܘܿܕ݂ ܪܘܼܓ̣ܙܵܟ݂ ܥܲܠ ܥܲܡܡܹ̈ܐ ܐܲܝܠܹܝܢ ܕܠܵܐ ܝܲܕ݂ܥܘܼܟ݂.

¹²ܘܥܲܠ ܡܲܠ̈ܟ̇ܘܵܬ̣ܵܐ ܐܲܝܠܹܝܢ ܕܒܲܫܡܵܟ݂ ܠܵܐ ܩܪ̈ܲܝ.

¹³ܡܸܛܠ ܕܐܲܟ̣ܠܘܼܗܝ ܠܝܲܥܩܘܿܒ̣ ܘܲܠܕܲܝܪܹܗ ܚܪ݂ܲܒ̣ܘ.

¹⁴ܠܵܐ ܬܸܬ̇ܕ̇ܟܲܪ ܠܲܢ ܚܛܵܗܲܝ̈ܢ ܩܲܕ݂ܡܵܝܹ̈ܐ.

¹⁵ܒܲܥܓܲܠ ܢܩܲܕ̇ܡܘܼܢܵܢ ܪ̈ܲܚܡܲܝܟ.

¹⁶ܡܸܛܠ ܕܐܸܬ̣ܡܲܟܲܟ̣ܢ ܛܵܒ̣.

¹⁷ܥܲܕܲܪܲܝܢ ܐܲܠܵܗܵܐ ܦܵܪܘܿܩܲܢ.

¹⁸ܡܸܛܠ ܐܝܼܩܵܪܵܐ ܕܲܫܡܵܟ݂.

¹⁹ܚܲܣܵܢ ܘܦܲܨܵܢ ܡ̣ܢ ܚܛܵܗܲܝ̈ܢ ܡܸܛܠ ܫܡܵܟ݂.

²⁰ܕܠܵܐ ܢܹܐܡܪܘܼܢ ܥܲܡܡܹ̈ܐ ܐܲܝܟܵܘ ܐܲܠܵܗܗܘܿܢ.

²¹ܬܸܬ̣ܝܼܕܲܥ ܒܥܲܡܡܹ̈ܐ ܠܥܹܢܲܝܢ[

²³(22) ܬܒܲܥܬ̣ܵܐ ܕܲܕ݂ܡܵܐ ܕܥܲܒ̣ܕܲܝ̈ܟ ܕܐܸܬ̣ܐ̱ܫܸܕ݂.

²⁴(23) ܬܸܥܘܿܠ ܩܕ݂ܵܡܲܝܟ ܐܸܢܲܩܬܹܗ ܕܐܲܣܝܼܪܵܐ.

²⁵(24) ܒܪܲܒ̇ܘܼܬ̣ܵܐ ܕܲܕ݂ܪܵܥܵܟ݂ ܫܪܝܼ ܒܢܲܝ̈ܵܐ ܡ̣ܢ ܡܲܘܬܵܐ.

²⁶(25) ܘܲܦܪܘܿܥ ܠܲܫܒ̣ܵܒܲܝ̈ܢ ܚܲܕ݂ ܒܫܲܒ̣ܥܵܐ ܒܥܘܼܒ̇ܗܘܿܢ.

²⁷(26) ܚܸܣܕܵܐ ܕܚܲܣܕ̇ܘܼܟ݂ ܡܵܪܝܵܐ.

²⁸(27) ܘܲܚܢܲܢ ܥܲܡܵܟ݂ ܘܥܵܢ̈ܵܐ ܕܡܲܪܥܝܼܬ̣ܵܟ݂.

²⁹(28) ܢܲܘܕܸ̇ܐ ܠܵܟ݂ ܠܥܵܠܲܡ.

³⁰(29) ܘܲܠܕ݂ܵܪܕܵܪ̈ܝܼܢ ܢܸܫܬܲܥܸܐ ܬܸܕ݂ܡ̱ܪ̈ܵܬ̣ܵܟ݂.